Fy ngwlad:
Fy ngwlad:

Chwilio

Cau
As part of their time at Chester Zoo, students develop, conduct, and present an independent behavioural study on a species of their choice.

Myfyrwyr Swoleg gyda Rheolaeth Anifeiliaid yn dechrau profiad yn Sŵ Caer

Mae myfyrwyr Prifysgol Bangor wedi treulio eu diwrnod cyntaf yn Sŵ Caer fel rhan o bartneriaeth unigryw rhwng y ddau sefydliad.

Mae'r rhaglen arloesol yn rhan o'r radd Swoleg gyda Rheolaeth Anifeiliaid, sef yr unig radd israddedig yn y Deyrnas Unedig y mae Sŵ Caer yn gweithredu fel partner uniongyrchol â hi.

Mae'r bartneriaeth, sydd bellach yn ei hail flwyddyn, yn cyfuno rhagoriaeth academaidd Prifysgol Bangor mewn Swoleg ag arbenigedd Sŵ Caer mewn hwsmonaeth anifeiliaid, lles, a gwyddor cadwraeth.

Mae'r radd yn cynnig mynediad digyffelyb i fyfyrwyr at brofiad o’r diwydiant o fewn gweithrediadau elusen gadwraeth fawr.

Dr Rhea Burton (far right) with the 2024/25 Zoology with Animal Management cohort, several of whom drew on their experience of the partnership to secure positions within the zoo industry prior to graduation.
Dr Rhea Burton (far right) with the 2024/25 Zoology with Animal Management cohort, several of whom drew on their experience of the partnership to secure positions within the zoo industry prior to graduation.

Aeth Dr Rhea Burton, a greodd y cwrs Swoleg gyda Rheolaeth Anifeiliaid ym Mhrifysgol Bangor, ati i ddatblygu’r radd mewn ymateb i alw cynyddol gan fyfyrwyr am opsiynau astudio mwy cymhwysol, gan dynnu ar ei phrofiad ei hun o weithio mewn sŵau.

“Pan ymunais â Phrifysgol Bangor, sylweddolais fod llawer o fyfyrwyr eisiau rhywbeth a oedd yn canolbwyntio mwy ar y diwydiant, yn enwedig o fewn y sector sw,” meddai Dr Burton.

“Gwnaeth datblygu’r radd Swoleg gyda Rheolaeth Anifeiliaid ganiatáu inni lenwi’r bwlch hwnnw a chreu rhywbeth gwirioneddol unigryw. Mae’r diwydiant sw yn gystadleuol iawn, ac mae'r radd hon yn darparu llwyfan rhagorol i fyfyrwyr sydd eisiau mentro i'r yrfa honno,” ychwanegodd.

Tyfodd syniad y cydweithrediad o drafodaethau rhwng Dr Burton a Liz Webb, sef Rheolwr Academi Hyfforddiant Cadwraeth Sŵ Caer, a gydnabu'r potensial ar gyfer partneriaeth ffurfiol.

“Rydym wedi gweithio gyda Phrifysgol Bangor ers blynyddoedd lawer ac rydym yn cael ein syfrdanu bob amser gan ansawdd eu myfyrwyr.

“Mae dod â sw mwyaf blaenllaw’r Deyrnas Unedig ynghyd â phrifysgol flaenllaw yn fuddiol i ddatblygu sgiliau a chadwraeth,” meddai Ms Webb.

  Mae'r bartneriaeth yn parhau i atgyfnerthu enw da Prifysgol Bangor am ddarparu addysg sy'n berthnasol i'r diwydiant ac sy'n cefnogi cyflogadwyedd myfyrwyr wrth gyfrannu'n uniongyrchol at nodau cadwraeth byd-eang.

Dysgwch fwy am y radd Swoleg gyda Rheolaeth Anifeiliaid drwy ddilyn y ddolen https://www.bangor.ac.uk/courses/undergraduate/c335-zoology-with-animal-management-bsc-hons

Gwyliwch fideo am y bartneriaeth unigryw rhwng Prifysgol Bangor a Sŵ Caer yma: https://www.youtube.com/watch?v=11_z1HLg4l4