Fy ngwlad:
Fy ngwlad:

Chwilio

Cau

Arbenigwraig Cynaliadwyedd yn archwilio safbwyntiau byd-eang newidiol ar ESG mewn gweddarlleniad

Croesawodd tîm Addysg Weithredol Ysgol Fusnes Albert Gubay, Prifysgol Bangor, yr arbenigwraig cynaliadwyedd Dr Rebecca Heaton yn ddiweddar ar gyfer y diweddaraf yn y gyfres "Meet the Sustainability Specialist", gan ddod â gweithwyr proffesiynol a dysgwyr ynghyd i drafod dyfodol busnes cynaliadwy a llywodraethu ESG (economaidd, cymdeithasol, llywodraethu).

Yn ystod y sesiwn ar-lein,"Changing Global Perspectives on ESG", bu Dr Rebecca Heaton yn trafod y grymoedd allweddol sy'n llywio busnes cynaliadwy ledled y byd. Trafododd ystod eang o bynciau, gan gynnwys polisi ynni, cadwyni cyflenwi, datgeliadau cynaliadwyedd a'r ffyrdd y mae sefydliadau'n ymateb i ofynion ESG sy'n datblygu'n gyflym.

Mae Dr Rebecca Heaton, sy'n arbenigo mewn defnydd tir, coedwigaeth a newid hinsawdd, wedi dal swyddi uwch ym maes cynaliadwyedd yn y sectorau ynni ac ariannol, ac roedd yn aelod o Pwyllgor Newid Hinsawdd y DU rhwng 2017 a 2021, gan gyfrannu at darged sero net 2050 y DU.

Wrth siarad am rôl cynaliadwyedd mewn sefydliadau modern, dywedodd:

Sustainability these days for grown-up, proper companies is integrated into the entire business strategy. It's not this side little thing that you bolt on.

Dr Rebecca Heaton,  Arbenigwr arweiniol cynaliadwyedd

Pwysleisiodd hefyd nad yw busnesau'n gweithredu ar wahân i gymdeithas, gan nodi bod disgwyliadau cwsmeriaid, gweithwyr, buddsoddwyr a llywodraethau yn chwarae rhan allweddol wrth sbarduno newid. Trafodwyd sut y mae adrodd a datgelu data cynaliadwyedd yn dod yn rhan annatod o strategaeth a llywodraethu corfforaethol, gan roi mwy o bwyslais ar atebolrwydd a mesur effaith.

Edrychodd y sesiwn hefyd ar y tueddiadau sy'n dod i'r amlwg ym maes natur a bioamrywiaeth, gyda Dr Rebecca Heaton yn amlygu'r cysylltiad cynyddol rhwng gweithredu ar yr hinsawdd, adfer natur a gwydnwch busnes.

Mae'r gyfres "Meet the Specialist" yn rhan o raglen Addysg Weithredol Ysgol Fusnes Albert Gubay, sy'n cysylltu arweinwyr, gweithwyr proffesiynol ac arbenigwyr academaidd i drafod rhai o'r heriau a'r cyfleoedd mwyaf arwyddocaol sy'n wynebu sefydliadau heddiw. 

Roedd y gweddarllediad yn rhoi cipolwg gwerthfawr i'r rhai a oedd yn bresennol ar sut y gall busnesau ymateb i heriau cynaliadwyedd byd-eang, gan greu gwerth hirdymor wrth gyfrannu at ddyfodol mwy cynaliadwy. Gwyliwch y weddarlleniad ar YouTube nawr.