Ydych chi yn ystyried parhau eich siwrne ym Mhrifysgol Bangor? A wyddoch chi, os ydych yn penderfynu aros ym Mangor i astudio cwrs ôl-radd, fe allwch fod yn gymwys i dderbyn Ysgoloriaeth Alumni fydd yn rhoi gostyngiad o 20% mewn ffioedd ar ein cyrsiau ôl-radd trwy ddysgu.
Mae'r amrywiaeth eang o gyrsiau ôl-radd, y gostyngiad hael mewn ffioedd i'n graddedigion a'r Ysgoloriaethau a Bwrsariaethau sydd ar gael, ymysg y rhesymau mae ein myfyrwyr yn dewis aros ym Mangor i astudio ar lefel ôl-radd.
Y ffordd orau i gael mwy o wybodaeth am ein cyrsiau ôl-radd a'r gostyngiad mewn ffioedd i fyfyrwyr presennol yw ymuno â ni ar un o'n Digwyddiadau Ôl-raddedig. Mewn Digwyddiad Ôl-raddedig cewch drafod eich opsiynau gyda staff a chael gwybod mwy am y gefnogaeth fydd ar gael i chi fel myfyriwr ôl-radd.
Os ydych yn gyn-fyfyriwr Cartref (yn cynnwys Gweriniaeth Iwerddon) Prifysgol Bangor sy'n hunan-gyllidol neu yn gyn-fyfyriwr hunan-gyllidol Rhyngwladol, fe gewch ostyngiad mewn ffioedd o 20%
Mae gennym nifer o Ysgoloriaethau, Efrydiaethau a Bwrsariaethau, yn cael eu hariannu gan y Brifysgol a gan yr Ysgolion academaidd unigol. Mae'r Ganolfan Addysg Rhyngwladol hefyd yn cynnig amrywiaeth o wobrau i fyfyrwyr rhyngwladol.
Gyda thros 200 o raglenni ôl-radd trwy ddysgu ac ymchwil, os ydych yn aros ymlaen i astudio ar lefel ôl-radd, cewch ddewis ehangu eich diddordebau academaidd neu barhau i arbenigo yn eich maes pwnc.
Dylech wneud cais yn defnyddio’r ffurflen ar-lein am y mwyafrif o’n cyrsiau ôl-radd yn y Brifysgol. Fel myfyriwr israddedig presennol ym Mhrifysgol Bangor, pan yn gwneud cais am y rhan fwyaf o’n cyrsiau ôl-radd ym Mangor, ni fydd angen cyflwyno geirda academaidd fel rhan o’ch cais.
Ymchwiliwch sut i ariannu eich astudiaethau a sut i wneud cais am gyllid ôl-radd.
Sgwrsiwch gyda myfyrwyr ôl-radd presennol sy'n hapus i ateb eich cwestiynau.
Dewch i wybod mwy am beth sy'n digwydd ar ôl gwneud cais i astudio fel myfyriwr ôl-radd.
Cynigir cyrsiau dysgu o bell neu gyrsiau cymysg, mewn rhai o’n hysgolion.
It looks like you’re visiting from outside the UK, would you like to be redirected to the international page?