Iechyd Meddwl Plant a Phobl Ifanc GIG-4377 Short Courses and CPD - Mynediad yn

Caiff y cwrs byr, lefel 7 rhan-amser hwn ei gyflwyno ar-lein.

I bwy mae’r cwrs hwn yn addas?

Mae’r cwrs byr yma’n addas ar gyfer unrhyw weithiwr proffesiynol sy'n gweithio gyda phlant a phobl ifanc

• Staff y Gwasanaeth Iechyd Meddwl Plant a Phobl Ifanc (CAMHS)
• Nyrsys Ysgol
• Gweithwyr Cymdeithasol
• Ymwelwyr Iechyd
• Therapyddion Galwedigaethol
• Nyrsys Iechyd Meddwl i Oedolion
• Nyrsys Pediatrig
• Ymarferwyr Anabledd Dysgu
• Therapyddion Celf
• Therapyddion Iaith a Lleferydd
• Deietegwyr

Dylai myfyrwyr fod yn gweithio gyda phlant, a bydd angen gallu sicrhau mynediad (trwy drefniant ymlaen llaw gyda rheolwyr gwasanaeth) i gyfleoedd fydd yn eu cefnogi i gyflawni’r deilliannau dysgu clinigol.

Pam astudio’r cwrs?

Mae'r cwrs deinamig hwn sy'n canolbwyntio ar yr unigolyn, wedi ei ddylunio mewn partneriaeth â Gwella Addysg Iechyd Cymru (AaGIC) a Byrddau Iechyd ledled Cymru  er mwyn cefnogi a gwella ymarfer ymarferwyr sy'n gweithio gyda phlant a phobl ifanc.

Mae’r cwrs byr hwn wedi’i ddylunio er mwyn cefnogi'r dysgwr i:

• ddysgu am ystod o bynciau perthnasol fydd yn galluogi ymarferwyr i ddarparu gofal diogel ac effeithiol i blant a phobl ifanc.  Mae'r ymyriadau a addysgir yn adlewyrchu'r lleoliadau gwaith amrywiol er mwyn galluogi'r dysgwr i ganolbwyntio ar ymarferoldeb yr ymyriadau o fewn cyd-destun aml broffesiynol.
• nodi ac asesu problemau ac anhwylderau iechyd meddwl mewn plant a phobl ifanc a allai fod angen ymyrraeth therapiwtig bellach.
• feithrin sgiliau er mwyn datblygu fformwleiddiadau seicolegol, ecolegol a systemig fel modd o ddeall a chynnig triniaethau ar gyfer lles seicolegol a meddyliol plant a phobl ifanc.
• ddysgu am y fframweithiau cyfreithiol sy'n ymwneud â gofalu am blant a phobl ifanc sydd â phroblemau ac anhwylderau iechyd meddwl (e.e. amddiffyn plant; mesur iechyd meddwl; deddf iechyd meddwl, ac ati)
• drafod damcaniaethau datblygiad plant sy'n ymwneud â deall a gofalu am blant a phobl ifanc sydd â phroblemau ac anhwylderau iechyd meddwl.
• werthuso a beirniadu'r sylfaen dystiolaeth a'r dulliau therapiwtig a brofwyd ac a addysgir yn ystod y modiwl, a'r rôl y mae goruchwyliaeth glinigol yn ei chwarae.
• werthuso eu gallu i gyflwyno rhaglen ofal ar gyfer plentyn, person ifanc, a’u teulu o fewn maes clinigol y dysgwr trwy fyfyrio ar ymarfer. Hefyd, i allu esbonio'r prosesau myfyriol a ddefnyddiwyd i gyfrannu at ofal cydweithredol.

Pa mor hir mae'r cwrs yn cymryd i'w gwblhau?

Mae'r cwrs rhan-amser, ar-lein hwn yn cael ei gynnal yn ystod semester 2 o’r flwyddyn academaidd. 
 
Bydd y cwrs yn dechrau ar 16 Ionawr 2025 a bydd yn cael ei gynnal unwaith yr wythnos, bob dydd Iau, o 9am-5pm tan 10 Gorffennaf 2025.

Gwybodaeth am asesiadau 

Bydd yr asesiadau ar y cwrs byr hwn yn cynnwys:

• datblygu portffolio personol, adfyfyriol er mwyn adfyfyrio ar y dysgu wrth symud ymlaen trwy'r modiwl. Hefyd, dylid ystyried goblygiadau'r dysgu yn y lleoliad ymarfer, os ydi hynny’n berthnasol.
• fformwleiddiad 1,000 gair o achos clinigol.
• cyflwyniad - cyflwyno seminar 20 munud ffurfiol, sy'n berthnasol i bwnc penodol.
• aseiniad astudiaeth achos (4,000 gair)

Rhaid cwblhau a phasio’r asesiadau yma er mwyn cwblhau’r cwrs lefel 7 hwn yn llwyddiannus.

Tiwtoriad

Mari Roberts
Darlithydd ac Arweinydd Modiwl, Ysgol Gwyddorau Iechyd 

Nia Dwynwen
Darlithydd a Dirprwy Arweinydd Modiwl, Ysgol Gwyddorau Iechyd   

Beth fyddwch chi’n ei astudio ar y cwrs yma?

Mae’r cwrs byr hwn yn cyflwyno dysgwyr i bynciau amrywiol, gan gynnwys:

• Datblygiad plant
• Problemau ac anhwylderau iechyd meddwl plant a phobl ifanc
• Rheoli gofal
• Strwythurau darparu gwasanaethau, gan gynnwys materion pontio a fframweithiau cyfreithiol a moesegol
• Amddiffyn plant a materion diogelu eraill

Bydd myfyrwyr hefyd yn dysgu am yr ystod o ymyriadau therapiwtig a ddefnyddir i leihau trallod mewn plant, pobl ifanc, a'u teuluoedd neu ofalwyr. 

Mae’r maes llafur yn cynnwys amrywiaeth o bynciau cyffrous sy'n seiliedig ar dystiolaeth, theori a chymwyseddau.
Bydd hyn yn galluogi'r ymarferydd i gyd-gynhyrchu gofal gyda phlant a pobl ifanc, ynghyd a’u gofalwyr, teuluoedd a'u ffrindiau er mwyn sicrhau gofal sydd a ffocws ar y plentyn, ac sy’n bwrpasol ac yn systemig.

Mae elfennau ‘dysgu’ a’r elfennau ‘nad sy’n cael eu dysgu’ o’r cwrs hwn wedi eu cynllunio i arfogi’r dysgwr gyda’r wybodaeth a’r dulliau angenrheidiol er mwyn gweithio
ym maes Gwasanaeth Iechyd Meddwl Plant a Phobl Ifanc (CAMHS). 

• Dylid cyfeirio ymholiadau ynghylch ariannu Bwrdd Iechyd Prifysgol Betsi Cadwaladr (BIPBC) a bcu.nurseeducation@wales.nhs.uk.
• Mae'n bosibl y bydd cyfleoedd ariannu ar gael i rai sy'n gweithio'n lleol (h.y. yn ardaloedd gogledd Cymru a Phowys), cysylltwch â'r cydlynydd modiwl perthnasol am fanylion.
• Dylid cyfeirio pob ymholiad arall sy'n ymwneud â cheisiadau ac ariannu at gydlynydd y modiwl.

Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Rhaid i ymgeiswyr fodloni'r meini prawf canlynol i gael eu hystyried yn gymwys ar gyfer y cwrs hwn:

1. wedi cofrestru gyda chorff proffesiynol perthnasol, ac:
2. wedi eu cyflogi gan wasanaeth iechyd neu gymdeithasol
3.  â chyswllt uniongyrchol â phlant a phobl ifanc, a’u gofalwyr/teulu yng nghyd-destun eu lles emosiynol
4. â chefnogaeth mentor ymarfer sy'n glinigwr profiadol ym maes iechyd meddwl plant a phobl ifanc, a
5. â chymeradwyaeth ysgrifenedig gan eu rheolwr i fod yn gymwys i fod yn bresennol.

Os nad oes gennych radd israddedig,  cysylltwch ag arweinydd y cwrs i drafod ymhellach os gwelwch yn dda.

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.