Bardd Gwadd Y Llechan Caleb Nichols
Caleb Nichols yw bardd llawryfog cwiar cyntaf Swydd San Luis Obispo, Califfornia. Mae eu cerddi wedi ymddangos yn y New England Review, Poetry Wales, Poetry Ireland Review a llawer o gyhoeddiadau eraill ar ddwy ochr yr Iwerydd. Caleb yw awdur Lithic: A Hyperballad, sef enillydd Gwobr Harbor Editions Laureate 2024, a golygydd You & i Are Earth: Poems of the Queer Pastoral, i'w gyhoeddi gan 14 Poems yn 2027. Mae gan Caleb PhD mewn Ysgrifennu Creadigol o Brifysgol Bangor.
Canmoliaeth i Lithic:
Mae cerddi arbrofol a dyfeisgar Caleb Nichols yn “rhannau cyfartal o ryw ac iachawdwriaeth,” yn llawn chwant cwiar a marwnad chwerw-felys i’r blaned. Mae Nichols yn chwilio am agoriad trwy haenau o garreg i natur gyfnewidiol ymwybyddiaeth, gan ofyn nid yn unig sut ydym yn goroesi, ond hefyd beth sy'n goroesi ohonom wedi inni fynd. Wedi'i ysbrydoli gan waith llawer o awduron a cherddorion eraill ac mewn deialog â hwy, mae Lithic yn ein tynnu i mewn i’w lif — “catalog sy’n frith o gymylau ac yn dlawd o geiniogau / o ddymuniadau / bywyd a dreuliwyd / yn casglu.” O fywyd o'r fath, ac er gwaethaf trais y byd, mae cerddoriaeth y cerddi hyn yn codi fel haleliwia cadarn.
— Mira Rosenthal, awdur Territorial (Detholiad Pitt Poetry)
Beth os yw sain ei hun yn naratif? Sain yr iaith Gymraeg, sŵn yr afon, synau wedi'u hailgymysgu o'r gerddoriaeth sy'n aflonyddu ac sy’n sail i'r llyfr hwn, y synau sy'n rhan annatod o’n bywydau a'r synau sydd y tu mewn i ni, ein canfyddiad. Yn y casgliad hwn, gofynnir i ni agor ein hunain "i wrando ar hisian y cochlea yn troelli/ siambrau'n dad-sbwlio gan ryddhau eu sffincsau crisialog". Mae gan Caleb Nichols ddawn unigryw am ymadrodd cerddorfaol a balsamig.
— Colin Herd, awdur Aquafaba (Detholiad A Poetry Society)
Bydd y noson yn cynnwys darlleniadau byr gan awduron presennol ar y rhaglen MA.
Croeso i bawb yn y digwyddiad rhad ac am ddim hwn, a gefnogir gan Gronfa Bangor i ddathlu 200 mlynedd ers sefydlu Pont Grog Telford.