From Taboo to Necessity: Preparing for a New Dawn in Global Governance, Professor Augusto Lopez-Claros mewn cydweithrediad â Changen Menai o Gymdeithas y Cenhedloedd Unedig (UNA)

From Taboo to Necessity: Preparing for a New Dawn in Global Governance 

Mae'r argyfyngau cyfoes y mae dynoliaeth yn eu hwynebu yn galw am fath newydd o gytundeb rhyngwladol. Un a fydd yn atal newid hinsawdd sy'n cyflymu rhag difetha'r byd i genedlaethau'r dyfodol, yn lleihau'r lefelau uchel o genedlaetholdeb sy'n creu risg o achosi gwrthdaro byd-eang pellach, ac yn mynd i'r afael ag anghydraddoldebau economaidd a chymdeithasol a allai danseilio sylfeini democratiaeth a llywodraethu da. Os yw’r hyn a nodwyd gan Guterres, Ysgrifennydd Cyffredinol y Cenhedloedd Unedig, yn wir: “global governance is stuck in time and we cannot effectively address problems as they are if institutions don’t reflect the world as it is”, yna sut olwg ddylai fod ar Siarter newydd y Cenhedloedd Unedig, er mwyn moderneiddio ein pensaernïaeth llywodraethu fyd-eang a grymuso’r Cenhedloedd Unedig i’n helpu i fynd i’r afael â’r llu o risgiau trychinebus byd-eang sy’n bygwth ein dyfodol?

https://globalgovernanceforum.org/wp-content/uploads/2024/09/A-Second-United-Nations-Charter-Modernizing-the-UN-for-a-New-Generation.pdf

Economegydd rhyngwladol yw Augusto Lopez-Claros ac ef yw Cyfarwyddwr Gweithredol y Fforwm Llywodraethu Byd-eang. Mae wedi cyhoeddi nifer o lyfrau am ddiwygio llywodraethu byd-eang ac ar hyn o bryd mae'n arwain gwaith y Fforwm Llywodraethu Byd-eang o ddrafftio Ail Siarter y Cenhedloedd Unedig. Mae'n dod â mwy na 30 mlynedd o brofiad mewn sefydliadau rhyngwladol, gan gynnwys yn fwyaf diweddar fel cyfarwyddwr y Grŵp Dangosyddion Byd-eang ym Manc y Byd, un o'r adrannau o fewn Is-lywyddiaeth ymchwil y Banc. Cyn hynny ef oedd prif economegydd Fforwm Economaidd y Byd, lle bu'n cyfarwyddo'r Rhaglen Cystadleurwydd Byd-eang ac yn golygu'r Adroddiad Cystadleurwydd Byd-eang, sef prif gyhoeddiad y Fforwm. Cyn ymuno â'r Fforwm, bu'n gweithio yn y sector ariannol yn Llundain am nifer o flynyddoedd, gyda ffocws arbennig ar egin-farchnadoedd. Ef oedd Cynrychiolydd Preswyl y Gronfa Ariannol Ryngwladol yn Rwsia yn ystod yr 1990au. Mae hefyd wedi bod yn Uwch Gymrawd yn yr Edmund Walsh School of Foreign Service ym Mhrifysgol Georgetown. Fe’i haddysgwyd yn Lloegr a'r Unol Daleithiau, a derbyniodd ddiploma mewn Ystadegaeth Fathemategol o Brifysgol Caergrawnt a PhD mewn Economeg o Brifysgol Duke. Mae ei gyhoeddiadau diweddar yn cynnwys “Removing Impediments to Sustainable Economic Development: The Case of Corruption” (2015), Equality for Women = Prosperity for All (2018, St. Martin’s Press) a Global Governance and the Emergence of Global Institutions for the 21^st Century (2020, Cambridge University Press). Cyhoeddwyd ei lyfr Global Governance and International Cooperation: Managing Global Catastrophic Risks in the 21^st Century, wedi'i gyd-olygu gyda Richard Falk, gan Routledge yn 2024. Mae wedi darlithio mewn rhai o brifysgolion, melinau trafod a sefydliadau rhyngwladol blaenllaw'r byd; gellir dod o hyd i restr o ddarlithoedd diweddar yma: www.augustolopezclaros.com.