Gwahoddir chi i ymuno â ni rhwng 12.30 - 1.00yh yn Sioe Frenhinol Cymru yn Llanfair-ym-muallt ddydd Mawrth, 21 Gorffennaf 2026, ar gyfer lansio Cymdeithas Gyn-fyfyrwyr Coedwigaeth Prifysgol Bangor.
Rydym yn ddiolchgar iawn i'n ffrindiau yn Confor (Confederation of Forest Industries UK) am ganiatáu i ni gynnal ein sesiwn ar eu stondin. Yn ystod y sesiwn, cewch glywed gan staff, myfyrwyr, cyn-fyfyrwyr a chyfeillion Prifysgol Bangor ac yna cewch gyfle i gael sgwrs â hen ffrindiau ac ailgysylltu â'r brifysgol.
Dyma’r rhaglen (ond gallai newid):
- Croeso
- Cyflwyniad i Gymdeithas Gyn-fyfyrwyr Coedwigaeth Prifysgol Bangor
- Cyflwyniad ar Goedwigaeth ym Mangor: Y presennol a’r dyfodol, yr Athro John Healey
- Profiad cyn-fyfyrwyr "Sut mae astudio coedwigaeth ym Mangor wedi hybu fy ngyrfa"
- Gair gan gynrychiolwyr RFS, ICF a Confor
- Crynodeb o negeseuon cefnogaeth gan gyrff eraill
- Sylwadau cau
- Cyfle i sgwrsio’n anffurfiol dros luniaeth
Byddem yn falch iawn o groesawu cymaint o gyn-fyfyrwyr, cyn-aelodau staff a chydweithwyr yn y sector â phosib i stondin Confor am brynhawn gwych.
Nid oes tâl am y digwyddiad (ar wahân i fynediad i Sioe Frenhinol Cymru) ond byddem yn ddiolchgar pe gallech nodi eich diddordeb trwy e-bostio alumni@bangor.ac.uk erbyn 19 Mehefin 2026 os bosib.
Allwch chi helpu?
Gan mai un o brif ddibenion Cymdeithas y Cyn-fyfyrwyr yw helpu i recriwtio i gyrsiau israddedig ac ôl-radd sy'n gysylltiedig â choedwigaeth, yn ogystal â recriwtio i brojectau ymchwil sectoraidd ym Mhrifysgol Bangor, rydym yn croesawu tystebau ysgrifenedig byr gan gyn-fyfyrwyr am sut mae eu hastudiaeth ym Mhrifysgol Bangor wedi helpu eu gyrfaoedd. Byddwn yn gwerthfawrogi paragraff byr yn nodi eich enw, gwlad, dyddiadau a chwrs ym Mhrifysgol Bangor, yn ogystal â chrynodeb o’ch llwybr gyrfa. Os bosib, tanlinellwch yn fyr beth oedd wedi eich denu at Brifysgol Bangor a pham ei bod yn parhau i fod yn bwysig i chi. (Defnyddiwch Microsoft Word, ac anfonwch eich datganiadau i alumni@bangor.ac.uk erbyn 19 Mehefin, os yn bosibl).
Yn yr un modd, rydym hefyd yn ceisio datblygu fideo byr am sut mae Prifysgol Bangor yn helpu i feithrin gyrfaoedd mewn coedwigaeth a meysydd cysylltiedig. Rydym yn ceisio trefnu bod fideo’n cael ei dangos ar ddolen yn y stondin rhwng dydd Mawrth 21 a dydd Mercher 22 Gorfennaf. Os oes gennych chi neu eich sefydliad glip fideo byr (mewn un o'r fformatau canlynol: MP4, AVI neu MOV), ac os hoffech iddo gael ei gynnwys yn y fideo, cysylltwch â ni ar alumni@bangor.ac.uk erbyn Mehefin 19 os gwelwch yn dda. Byddem hefyd yn falch o glywed gennych os allai eich sefydliad noddi’r stondin a/neu helpu cynhyrchu deunyddiau i’r stondin a'r digwyddiad lansio (e.e. clip fideo, baneri naidlen, eitemau am ddim, cefnogaeth i gyfranogiad myfyrwyr Bangor presennol/sydd wedi graddio'n ddiweddar).
Trosglwyddwch y wybodaeth hon i unrhyw gyn-fyfyrwyr a allai fod â diddordeb dod i’r digwyddiad. Gobeithiwn eich gweld yno.