Tirluniau ar Adennydd: Cerdded, Ysgrifennu ac Arsylwi
Sut gall ysgrifennu newid y ffordd rydym yn gweld byd natur? Sut mae adar a phobl yn cael profiad o le?
Pa straeon sydd gennych i'w hadrodd am fywyd gwyllt yn eich ardal? Ymunwch ag arbenigwyr o’r celfyddydau a’r gwyddorau ym Mhrifysgol Bangor mewn gweithdy ysgrifennu creadigol unigryw ar draeth Pen Morfa yn Llandudno, ar y cyd ag Amgueddfa Llandudno. Nid oes angen unrhyw brofiad blaenorol ac mae croeso i bawb.
Mae dyddiaduron natur y diweddar Dr Paul Whalley, a ddaeth i feddiant Archifau Prifysgol Bangor yn ddiweddar, yn gofnod hynod o oes o arsylwi adar a’r tywydd, gyda llawer ohono’n canolbwyntio ar ogledd Cymru, ac yn enwedig y Gogarth. Mae tîm o fiolegwyr, awduron ac artistiaid o’r brifysgol wrthi’n ymchwilio i’r dyddiaduron a’r gwahanol ffyrdd y gallent ein helpu i feddwl am dirweddau’r gorffennol a’r presennol. Mae’r digwyddiad cyhoeddus hwn, sy’n rhad ac am ddim, ac sy’n cynnwys darllen rhannau o’r dyddiaduron, barddoniaeth wedi ei hysbrydoli ganddynt, a gweithdy ysgrifennu creadigol yng nghwmni rhywogaethau eraill yn wahoddiad i ddatblygu dealltwriaeth o sut mae gwahanol safbwyntiau, boed yn wyddonol neu’n artistig, dynol neu fwy-na-dynol, yn siapio syniadau am le. Rhaid archebu lle.
Bydd y cyflwynwyr yn cynnwys yr arbenigwraig adar Charlotte Griffiths, y gwneuthurwr ffilmiau dogfen Joanna Wright, a’r awduron Joey Frances, Siân Melangell Dafydd, Tristan Burke, Fiona Cameron a Zoë Skoulding.
Cyfarfo: Traeth Pen Morfa, Llandudno 2 o’r gloch brynhawn Sadwrn 19 Mawrth 2022
Dewch â dillad sy’n dal dŵr, bwyd a diod, beiro a phapur.
Mae hwn yn ddigwyddiad yn yr awyr agored yn bennaf a fydd yn cynnwys cerdded pellter cymedrol ar dir anwastad, ond rydym yn croesawu cwestiynau am hygyrchedd a byddwn yn gwneud ein gorau i ddiwallu unrhyw anghenion.
Cysylltu: z.skoulding@bangor.ac.uk
Cefnogir gan Gyngor Ymchwil yr Amgylchedd Naturiol a Phrifysgol Bangor.
Supported by the Natural Environment Research Council and Bangor University.