Mahjong er Lles: Cyflwyniad Meddylgar i Staff Ysgol Friars!

I nodi Wythnos Iechyd a Lles Athrawon, cafodd staff Ysgol Friars brofiad ychydig yn wahanol—awr heddychlon o chwarae, sgwrsio a darganfyddiad diwylliannol trwy'r gêm Tsieineaidd draddodiadol Mahjong.

Nid oedd yr un o'r sawl a oedd yn bresennol wedi chwarae o'r blaen, ond nid oedd hynny'n bwysig. Dan arweiniad caredig Qiyue Zhang, yn fuan roedd yr ystafell yn llawn chwilfrydedd, chwerthin a chanolbwyntio ar y cyd wrth i bawb ddysgu hanfodion y gêm gyda'i gilydd.

Nid y gêm ei hun yn unig oedd yn gwneud y sesiwn yn arbennig, ond y straeon y tu ôl i'r teils—pob un yn cynrychioli darn o hanes a symbolaeth Tsieina. Wrth i ddwylo symud ar draws y bwrdd ac wrth i’r teils glicio i'w lle, roedd y staff yn cael eu trochi mewn profiad o oedd ymhell o'r diwrnod ysgol arferol.

Roedd yn gyfle i gael seibiant, cysylltu â chydweithwyr mewn ffordd newydd, a mwynhau'r ffocws tawel sy'n dod o ddysgu rhywbeth anghyfarwydd. Ffordd berffaith o’n hatgoffa beth sydd wrth graidd Wythnos Lles—camu’n ôl, rhoi cynnig ar rywbeth newydd, a gofalu amdanom ni ein hunain ac am ein gilydd.

Diolch o galon i bawb a ymunodd ac a helpodd i wneud y prynhawn yn un mor gofiadwy.