Modiwl CXC-1016:
Llên Cymru Heddiw

Ffeithiau’r Modiwl

Rhedir gan School of Arts, Culture and Language

10.000 Credydau neu 5.000 Credyd ECTS

Semester1

Trefnydd: Prof Gerwyn Wiliams

Amcanion cyffredinol

Amcan y modiwl hwn yw cloriannu'n feirniadol, ar ffurf traethodau unigol a thrafodaethau seminar, ddetholiad o weithiau llenyddol cyfoes. Rhoddir sylw manwl hefyd i gynllunio traethodau a threfnu gwybodaeth yn unol â chonfensiynau safonol, e.e. cyfeirnodi a threfnu llyfryddiaeth, yn ogystal ag arweiniad ynghylch materion yn ymwneud â llên-ladrad.

Gellir cofrestru i ddilyn y modiwl hwn wyneb yn wyneb a/neu ar-lein, e.e. drwy Microsoft Teams neu Blackboard Collaborate.

Cynnwys cwrs

Canolbwyntir yn y modiwl hwn ar ddetholiad o weithiau gan rai o lenorion y Gymru gyfoes sy'n ymrafael â themâu cyfredol a pherthnasol, e.e. natur diwylliant poblogaidd; dylanwad y cyfryngau cymdeithasol; amlddiwylliannedd a chynhwysiant; boneddigeiddio trefol a gwledig; hunaniaeth a chyfeiriadaeth rywiol. Ar ddechrau’r modiwl bydd cyfres o sesiynau hyfforddi ar faterion technegol yn ymwneud â chynllunio traethodau academaidd, e.e. dulliau cyfeirio, trefnu nodiadau, paratoi llyfryddiaeth ac osgoi llên-ladrata. Symudir wedyn at destunau gosod y modiwl: yn achos pob testun yn ei dro, ceir darlithoedd rhagarweiniol ac yna drafodaethau seminar a rydd gyfle i fyfyrwyr bwyso a mesur y testunau ar lafar.

Gellir cofrestru i ddilyn y modiwl hwn wyneb yn wyneb a/neu ar-lein, e.e. drwy Microsoft Teams neu Blackboard Collaborate.

Meini Prawf

dda

B- - B+:

  1. Dylai traethodau ddangos dealltwriaeth dda o’r agweddau technegol perthnasol.
  2. Dylai’r traethodau a’r trafodaethau llafar ddangos gwybodaeth drylwyr o’r testunau a drafodir.
  3. Dylai’r gwaith a gyflwynir, ar lafar ac yn ysgrifenedig, hefyd ddangos gallu i nodi nifer o gyfeiriadau cymharol perthnasol, gafael dda ar gystrawen a theithi’r Gymraeg ac ar dermau technegol a geirfa’r maes penodol hwn, a pharodrwydd i fynegi barn bersonol yn hyderus ar nifer o ddadleuon a damcaniaethau.

rhagorol

A- - A*:

  1. Dylai traethodau ddangos dealltwriaeth ragorol o’r agweddau technegol perthnasol.
  2. Dylai’r traethodau a’r trafodaethau llafar ddangos gwybodaeth helaeth a manwl am y testunau a drafodir.
  3. Dylai’r gwaith a gyflwynir, ar lafar ac yn ysgrifenedig, hefyd ddangos gallu aeddfed i ddefnyddio cyfeiriadau llenyddol cymharol, gafael gadarn ar gystrawen a theithi’r Gymraeg ac ar dermau technegol a geirfa’r maes penodol hwn, a pharodrwydd i fynegi’n hyderus farn bersonol soffistigedig ar nifer o ddadleuon a damcaniaethau.

trothwy

D- - D+:

  1. Dylai traethodau ddangos dealltwriaeth o’r agweddau technegol perthnasol.
  2. Dylai’r traethodau a’r trafodaethau llafar ddangos cynefindra â’r testunau a drafodir.
  3. Dylai’r gwaith a gyflwynir, ar lafar ac yn ysgrifenedig, hefyd ddangos gallu i nodi rhai cyfeiriadau cymharol perthnasol, gafael ar gystrawen a theithi’r Gymraeg ac ar dermau technegol a geirfa’r maes penodol hwn, a gallu i fynegi barn bersonol ar amryw ddadleuon a damcaniaethau.

Canlyniad dysgu

  1. Cloriannu’n feirniadol ac ymateb i weithiau llenyddol cyfoes

  2. Cynllunio traethodau a chyflwyno manylion technegol yn unol â chonfensiynau safonol

  3. Casglu a threfnu deunyddiau’n annibynnol

  4. Pwyso a mesur arwyddocâd nifer o ystyriaethau cefndirol, e.e. rhai beirniadol, hanesyddol neu gyd-destunol

  5. Cyflwyno gwybodaeth a datblygu dadleuon ar lafar

Dulliau asesu

Math Enw Disgrifiad Pwysau
Prawf technegol 10.00
Traethawd 1 30.00
Traethawd 2 40.00
Cyfraniad llafar 20.00

Strategaeth addysgu a dysgu

Oriau
Seminar

Mewn seminarau trafodir y testunau unigol yn fanwl. Disgwylir ichi gasglu a darllen deunydd perthnasol ar gyfer y seminarau hyn. Bydd y seminarau hefyd yn paratoi'r ffordd ar gyfer y traethodau.

 4
Lecture

Ceir dau fath o ddarlithoedd yn y modiwl hwn sef hyfforddiant technegol a chyflwyniadau i'r testunau gosod.

 18
Private study

Ar sail yr arweiniad a geir yn y dosbarth, mewn rhestrau darllen a deunyddiau ar Blackboard, disgwylir i fyfyrwyr fynd ati i baratoi ar gyfer eu traethodau a'u seminarau.

 78

Sgiliau Trosglwyddadwy

  • Literacy - Proficiency in reading and writing through a variety of media
  • Computer Literacy - Proficiency in using a varied range of computer software
  • Self-Management - Able to work unsupervised in an efficient, punctual and structured manner. To examine the outcomes of tasks and events, and judge levels of quality and importance
  • Exploring - Able to investigate, research and consider alternatives
  • Information retrieval - Able to access different and multiple sources of information
  • Inter-personal - Able to question, actively listen, examine given answers and interact sentistevely with others
  • Critical analysis & Problem Solving - Able to deconstruct and analyse problems or complex situations. To find solutions to problems through analyses and exploration of all possibilities using appropriate methods, rescources and creativity.
  • Presentation - Able to clearly present information and explanations to an audience. Through the written or oral mode of communication accurately and concisely.
  • Argument - Able to put forward, debate and justify an opinion or a course of action, with an individual or in a wider group setting

Adnoddau

Goblygiadau o ran adnoddau ar gyfer myfyrwyr

Cynghorir myfyrwyr i brynu copiau personol o'r ddau lyfr gosod: - Guto Dafydd, *Ni Bia'r Awyr* (Cyhoeddiadau Barddas, 2014) - Lleucu Roberts, *Saith Oes Efa* (Talybont: Gwasg y Lolfa, 2014). Ceir manylion cyhoeddi llawn ar wefan Cyngor Llyfrau Cymru, *[Gwales.com][1]*. [1]: http://Gwales

Rhestr ddarllen

Dafydd Morgan Lewis, adolygiad ar Ni Bia'r Awyr, gwefan Gwales, <http://www.gwales.com/bibliographic/?isbn=9781906396787&tsid=12>; cyrchwyd 30 Mehefin 2016.

John Rowlands, adolygiad ar Saith Oes Efa, gwefan Gwales, <http://www.gwales.com/bibliographic/?isbn=9781784610029&tsid=7>; cyrchwyd 30 Mehefin 2016.

Rhoddir rhagor o gyfeiriadau i fyfyrwyr ar ddechrau'r modiwl, e.e. drwy Blackboard.

Cyrsiau sy’n cynnwys y modiwl hwn

Gorfodol mewn cyrsiau:

Opsiynol mewn cyrsiau: