Ffeithiau Allweddol Gŵyl Wyddoniaeth Bangor
Mae Gŵyl Wyddoniaeth Bangor yn rhan o Wythnos Gwyddoniaeth Prydain a drefnir gan British Science Association.
Cynhelir digwyddiadau Gŵyl Wyddoniaeth Bangor yn ystod mis Mawrth 2024. Gweler manylion llawn ein digwyddiadau isod os gwelwch yn dda.
Cynhelir digwyddiadau'r Ŵyl mewn amryw o leoliadau, Gweler y digwyddiadau unigol am y manylion os gwelwch yn dda.
Mae Gŵyl Wyddoniaeth Bangor i bawb! Mae gennym ddigwyddiadau sy'n addas ar gyfer unigolion a theuluoedd a hefyd sesiynau a drefnir yn benodol ar gyfer ysgolion. Gweler y digwyddiadau unigol isod am fwy o wybodaeth.
Mae Gŵyl Wyddoniaeth Bangor yn rhad ac am ddim - nid oes rhaid talu i fynychu unrhyw un o'r digwyddiadau, ond efallai byddwch angen archebu eich lle neu gofrestru o flaen llaw ar gyfer rhai ohonynt.
Digwyddiadau
Cysylltwch â ni
Mae Gŵyl Wyddoniaeth Bangor yn cael ei chydlynu gan Stevie Scanlan, Coleg Gwyddoniaeth a Pheirianneg mewn partneriaeth â llawer o gyd-weithwyr ym Mhrifysgol Bangor.
Cysylltwch â ni os oes gennych unrhyw ymholiad.
Ein Noddwyr
Mae'r Ŵyl Wyddoniaeth Bangor wedi ei noddi gan Gronfa Waddol Tom a Raj Parry Jones. Mae'r Gronfa wedi'i chysegru er cof am Dr Thomas Parry Jones OBE (1935-2013), gwyddonydd, dyfeisiwr ac entrepreneur o Gymru, a fu'n gyfrifol am ddatblygu a marchnata'r anadlydd electronig cyntaf.
Yn gyn-fyfyriwr ac yn Gymrawd er Anrhydedd Prifysgol Bangor, sefydlodd Dr Tom Parry Jones a'i wraig Raj Parry Jones y gronfa yn 2002 i annog pobl ifanc i ddatblygu gyrfaoedd ac i annog entrepreneuriaeth mewn gwyddoniaeth a thechnoleg. Mae'r gronfa'n cefnogi rhaglenni ar draws y Brifysgol, gan gynnwys Gŵyl Wyddoniaeth Bangor, ac mae Prifysgol Bangor yn ddiolchgar iawn i Mrs Raj Parry Jones am ei chefnogaeth barhaus.
Mwy o wybodaeth
Ers ei sefydlu ym 1884, mae Prifysgol Bangor wedi arbenigo mewn meysydd allweddol o wyddoniaeth.Mae ei lleoliad unigryw a’i hetifeddiaeth ddiwylliannol wedi ychwanegu at ei thraddodiad hir o ymchwil benigamp ac, ochr yn ochr â hyn, mae hi wedi ymrwymo i gyfathrebu ac i gynnwys unigolion a chymunedau, er mwyn symbylu datblygiad gwybodaeth ac arloesi.
- Ennyn brwdfrydedd ac ysbrydoli pobl ifanc ynglŷn â gwyddoniaeth; eu grymuso fel dinasyddion, a chreu’r genhedlaeth nesaf o wyddonwyr a pheirianwyr.
- Nodi meysydd o ddiddordeb i’r cyhoedd a hefyd y rheiny sy’n achosi pryder, lle gall gwyddonwyr gyfrannu at drafodaethau er mwyn cyfnewid syniadau ac arbenigedd
- Gwella mynediad y cyhoedd at ymchwil, a symbylu trafodaeth ar ddulliau a chanlyniadau gwyddonol, eu perthnasedd a’r goblygiadau ehangach ar gymdeithas.
- Cynnal ymchwilwyr yn eu hymdrechion i adfyfyrio ar faterion a godir gan eu hymchwil.