Priodasau

Priodasau ym Mhrifysgol Bangor

Mae yma ddewis gwych o fannau hyfryd sy'n cynnig lleoliad perffaith ar gyfer eich diwrnod arbennig. Mae Prif Adeilad y Celfyddydau'n adeilad traddodiadol godidog, neu mae Neuadd Reichel ar ei newydd wedd, adeilad cyfoes a swynol sy'n addas at bob defnydd a phob digwyddiad.

Mae yma leoliadau unigryw yn gefndir ysblennydd i'ch priodas ac mae ein tîm profiadol wrth law i'ch tywys trwy bob manylyn, a helpu creu diwrnod bythgofiadwy.

O 2021 ymlaen rydym yn falch iawn o gyhoeddi y bydd Neuadd PJ ar gael unwaith eto fel lleoliad ar gyfer priodasau. Dyma neuadd fawreddog ar gyfer dathliad mawreddog ac iddi hanes hir a lle ar gyfer 240 o westeion dydd. Bydd Neuadd PJ ar gael ar gyfer 7 dyddiad bob blwyddyn. Dewch i ddathlu gyda'r dethol rai. A fyddwch chi ymhlith y cyplau lwcus?

Mae Prif Adeilad y Celfyddydau a Neuadd Reichel wedi'u trwyddedu i gynnal seremonïau sifil, ond nodwch nad ydym yn cynnig pecynnau o'r seremoni yn unig. Am fwy o wybodaeth neu i drefnu ymweliad, cysylltwch â ni ar priodasau@bangor.ac.uk neu rydym ar Facebook

Mae Neuadd Hugh Owen yn Y Ganolfan Rheolaeth yn darparu gefnlen berffaith ar gyfer eich diwrnod arbennig. Mae ein Swît Menai wedi’u trwyddedu i gynnal Seremonïau Sifil ac mae Neuadd Hugh Owen ar gael ar gyfer y parti nos. Rhagor o wybodaeth am Neuadd Hugh Owen yma