Mae Rhaglen Dosbarth Cyfan OxEd yn cynnwys 56 o sesiynau, pob un yn 20 munud o hyd, a gyflwynir gan athrawon dosbarth gan ddefnyddio cyfuniad o adnoddau ar lei (gan gynnwys sleidiau digidol, storïau a chaneuon difyr) ac adnoddau papur (gan gynnwys taflenni gweithgareddau). Mae ein hymagwedd yn seiliedig ar dystiolaeth, sy'n golygu bod pob gweithgaredd wedi’i gynllunio’n ofalus i gefnogi plant wrth ddatblygu eu iaith lafar, gan ganolbwyntio ar sgiliau gwrando actif, ehangu'r eirfa a sgiliau naratif.
Nod yr astudiaeth hon yw i brofi effeithiolrwydd yr addasiad newydd yr Rhaglen Dosbarth Cyfan OxEddrwy fesur sgiliau iaith lafar cyn ac ar ôl yr ymyrraeth.
• Bydd eich plentyn yn cymryd rhan mewn addasiad o raglen sydd wedi’i phrofi’n effeithiol ar gyfer gwella sgiliau iaith a llythrennedd.
• Byddant yn cwblhau straeon a gweithgareddau hwyliog ac addysgol.
• Bydd eu sgiliau iaith lafar a’u hyder yn datblygu.
Bydd dosbarth eich plentyn yn cymryd rhan yn y Rhaglen Dosbarth Cyfan OxEd am 20 wythnos. Bydd y dosbarth yn cael ei ddyranni i un o ddau grŵp: grŵp cychwyn Medi a grŵp cychwyn Ionawr.
Bydd y grŵp cychwyn Medi yn derbyn y Rhaglen Dosbarth Cyfan OxEd yn gyntaf ac yn cael eu hasesu cyn ac yn syth ar ôl i’r rhaglen cael ei chyflwyno.
Tra bod y grŵp cychwyn Medi yn derbyn y rhaglen, bydd y grŵp cychwyn Ionawr yn derbyn y cwricwlwm arferol ac yn cwblhau dau asesiad cyn y rhaglen. Bydd y grŵp hwn yn derbyn y rhaglen ar ôl i'r grwp cychwyn Medi orffen, a bydden yn cael ei asesu am y trydydd tro ar ôl y rhaglen.
Mae cynnwys y grwpiau hyn yn hollbwysig gan ei fod yn rhoi grŵp sydd heb dderbyn y Rhaglen Dosbarth Cyfan OxEd i ni allu cymharu ei cynnydd gyda grŵp sydd wedi derbyn y rhaglen NELI. Bydd hyn yn ein galluogi i ymchwilio i effaith derbyn y cwricwlwm arferol yn unig o gymharu â'r cwricwlwm arferol wedi'i gyfuno â'r Rhaglen Dosbarth Cyfan OxEd.
Byddwn yn defnyddio asesiadau llythrennedd safonol i asesu lefel sgiliau llythrennedd presennol eich plentyn. Bydd yr asesiadau hyn yn cael eu gweinyddu ar-lein, dan oruchwyliaeth athro penodedig Rhaglen Dosbarth Cyfan OxEd ac aelod o'r tîm ymchwil Rhaglen Dosbarth Cyfan OxEd.
Ar ddiwedd y rhaglen, bydd y tîm yn darparu adroddiad byr ar gynnydd yr ysgolion, gan amlinellu'r meysydd a'r sgiliau sydd wedi gwella fwyaf. Ni fydd yr adroddiad yn cynnwys data unigol am eich plentyn. Bydd yn seiliedig ar gynnydd cyffredinol y grwp. Rydym hefyd yn nodi na fydd yr asesiadau hyn yn cael eu defnyddio fel arfau diagnostig i asesu anawsterau llythrennedd.
Yn ystod y prosiect efallai y byddwn hefyd yn gofyn i rieni lenwi holiaduron byr, fodd bynnag, ni fydd hyn yn orfodol ar gyfer cyfranogiad eich plentyn.
Cyfrinachedd: Bydd cyfranogiad eich plentyn yn yr astudiaeth yn cael ei drin yn gwbl gyfrinachol. Bydd ei ddata'n cael ei gyfuno â data cyfranogwyr eraill. Bydd canlyniadau'r astudiaeth yn cael eu cyhoeddi mewn seminarau academaidd, sgyrsiau ymchwil neu bapurau mewn cyfnodolion gwyddonol. Fodd bynnag, bydd yr holl wybodaeth bersonol yn cael ei dileu fel na fydd yn bosibladnabod unigolion yn y cyhoeddiadau hyn.
Preifatrwydd, mynediad at ddata a GDPR: Bydd data eich plentyn yn cael ei storio mewn fformat digidol a rhoddir côd iddo at ddibenion anhysbysrwydd. Bydd data'r astudiaeth, gan gynnwys y data o'r tasgau cyfrifiadurol, yn cael eigadw ar rwydwaith cyfrifiadurol a ddiogelir gan gyfrinair. Dim ond yrymchwilwyr sy'n ymwneud yn uniongyrchol â dadansoddi’r data fydd yn gwybod y gyfrinair yn hysbys. Mae’n bosib y caiff y set ddata dienw ei hadneuo mewn ystorfa ddata sydd ar gael i’r cyhoedd, fel y gall gwyddonwyr eraill wirio ac archwilio ein canlyniadau eu hunain. Bydd mynediad at eich data personol yn gyfyngedig i’r ymchwilwyr sydd yn gweithio ar y Tîm RILL, er y gall staff awdurdodedig Prifysgol Bangor ofyn am fynediad o bryd i'w gilydd, at ddibenion archwilio.
Tynnu’n ôl o’r astudiaeth: Os bydd eich plentyn yn penderfynu nad yw’n cydsynio i gymryd rhan yn y rhaglen (er eich bod chi fel rhiant/gwarcheidwad cyfreithiol wedi rhoi caniatâd), mae’n rhydd i beidio â chymryd rhan. Os byddwch yn penderfynu tynnu'n ôl o'r astudiaeth, gallwch ofyn am ddileu holl ddata eich plentyn. . Gallwch wneud hyn hyd at y pwynt pan fydd set ddata'r astudiaeth wedi’i dadansoddi ar ffurf gwbl ddienw (pan na fydd yn bosibl bellach adnabod data unigol y cyfranogwyr).
Pwy sy'n rhedeg ac yn talu am yr astudiaeth? Mae tîm o ymchwilwyr o dan arweiniad yr Athro Manon Jones o Brifysgol Bangor yn cynnal yr astudiaeth, ac fe’i hariannir gan Lywodraeth Cymru.
Pwy sydd wedi adolygu'r astudiaeth? Mae'r astudiaeth wedi cael barn ffafriol gan Bwyllgor Moeseg Ymchwil a Gymeradwywyd gan Brifysgol Bangor (ID prosiect: ...)
E-bost: calon@bangor.ac.uk
Cyfeiriad: Ysgol Seicoleg a Gwyddor Chwaraeon, Adeilad Brigantia, Ffordd Penrallt, Bangor,
Gwynedd LL57 2AS
Dylid cyfeirio unrhyw gwynion ynghylch yr ymchwil hwn at Uwch Swyddog Polisi a
Llywodraethu Ymchwil Prifysgol Bangor, Gwasanaethau Llywodraethu, Bangor; e-bost:
seniorresearchgovofficer@bangor.ac.uk.