Llety Safon Aur
Mae Canolfan Rheolaeth yn cynnig 56 o ystafelloedd gwesteion en-suite sydd wedi’u graddio yn 4 Seren gan Croeso Cymru. Wedi’i lleoli yng nghalon Eryri, Gogledd Cymru, gallwch fwynhau golygfeydd godidog o Afon Menai ac Ynys Môn.
Mae ein hamrywiaeth o ystafelloedd yn cynnwys sengl, gwely deuol, dwbl ac uwch, ac mae pob un yn dod â Wi-Fi am ddim a man gwaith pwrpasol. Mae pob ystafell wely yn en-suite gyda chyfleusterau gwneud te a choffi am ddim, teledu, a digon o lefydd parcio ar gael.
Mae’r cyfleusterau’n gwbl hygyrch i ddefnyddwyr cadair olwyn; fodd bynnag, nodwch nad oes mynediad lifft i ystafelloedd y trydydd llawr oherwydd bod Canolfan Rheolaeth yn adeilad rhestredig Gradd II.
Bwyta a Lluniaeth
Bwyty 1884
Gan gyfuno ffefrynnau cysurus â phrydau tymhorol, ein nod yw gwneud ein prydau, a’ch profiad bwyta, yn un pleserus ac yn gofiadwy.
Ar agor yn ddyddiol rhwng 6:00yh–9:00yh, yn gweini bwydlenni tymhorol.
Pitsa
Ar gael o 6:00y.h tan 9:00y.h yn Bar 1884.
Siop Goffi Costa
Awydd coffi? Mwynhewch un yn awyrgylch urddasol ein Neuadd Hugh Owen.
Mae’r siop goffi, sy'n agored o Ddydd Llun – Dydd Gwener 08:30–16:30 yn darparu Coffi Costa, te arbenigol, diodydd oer, byrbrydau poeth ac oer ac bwydlen cinio dyddiol.
Bar 1884
Yn ystod y *tymor prysur, bydd Bar 1884 ar agor bob dydd rhwng 5:30yh–10:00yh ar lawr gwaelod Neuadd Eryri. Yn ystod y *tymor tawel, bydd diodydd yn cael eu gweini o’r Snug, gerllaw Bwyty 1884, rhwng 5:30yh–10:00yh.
Mae gennym restr eang o ddiodydd gan gynnwys rhai gydag alcohol a rhai di-alcohol.
*Tymor Prysur Mai-Medi - Tymor Tawel Hydref-Ebrill
Priodasau
Dathlwch eich cariad gyda cheinder hanesyddol Prifysgol Bangor a golygfeydd godidog gogledd Cymru yn gefndir i chi.
Cynadleddau, Digwyddiadau a Llogi Ystafelloedd
Yma yn Y Ganolfan Rheolaeth, rydym yn darparu’r gefnlen berffaith ar gyfer unrhyw gyfarfod, cynhadledd neu ddigwyddiad corfforaethol. Mae ein tîm arlwyo a digwyddiadau mewnol yn cynnig pecynnau pwrpasol sy’n addas i bawb - o ginio preifat ar gyfer prydau gweithredol i ddigwyddiadau gyda’r nos.
Mae ein hamrywiaeth o ystafelloedd cyfarfod a chynhadledd hyblyg ar gael fesul diwrnod, gallent ddal hyd at 50 o gynrychiolwyr ac maent yn cynnwys cyfleusterau TG a chlywedol rhagorol. Ar gyfer digwyddiadau mwy, mae Neuadd Hugh Owen ar gael, sy’n gallu dal hyd at 150 o gynrychiolwyr.
Yn ogystal â’r Ganolfan Rheolaeth, mae Prifysgol Bangor hefyd yn cynnig nifer o leoliadau eraill ar draws y campws ar gyfer cynadleddau, cyfarfodydd a digwyddiadau.
Polisïau'r Ganolfan Rheolaeth
System talu heb arian parod
Nodwch fod system dalu heb arian parod wedi'i chyflwyno felly dim ond gyda cherdyn neu yn ddigyswllt gellir talu.
Newyddion
Digwyddiadau
Y Ganolfan Rheolaeth, Ffordd y Coleg, Bangor, Gwynedd LL57 2DG