Beth all technoleg deallusrwydd artiffisial cynhyrchiol fod yn ddefnyddiol ar ei gyfer?
Gall deallusrwydd artiffisial cynhyrchiol fod yn hynod ddefnyddiol o ran, er enghraifft:
- Trefnu nodiadau wedi eu teipio
- Helpu i esbonio cysyniadau
- 'Glanhau' trawsgrifiadau awtomatig o fideos
- Cyfieithu testun (e.e. o bapur ymchwil neu destun)
- Crynhoi ffynonellau cyhoeddedig
- Datblygu syniadau neu gynlluniau
- Helpu i wella gramadeg
- Dadansoddi neu drin data
- Cynhyrchu cynnwys delwedd, fideo a sain
Yn bwysig, mae Gen-AI yn offeryn a all gefnogi eich astudiaethau, nid yw'n disodli'r ymdrech y mae angen i chi ei gwneud.
Beth yw cyfyngiadau posibl deallusrwydd artiffisial cynhyrchiol?
- Ni ellir gwarantu cywirdeb ffeithiol bob amser.
- Posibilrwydd y bydd yn cynhyrchu gwybodaeth ffug – gall fod yn anodd gwahaniaethu rhwng ffaith a ffuglen.
- Nid yw technoleg deallusrwydd artiffisial cynhyrchiol yn gwneud cystal mewn pynciau arbenigol.
- Mae modd i ffynonellau gael eu ffugio.
- Mae yna botensial i ogwyddo at safbwyntiau Gorllewinol a photensial i barhau â stereoteipiau.
- Mae rhai ieithoedd nad oes ganddynt gynrychiolaeth ddigonol yn y Modelau Iaith Mawr sy'n sail i ddeallusrwydd artiffisial cynhyrchiol.
- Mae Gen-AI yn offeryn ac felly mae galluoedd a chymwyseddau'r defnyddiwr yn effeithio arno.
Deallusrwydd Artiffisial Cynhyrchiol ac asesu
Nid yw’r brifysgol yn eich gwahardd rhag defnyddio deallusrwydd artiffisial cynhyrchiol yn eich astudiaethau. Fodd bynnag, mae angen i’r defnydd fod yn foesegol ac yn briodol.
Mae gan y brifysgol gategorïau deallusrwydd artiffisial cynhyrchiol ar gyfer asesu, sy'n eich tywys o ran sut y gellir defnyddio deallusrwydd artiffisial cynhyrchiol wrth gwblhau'r asesiad. Caiff y categorïau deallusrwydd artiffisial cynhyrchiol isod.
Os oes unrhyw reolau neu ofynion pwnc-benodol ynghylch deallusrwydd artiffisial cynhyrchiol a osodir gan sefydliadau achredu neu broffesiynol, bydd y rhain yn cael eu cyfleu i chi lle bo angen.
Categorïau deallusrwydd artiffisial cynhyrchiol ar gyfer asesu
Asesiadau Categori 1
Gellir defnyddio deallusrwydd artiffisial cynhyrchiol i baratoi ar gyfer yr asesiad, fodd bynnag, mae math a logisteg yr asesiad yn golygu nad yw'n bosibl i chi ddefnyddio meddalwedd deallusrwydd artiffisial cynhyrchiol yn ystod yr asesiad ei hun.
Cyflwyniad yn y cnawd, cyfweliad neu viva voce wedi'i asesu, arholiad yn y cnawd, asesiad ymarferol, llyfr nodiadau labordy neu faes (yn dibynnu pryd y caiff ei gyflwyno), Arholiad Clinigol Strwythuredig Gwrthrychol, asesiad cyfoes yn y dosbarth.
Gellir defnyddio deallusrwydd artiffisial cynhyrchiol i baratoi ar gyfer yr asesiad, ond mae'r trefniadau asesu’n golygu na fydd yn bosibl ei ddefnyddio yn yr asesiad ei hun.
Asesiadau Categori 2
Gallwch ddefnyddio Gen-AI fel offeryn cefnogol wrth gwblhau'r asesiad, ond rhaid i chi lynu wrth yr egwyddor arweiniol isod a datgan a ydych wedi'i ddefnyddio a sut, gan ddefnyddio'r daflen flaen Gen-AI ac Uniondeb Academaidd (sydd ar gael isod).
Gwaith cwrs ysgrifenedig, gwaith cwrs sy'n cynnwys allbynnau creadigol, gwaith cwrs yn seiliedig ar weithgareddau profiadau, arholiadau i'w sefyll gartref/ar-lein.
Gallwch ddefnyddio Gen-AI fel offeryn cefnogol wrth gwblhau'r asesiad, fodd bynnag, dylai cynnwys sylfaenol y cyflwyniad (e.e., y mynegiant ysgrifenedig sylfaenol, dadleuon, dehongliadau, casgliadau ac ati) o unrhyw waith a gyflwynir i'w asesu fod yn waith y myfyriwr ei hun.
Asesiadau Categori 3
Mae'r rhain wedi'u cynllunio fel bod rhaid i chi ddefnyddio deallusrwydd artiffisial cynhyrchiol fel rhan o'r gofynion asesu er mwyn cefnogi datblygiad sgiliau deallusrwydd artiffisial cynhyrchiol. Rhaid i chi ddatgan sut y defnyddir y dechnoleg gan ddefnyddio'r flaenddalen deallusrwydd artiffisial cynhyrchiol.
Beirniadaeth o gynnwys a gynhyrchwyd gan ddeallusrwydd artiffisial cynhyrchiol, gwaith cwrs sy'n gofyn i chi ddefnyddio deallusrwydd artiffisial cynhyrchiol e.e. cynhyrchu arteffact.
Rhaid i’r asesiad sicrhau mynediad cyfartal at ddeallusrwydd artiffisial cynhyrchiol gyda meini prawf asesu’n canolbwyntio ar effeithiolrwydd defnydd.
Blaenddalen Deallusrwydd Artiffisial Cynhyrchiol
Byddwch yn cwblhau ac yn cyflwyno’r flaenddalen hon gyda phob asesiad Categori 2 a Chategori 3. Bydd staff y modiwl yn sicrhau bod copi o'r flaenddalen ar gael i chi fel rhan o'r wybodaeth asesu. Mae copi ar gael isod. Mae'r brifysgol yn defnyddio’r flaenddalen deallusrwydd artiffisial cynhyrchiol i helpu i hyrwyddo tryloywder ynghylch defnyddio deallusrwydd artiffisial cynhyrchiol ac i ganiatáu i chi ddatgan eich defnydd moesegol a phriodol.
Deallusrwydd artiffisial cynhyrchiol ac uniondeb academaidd
Er nad yw'r brifysgol yn gwahardd defnyddio deallusrwydd artiffisial cynhyrchiol, mae'n bosibl y gallai defnydd amhriodol neu anfoesegol fynd yn groes i Weithdrefn Uniondeb Academaidd y brifysgol, a gellir ei gosbi o ganlyniad. Er enghraifft, oherwydd achos o lên-ladrad neu ddefnyddio melin draethodau, neu drwy fynd yn groes i ofynion gonestrwydd (e.e. gwneud datganiad ffug ar y flaenddalen deallusrwydd artiffisial cynhyrchiol).
O ran asesiadau ar raglenni a gwmpesir gan Weithdrefn Addasrwydd i Ymarfer Prifysgol Bangor, gall defnyddio deallusrwydd artiffisial cynhyrchiol y tu hwnt i'r hyn a ddatganwyd ar y flaenddalen deallusrwydd artiffisial cynhyrchiol a/neu gamliwio ei ddefnydd, fod yn achos o fynd yn groes i ofynion addasrwydd i ymarfer y rhaglen honno. Os yw eich gradd wedi'i chynnwys yn y Weithdrefn Addasrwydd i Ymarfer, bydd hyn yn cael ei egluro i chi.
Beth os oes gennyf gwestiwn am asesiad?
Os oes gennych unrhyw gwestiynau am asesiad penodol, dylech drafod hynny gyda'r aelod staff a roddodd yr asesiad ichi.
Lleihau'r risgiau o ddefnyddio Deallusrwydd artiffisial
Risgiau ac effeithiau posibl defnydd amhriodol o Gen-AI a sut y gallwch eu lliniaru:
Cynnwys gwybodaeth anghywir
Cynnwys gwybodaeth anghywir yn eich gwaith.
Effaith ar eich dealltwriaeth o'r pwnc a derbyn marc gwael am y gwaith.
Peidiwch â dibynnu ar Gen-AI, gwerthuswch a gwiriwch wybodaeth a gynhyrchwyd gan Gen-AI a defnyddiwch ystod o ffynonellau cynradd.
Uwchlwytho deunyddiau neu ddata nad ydynt yn eiddo i chi i'r offeryn Gen-AI
Gall uwchlwytho deunyddiau neu ddata nad ydynt yn eiddo i chi i offeryn Gen-AI dorri hawlfraint neu eiddo deallusol.
Potensial ar gyfer torri safonau moesegol a/neu ddeddfwriaeth diogelu data.
Byddwch yn ymwybodol o berchnogaeth gwybodaeth a data a pheidiwch byth ag uwchlwytho gwybodaeth gyfrinachol neu sensitif.
Gorddibyniaeth ar offer AI
Gall gorddibyniaeth ar offer AI gyfyngu ar ddatblygiad eich gwybodaeth a'ch sgiliau academaidd.
Effaith bosibl
Defnyddiwch Gen-AI fel offeryn i gefnogi eich gwaith, ond peidiwch â'i ddefnyddio i dorri corneli. Cynnal ymgysylltiad â'ch astudiaethau.
Cyflwyno cynnwys Gen-AI fel eich cynnwys eich hun
Gall cyflwyno cynnwys Gen-AI fel eich cynnwys eich hun dorri Gweithdrefn Uniondeb Academaidd y Brifysgol.
Camau disgyblu o dan y Weithdrefn Uniondeb Academaidd.
Dilynwch yr egwyddorion arweiniol a nodir yn y canllawiau hyn, dilynwch y canllawiau asesu, a defnyddiwch ddalen flaen datganiad Gen-AI.