Mae Newid Mewnol yn Gweithio: Grymuso Gwydnwch a Chyfrifoldeb ar gyfer Arweinwyr a Gwneuthurwyr Newid Short Courses and CPD - Mynediad yn

Ydych chi'n eiriolwr cymdeithasol neu amgylcheddol, neu'n arweinydd sy'n gweithio dros newid cadarnhaol? Mae rhaglen chwe wythnos Inner Change Works (ICW) wedi’i chynllunio i rymuso unigolion fel chi gyda’r gwydnwch seicolegol a’r ymatebolrwydd tosturiol sydd eu hangen i ffynnu yn wyneb heriau byd-eang. Boed chi’n teimlo gorflinder (burnout), gorbryder neu flinder tosturiol, mae’r rhaglen arloesol yma, sy’n seiliedig ar ymwybyddiaeth ofalgar a thosturi, yn cynnig arfau i’ch helpu i ailgysylltu â’ch pwrpas wrth feithrin eich llesiant, hyrwyddo cyfathrebu medrus a gweithredu doeth, a chychwyn newid ymddygiad cynaliadwy. Mae’r prosiect hwn wedi’i ariannu gan Gronfa Datblygu Menter Staff Prifysgol Bangor.

Mae ICW yn fwy na hyfforddiant – mae’n daith drawsnewidiol i feithrin gwytnwch, meithrin gobaith gweithredol, a dyfnhau ymwybyddiaeth foesegol ar gyfer eiriolaeth gynaliadwy. Ymunwch â chymuned gynyddol o wneuthurwyr newid sy'n awyddus i wella eu gallu i ymateb yn effeithiol, arwain yn foesegol, a chyfrannu'n ystyrlon at les cymdeithasol ac ecolegol. Gyda’n gilydd, gallwn adeiladu dyfodol lle mae eiriolaeth yn ffynnu ochr yn ochr ag iechyd meddwl a chynaliadwyedd. Barod i gael dylanwad bositif, tra’n gofalu amdanoch eich hun? Porwch trwy’r rhaglen ICW heddiw a chymerwch y cam cyntaf tuag at ffordd mwy gwydn a thosturiol o sicrhau newid.
 

I bwy mae’r cwrs hwn yn addas?

Mae'r cwrs byr hwn wedi'i anelu at unigolion a sefydliadau sy’n ymgysylltu â'r gymuned, neu’n gweithio ym maes cyfiawnder cymdeithasol, a chynaladwyedd a hynny mewn cyd-destunau lleol a byd-eang.

Pam astudio’r cwrs?

Mae rhaglen chwe wythnos Inner Change Works (ICW) yn mynd i’r afael â’r angen dybryd am wytnwch seicolegol ac ymatebolrwydd tosturiol ymhlith unigolion sy’n ymwneud â newid cymdeithasol a gwaith cynaliadwyedd amgylcheddol. Mae'r cynllun hwn yn cydnabod yr heriau iechyd meddwl sy'n aml yn cyd-fynd ag amlygiad i faterion byd-eang, megis eco-bryder, gorflino, a blinder tosturiol. Trwy integreiddio dulliau sy'n seiliedig ar ymwybyddiaeth ofalgar a thosturi, mae rhaglen ICW yn cefnogi meithrin gwytnwch, gobaith gweithredol, ac ymwybyddiaeth foesegol, sydd yn hanfodol ar gyfer ymgysylltu cynaliadwy ag ymdrechion cymdeithasol ac amgylcheddol. Mae rhaglen ICW yn ddull arloesol sy’n canolbwyntio ar wydnwch tuag at hyfforddiant sy’n seiliedig ar ymwybyddiaeth ofalgar a thosturi sy’n mynd i’r afael ag anghenion iechyd meddwl a heriau moesegol eiriolwyr cymdeithasol ac amgylcheddol cyfoes. Trwy feithrin gwytnwch seicolegol, ymwybyddiaeth foesegol, a gweithredu tosturiol, mae’r rhaglen yn grymuso unigolion i ymgysylltu’n fwy cynaliadwy ag eiriolaeth ac i gyfrannu’n ystyrlon at lesiant ar y cyd. Nid yn unig mae hyfforddiant o’r fath o fudd i ymarferwyr unigol ond mae hefyd yn hyrwyddo llewyrch cymdeithasol ac ecolegol ehangach, gan wneud cyfraniad gwerthfawr i faes ymyriadau sy’n seiliedig ar ymwybyddiaeth ofalgar.

Fformat y Cwrs

Mae'r cwrs byr safonol yn rhedeg dros chwe wythnos, gyda sesiynau ar-lein wythnosol yn para 2.5 awr. Mae'r sesiynau'n cyfuno ymarfer profiadol, myfyrio, deialog grŵp, a dysgu dan arweiniad.

Darpariaeth i Sefydliadau

Yn ogystal â'r fformat chwech wythnos, gellir teilwra rhaglen 'Inner Change Works' ar gyfer sefydliadau sy'n dymuno cefnogi eu timau. Rydym yn cynnig opsiynau darpariaeth wedi'u haddasu, gan gynnwys gweithdai 2–3 diwrnod neu fformatau eraill sy'n cyd-fynd ag anghenion y sefydliad.

Mae'r cynigion pwrpasol hyn yn darparu'r un cynnwys cwrs mewn fformat cryno ac effeithiol, sy'n ddelfrydol ar gyfer datblygiad staff, hyfforddiant arweinyddiaeth, neu fentrau llesiant tîm. 

Diddordeb mewn fersiwn wedi'i theilwra ar gyfer eich sefydliad? Cysylltwch â ni i archwilio sut y gellir cyflwyno ICW yn eich cyd-destun.

Tiwtor

Dr. Sophie Sansom

Mae Sophie yn gyd-gyfarwyddwr y Ganolfan Ymchwil ac Ymarfer Ymwybyddiaeth Ofalgar ym Mhrifysgol Bangor. Fel uwch ddarlithydd mae Sophie yn dysgu ar y rhaglen meistr ac mae'n angerddol am fentrau cymdeithasol ac amgylcheddol, ac mae wedi cyd-ddatblygu'r rhaglen Inner Change Works (ICW) yn ddiweddar. Yn sylfaenydd SiTT (Cymorth ar gyfer Uniondeb mewn Addysgu a Hyfforddiant) mae Sophie wedi sefydlu fframweithiau ar gyfer datblygiad cymunedol a safonau proffesiynol yn y maes. Ar ôl cyd-ddatblygu dull arloesol ar gyfer cydnabod cwricwla MBP (mindfulness based practice) newydd, mae Sophie yn cadeirio’r Panel Cydnabod Rhyngwladol (IPA) a gynhelir gan Gymdeithas Ewropeaidd Dulliau Seiliedig ar Ymwybyddiaeth Ofalgar (EAMBA). Wrth arwain ar ysgolheictod a datblygiad Ymyriadau Seiliedig ar Ymwybyddiaeth Ofalgar -Meini Prawf Asesu Addysgu, mae gwaith academaidd Sophie yn archwilio ffyrdd o gefnogi arloesedd a hygyrchedd pedagogaidd wrth gynnal ansawdd a chywirdeb; ffocws allweddol yn ei rôl fel Cadeirydd Cymdeithas Brydeinig Dulliau Seiliedig ar Ymwybyddiaeth Ofalgar (BAMBA)

 

Beth fyddwch chi’n ei astudio ar y cwrs yma?

• Meddwlgarwch

• Tosturi

• Technegau ‘Empowered responsive action’

Beth mae dysgwyr yn ddweud am y cwrs?

"mae yna deimlad cynyddol gryf o berthyn i we eang o gyd-geiswyr newid "

"Rwy’n teimlo fy mod wedi cael fy ehangu, fy nghyfoethogi ac fy ysbrydoli. Rwy’n fwy abl i gysylltu â dyfnder fy mywyd i rannu, gweithredu, mynegi newid mewn ffordd nad oeddwn i’n ei gwneud o’r blaen."

"Rwyf yn teimlo’n bositif ac wedi fy ngrymuso. Mae gen i deimlad bod y pethau bach rydw i'n eu gwneud yn gallu gwneud gwahaniaeth."

Cofrestru ar gyfer y Cwrs Nesaf

Bydd y cwrs nesaf yn dechrau fis Hydref 2025 dros 6 wythnos ar ddyddiau Mawrth rhwng 9:30am-12:00pm ar y dyddiau canlynol:

7, 14, 21 October
4, 11, 18 November

Cost: £260  

 Cofrestrwch nawr 

 

Dyddiadau yma ddim yn gyfleus?

Cofrestrwch eich diddordeb er mwyn clywed am gyrsiau eraill yn y dyfodol.

Cofrestru Diddordeb