Yn ystod y noson
Bydd cyfle i:
- Glywed ein siaradwr gwadd, Ieuan Wyn Jones, yn trafod pwysigrwydd dysgu gydol oes
- Ddarganfod mwy am effaith partneriaeth dysgu cymunedol Prifysgol Bangor â Grŵp Llandrillo Menai
- Glywed gan ddysgwyr a staff sydd wedi bod yn rhan o’r ddarpariaeth
- Archwilio cyfleoedd i ddal ati gyda’ch dysgu
- Cyfarfod â dysgwyr eraill, staff a phartneriaid cymunedol dros luniaeth
Pwy ddylai fynychu?
Mae’r digwyddiad yn agored i ddysgwyr, staff, partneriaid ac unrhyw un sydd â diddordeb mewn dysgu cymunedol, dysgu gydol oes neu ehangu mynediad at addysg uwch.
Mae croeso arbennig hefyd i gydweithwyr sydd â diddordeb mewn cynnig cwrs byr neu gyfrannu at weithgarwch dysgu cymunedol yn y dyfodol. Rydym wrthi’n datblygu rhaglen y flwyddyn academaidd nesaf ar hyn o bryd, a byddem yn falch o gael sgwrs gyda chi.
Iaith a chyfieithu
Cynhelir y digwyddiad yn bennaf drwy gyfrwng y Gymraeg. Bydd cyfieithu ar y pryd i’r Saesneg ar gael i’r rhai sydd ei angen.