Cyfres o Seminarau Llefydd Newid Hinsawdd: Rhy Warthus i Fethu? Cyfalafiaeth Ganibalaidd Amason Drefol Periw

Siaradwr: Dr Japhy Wilson

Mae’r papur hwn yn dechrau ar y dybiaeth nad oes ateb i’r newid yn yr hinsawdd o fewn ffiniau cyfalafiaeth fyd-eang, ac mae’n gofyn beth sydd gan lafn trefol ein hapocalyps torfol ac anwastad i’w ddweud wrthym am natur y system, a’r posibilrwydd o symud y tu hwnt iddi.  Mae'n archwilio gwarth cyfalaf trwy ethnograffeg swrealaidd dinas Iquitos yn Amason Periw: metropolis alldynnol sy'n ymgorffori'r hyn y mae Nancy Fraser yn ei alw'n gyfalafiaeth ganibalaidd, ac sydd fel petai'n cadarnhau awgrym David Harvey bod cyfalafiaeth yn rhy warthus i oroesi. Ond o ystyried celfyddyd radical a diwylliant stryd y ddinas mae awgrym bod honiad Harvey yn llai amlwg nag y tybiech chi. Yn hytrach mae buddsoddiad ysol trigolion isel eu statws Iquitos mewn ffyrdd alldynnol o gronni cyfalaf yn dangos o bosib bod cyfalafiaeth yn rhy warthus i fethu. Ar y llaw arall, mae’r trigolion yn dathlu eu hawl hwythau i ddinas a adeiladwyd ar gefn caethwasiaeth a llofruddiaeth eu hynafiaid trwy ddefodau cythreulig y carnifal, ac maent yn gwyrdroi eu patholeg gwarthus hwythau mewn mathau o wariant torfol, sy’n awgrymu o bosib nad yw cyfalafiaeth yn ddigon gwarthus, a’i bod yn rhagdybio gwarth ecstatig gwrthryfelgar comiwnyddiaeth ganibalaidd.