Cyrsiau Cymraeg i Oedolion
Mae Dysgu Cymraeg - Gogledd Orllewin (DCGO) ym Mhrifysgol Bangor yn darparu cyrsiau Cymraeg i oedolion ledled Gwynedd, Conwy ac Ynys Môn, yn ogystal ag ar-lein, ar ran y Ganolfan Dysgu Cymraeg Genedlaethol.
Gyda dros 2,000 o ddysgwyr yn cofrestru ar ein cyrsiau bob blwyddyn, mae DCGO yn chwarae rhan ganolog yn natblygiad y Gymraeg yng ngogledd-orllewin Cymru (Môn, Conwy a Gwynedd), gan wneud cyfraniad sylweddol at strategaeth Cymraeg 2050 Llywodraeth Cymru – Miliwn o Siaradwyr.
Rhagoriaeth | Arbenigedd | Profiad
Yn 2022, dyfarnwyd gradd ‘Rhagorol’ gan Estyn, sef y dyfarniad uchaf bosibl, i ddarpariaeth DCGO. Canmolodd Estyn weledigaeth gref y gwasanaeth, ansawdd yr addysgu, ymrwymiad y staff, a’r ffordd y mae dysgwyr yn magu hyder ac yn defnyddio eu Cymraeg yn y gymuned.
Mae arbenigedd DCGO yn ymestyn y tu hwnt i’r ystafell ddosbarth, gan gynnwys datblygu adnoddau dysgu, hyfforddi tiwtoriaid, a chyfrannu at waith ymchwil arloesol yn y maes.
Gyda 50 mlynedd o brofiad yn y maes, mae DCGO yn parhau i fynd o nerth i nerth, gan gefnogi nifer gynyddol o siaradwyr newydd i ddefnyddio’r Gymraeg yn hyderus, yn gymdeithasol ac yn broffesiynol.
Cyrsiau Cymraeg
Ydach chi’n awyddus i ddysgu Cymraeg neu ddatblygu eich sgiliau Cymraeg?
Mae gennym amrywiaeth o gyrsiau Cymraeg addas ar bob lefel, o ddechreuwyr pur i siaradwyr mwy profiadol.
Mae ein cyrsiau am ddim i staff a myfyrwyr Prifysgol Bangor.
Cyrsiau Cymraeg i Weithluoedd
Mae Dysgu Cymraeg - Gogledd Orllewin (DCGO) yn cynnig amrywiaeth o gyrsiau Cymraeg i weithluoedd ar draws y rhanbarth, gan gefnogi staff i ddatblygu eu sgiliau iaith ar bob lefel. Mae’r ddarpariaeth yn cynnwys cyrsiau wedi’u teilwra ar gyfer gweithwyr yn y sector Iechyd a Gofal, Awdurdodau Lleol, a’r Gweithlu Addysg. Yn ogystal, mae DCGO yn cyfrannu at gryfhau sgiliau Cymraeg myfyrwyr sy’n hyfforddi i fod yn athrawon yn y dyfodol.
Hyfforddiant i Diwtoriaid
Dechrau Dysgu: Tystysgrif Lefel 4 CBAC i Diwtoriaid Dysgu Cymraeg
Mae Dysgu Cymraeg Gogledd Orllewin yn gyfrifol am y cymhwyster cenedlaethol ‘Dechrau Dysgu’. Nod ‘Dechrau Dysgu’ yw meithrin y sgiliau sydd eu hangen ar diwtor newydd wrth ddechrau dysgu Cymraeg i oedolion. Rhoddir arweiniad ymarferol i diwtoriaid ddatblygu sgiliau dysgu effeithiol ac i ddeall egwyddorion dysgu iaith. Rhaid i fyfyrwyr roi’r sgiliau a’r wybodaeth ar waith wrth ymarfer dysgu, ac asesir eu cyflawniad drwy arsylwi, adfyfyrio ac aseiniadau. Rhoddir sylw penodol i ddysgu dysgwyr lefel Mynediad yn y cymhwyster hwn.
Darperir y cymhwyster gan Dysgu Cymraeg Gogledd Orllewin mewn cydweithrediad â Dysgu Cymraeg Ceredigion – Powys – Sir Gâr, a thrwy gytundeb â CBAC a’r Ganolfan Dysgu Cymraeg Genedlaethol.
Newyddion Diweddaraf
Gweld MwyEin Staff
| Enw | Teitl Swydd |
|---|---|
| Aled Ieuan Bebb | Tiwtor Ardal Arfon |
| Audra Roberts | Tiwtor Ardal Môn ac Arfon |
| Branwen Glyn | Tiwtor Datblygiad Proffesiynol |
| Ceri Jones | Tiwtor Ardal Meirionnydd |
| Ceri Llwyd | Ysgrifenyddes |
| Claire Heeley | Tiwtor Gweithlu Addysg Conwy |
| Dafydd Apolloni | Tiwtor Cymraeg Gwaith |
| Donna Thomas | Ysgrifennydd Cyllid |
| Elen Lois Jones | Pennaeth Dysgu Cymraeg – Gogledd Orllewin |
| Elin Angharad Davies | Tiwtor-drefnydd Cymraeg Gwaith |
| Eluned Croydon | Tiwtor Ardal Dwyfor |
| Elysteg Llwyd | Tiwtor Ardal Môn |
| Eryl Jones | Tiwtor Cymraeg Gwaith |
| Ffion Medi Ellis | Tiwtor Ardal Arfon |
| Gwenan Eifion Williams | Tiwtor Gweithlu Addysg |
| Heather Callow | Gweinyddwr |
| Helen Edwards | Tiwtor Gweithlu Addysg Môn |
| Iola Jones | Tiwtor Ardal Dwyfor |
| Llinos Alun | Tiwtor Gweithlu Addysg Gwynedd |
| Llinos Vaughan Jones | Tiwtor-drefnydd Conwy |
| Lois Mererid Evans | Tiwtor-drefnydd Arfon |
| Mair Rees | Tiwtor Iechyd a Gofal |
| Martyn Croydon | Tiwtor-drefnydd Dwyfor |
| Mathew Penri Williams | Tiwtor Hyfforddiant |
| Meira Elin Roberts | Tiwtor Ardal Meirionnydd |
| Menna Morris | Tiwtor Cymraeg Gwaith |
| Rhian Oldroyd | Tiwtor Ardal Conwy |
| Sam Jones | Rheolwr Gweinyddiaeth |
| Sharon Roberts | Tiwtor-drefnydd Môn |
| Sian Eirian Lewis | Rheolwr Dysgu ac Addysgu |
| Sioned Mair Jones | Tiwtor Ardal Conwy |