Cafodd myfyrwyr newydd gyfle i archwilio iaith a diwylliant Tsieina gyda Sefydliad Confucius ym Mhrifysgol Bangor yn nigwyddiad Serendipity, gan gwrdd â’n tiwtoriaid a dysgu am yr amrywiaeth o weithgareddau sydd ar gael drwy gydol y flwyddyn.

Mae’r Sefydliad yn cynnig amrywiaeth o weithgareddau diwylliannol sy’n rhoi cyfle i fyfyrwyr ddysgu, bod yn greadigol a rhoi cynnig ar rywbeth newydd. Yn Serendipity, cafodd myfyrwyr flas ar y gweithgareddau hyn drwy roi cynnig ar galigraffeg Tsieineaidd. Buont yn defnyddio brwsh i ymarfer llunio cymeriadau Tsieineaidd ac yn darganfod celfyddyd sy’n cyfuno iaith a chreadigrwydd. I lawer, dyma oedd eu profiad cyntaf o galigraffeg.

Roedd ein tiwtoriaid wrth eu bodd yn cwrdd â chymaint o fyfyrwyr newydd ac yn clywed am yr ieithoedd maent yn eu siarad, y pynciau maent yn eu hastudio a’r hyn yr hoffent ei archwilio yn ystod eu cyfnod ym Mangor. Cafodd y myfyrwyr gyfle hefyd i holi am ddysgu Mandarin ac am gymryd rhan yng ngweithgareddau’r Sefydliad yn y dyfodol.

Roedd Serendipity yn ddechrau bywiog i’r flwyddyn academaidd. Diolch i bawb a ddaeth i’n gweld ac a gymerodd ran. Edrychwn ymlaen at eich croesawu i ragor o weithgareddau Sefydliad Confucius drwy gydol y flwyddyn.