Ymunwch â Phrifysgol Bangor wrth inni ddathlu 60 mlynedd o adeilad Stryd y Deon.

Bydd y digwyddiad rhad ac am ddim hwn yn cynnwys taith dywys, arddangosfa o ffotograffau hanesyddol, lluniaeth, a'r Ddarlith Flynyddol gan yr Athro Emeritws Martin Taylor, gan ddathlu'r bobl, y cyflawniadau a'r atgofion sydd wedi siapio Stryd y Deon dros y chwe degawd diwethaf.

Ers chwe degawd, mae adeilad Stryd y Deon wedi bod yn gartref i genedlaethau o fyfyrwyr, ymchwilwyr ac academyddion, gan gefnogi addysgu, ymchwil, arloesedd a chydweithio drwy gyfnod o newid sylweddol ym meysydd gwyddoniaeth, peirianneg a chyfrifiadura. Mae'r digwyddiad arbennig hwn yn gyfle i ailgysylltu â hen gyfeillion a chydweithwyr, ailymweld â llefydd cyfarwydd, a myfyrio ar y bobl, y straeon a'r cyflawniadau sydd wedi cyfrannu at hanes yr adeilad.

Bydd y prynhawn yn dechrau gyda thaith dywys o'r adran, ac yna lluniaeth a chyfle i weld casgliad o ffotograffau hanesyddol sy'n dangos bywyd yn Stryd y Deon dros y 60 mlynedd diwethaf.

Uchafbwynt y dathliadau fydd y Ddarlith Flynyddol, "Adeilad Stryd y Deon: Uchafbwyntiau o'i Hanes 60 Mlynedd", a gyflwynir gan yr Athro Martin Taylor, Athro Emeritws ym Mhrifysgol Bangor.

Mae gan yr Athro Taylor bersbectif unigryw ar hanes Stryd y Deon, ar ôl astudio a gweithio ym Mhrifysgol Bangor drwy gydol ei yrfa academaidd. Ar ôl graddio gyda BSc yn 1967 a PhD yn 1970, datblygodd o fod yn ymchwilydd ôl-ddoethurol i fod yn Ddarlithydd, Uwch-ddarlithydd ac Athro, gan wasanaethu'n ddiweddarach fel Pennaeth yr Ysgol Gwybodeg a Deon Gwyddoniaeth a Pheirianneg. Gan dynnu ar dros hanner canrif o brofiad ym Mangor, bydd yn rhannu atgofion, hanesion a myfyrdodau ar y bobl, y datblygiadau a'r cerrig milltir sydd wedi diffinio hanes Stryd y Deon.

Dilynir y ddarlith gan sesiwn anffurfiol o gwestiynau ac atebion a chyfle i rwydweithio, gan roi cyfle i'r rhai sy'n bresennol rannu eu hatgofion a'u profiadau eu hunain o Stryd y Deon dros y degawdau.

Rhaglen y Digwyddiad

Dydd Iau 19 Tachwedd 2026

3.00pm – Cyrraedd a chofrestru, Ystafell Gyffredin y Myfyrwyr

3.30pm – Taith dywys o'r adran dan arweiniad Dave Perkins ac Iestyn Pierce

4.30pm – Te, coffi ac arddangosfa o ffotograffau hanesyddol, Ystafell Ddarllen y Llyfrgell

5.00pm – Darlith Flynyddol
"Adeilad Stryd y Deon: Uchafbwyntiau o'i Hanes 60 Mlynedd"
Yr Athro Martin Taylor, Prif Ddarlithfa

6.00pm - 7.00pm – Cwestiynau, trafodaeth a rhwydweithio, Ystafell Gyffredin y Myfyrwyr