Iechyd

I gael mwy o wybodaeth am faterion sy'n ymwneud ag Iechyd Myfyrwyr, gweler ein Llyfryn Gofal Iechyd Myfyrwyr ar-lein.

Mae angen i'r holl fyfyrwyr gofrestru â Meddyg Teulu lleol a dylent wneud hynny cyn gynted ag y bo modd yn ystod eu tymor cyntaf ym Mangor. Isod, ceir manylion y meddygfeydd lleol a'r gwasanaethau iechyd arbennig i fyfyrwyr;

Sut i gofrestru gyda meddyg teulu

Rydych yn rhydd i ddewis y feddygfa y dymunwch gofrestru ynddi ac, wrth gwrs, os ydych eisoes yn byw yn lleol, efallai y dewiswch ddal yn gofrestredig â'ch meddyg persennol.  Awgrymwn yn gryf eich bod yn cofrestru gyda ni gynted ag y bo modd ar ô lichi gyrraedd. Mae dolen ichi gofrestru yma:
https://bodnantmedicalcentre.co.uk/

Mae cofrestru’n fuan gyda’r feddygfa’n arbennig o bwysig os ydych yn cymryd meddyginiaeth yn rheolaidd neu os oes gennych gyflwr hir-dymor. Mae pob meddygfa, gan gynnwys Bodnant, angen tri diwrnod gwaith o rybudd i baratoi prescriptiwn o dan amgylchiadau arferol. Er yr ymdrechwn bob amser i fod o gymorth mewn sefyllfa argyfwng, mae prescripsiynau tymor hir bob amser yn haws eu trin os ceir digonedd o rybudd.

Y ffordd fwyaf hwylus i wneud cais am feddyginiaeth tymor hir yw unai’r system “e-consult” sydd i’w chael ar dudalen gartref gwefan y feddygfa, sef: https://bodnantmedicalcentre.co.uk neu trwy gofrestru â system “myhealthonline”. Mae angen inni eich gweld wyneb-yn-wyneb er mwyn cofrestru â “myhealthonline”, felly dowch i’n gweld yn y ffair myfyrwyr, gydag ID efo llun ohonoch arno a phrawf o’ch cyfeiriad ym Mangor. Mae posib hefyd ichi ddod i dderbynfa’r feddygfa.

Bydda angen tystiolaeth o ba feddyginiaeth rydych ei angen, e.e. taflen brescriptiwn ail-adroddus o’ch meddygfa flaenorol neu ffotograff o’r bocsys meddyginiaeth gyda’ch enw arnynt. NI ALLWN DDERBYN CEISIADAU AM FEDDYGINIAETH DROS Y FFÔN.

Ar gyfer unrhyw ohebiaeth â Bodnant trwy gyfrwng “e-consult”, cofiwch nodi eich bod yn fyfyriwr Prifysgol Bangor. Mae hyn yn ein galluogi i ddarparu ein gwasanaethau yn y modd mwyaf effeithlon posib.

Fferyllfeydd

Wedi ichi dderbyn prescriptiwn o Ganolfan Feddygol Bodnant, mae croeso ichi fynd â hwnnw i unrhyw fferyllfa o’ch dewis chi, fydd wedyn yn rhoi’r feddyginiaeth ichi. Os ydych yn derbyn meddyginiaeth hir-dymor ar brescriptiwn, dylech drafod â’r fferyllfa beth yw’r ffordd sy’n gweddu orau i chi eu derbyn yn rheolaidd. Mae pob fferyllfa â ffordd wahanol o wneud pethau, felly sicrhewch bod eich fferyllfa’n gwbl eglur sut i’ch cynorthwyo’n briodol. Mae meddyginaieth yn gorffen yn ddisymwth yn achosi strach, felly awgrymwn yn gryf ichi gynllunio o flaen llaw a thrafod mewn da bryd.

Ardystio

Yn dilyn salwch, efallai y bydd y Coleg yn gofyn i chi ddangos Tystysgrif Feddygol i egluro eich absenoldeb.

Yn achos anhwylderau o lai na 7 niwrnod, mae ffurflenni hunan-ardystio ar gael gan unrhyw feddyg teulu yn yr ardal neu mae myfyrwyr yn gallu printio un eu hunain:

http://www.hmrc.gov.uk/forms/sc2.pdf

 

Clwy'r Pennau

Dylai myfyrwyr blwyddyn gyntaf edrych beth yw statws eu brechiad MMR gyda'u meddyg teulu gartref cyn iddynt ddechrau blwyddyn academaidd 2005-06.