Derbyniodd Julia ei MBE am wasanaethau i'r amgylchedd, yn dilyn ei chydnabyddiaeth yn Rhestr Anrhydeddau Blwyddyn Newydd Brenin Siarl III yn 2026.
Dywedodd yr Athro Edmund Burke, Is ganghellor, “Llongyfarchiadau i Julia am yr anrhydedd haeddiannol hon. Mae ei harweinyddiaeth ym maes cadwraeth bioamrywiaeth, o fewn y byd academaidd ac ym maes polisi cyhoeddus, wedi cael effaith fawr yn genedlaethol ac yn fyd-eang. Rydym yn ffodus iawn i gael arweinydd mor uchel ei pharch yn ei maes ym Mhrifysgol Bangor."
Mae Julia yn cael ei chydnabod yn rhyngwladol am ei hymchwil i sut y gellir gwneud polisïau ac ymyriadau cadwraeth yn fwy effeithiol i bobl a'r amgylchedd. Mae ei gwaith wedi helpu i lunio dulliau o ddiogelu bioamrywiaeth, cadwraeth coedwigoedd a pholisi amgylcheddol sydd wedi’i seilio ar dystiolaeth yn y Deyrnas Unedig ac yn rhyngwladol. Ochr yn ochr â'i gwaith academaidd, mae hi'n gwasanaethu fel cyd-gadeirydd Grŵp Prif Wyddonwyr y pum corff cadwraeth natur statudol yn y Deyrnas Unedig ac mae'n ymddiriedolwr WWF UK.
Wrth siarad ar ôl y seremoni, dywedodd Julia, “Rydw i mor lwcus i allu gwneud y gwaith rydw i’n ei wneud gyda chymaint o gydweithwyr gwych ym Mhrifysgol Bangor a thu hwnt, er mwyn ceisio gwella effeithiolrwydd cadwraeth natur. Mae heddiw wedi bod yn hynod o arbennig. Diolch enfawr i’r rhai a’m henwebodd ac i’r holl bobl ymroddedig rydw i’n cael y fraint o weithio gyda nhw.”
Roedd y seremoni wobrwyo’n ddathliad addas o ymrwymiad hirhoedlog yr Athro Jones i wyddor yr amgylchedd a'i hymroddiad parhaus i sicrhau bod cadwraeth yn cyflawni canlyniadau ystyrlon i natur a chymdeithas.
Pan gyhoeddwyd gwobr Julia gyntaf, dywedodd y cyn-fyfyriwr ac enillydd Strictly Come Dancing, Hamza Yassin, “Alla i ddim meddwl am unrhyw un mwy haeddiannol. Mae'n fraint ac yn anrhydedd cael fy addysgu gan Julia. Ar fy rhan i, a’r holl fyfyrwyr eraill rydych chi wedi eu haddysgu yn ystod eich amser, hoffwn ddweud, diolch yn fawr.”
https://www.bangor.ac.uk/cy/newyddion/2026-01-06-mbe-i-athro-o-brifysgol-bangor-neges-annisgwyl-gan-enillydd-strictly
Cadwraethwraig sydd wedi cael ‘effaith eithriadol’ yn derbyn gwobr yng Nghastell Windsor
Cyflwynwyd MBE i Julia Jones, Athro Gwyddor Cadwraeth ym Mhrifysgol Bangor, mewn seremoni wobrwyo a gynhaliwyd yng Nghastell Windsor gan Siawnsri Canolog Urddau'r Marchogion ddydd Mawrth, 5 Mai.