Dysgu - Sefydliad Confucius

Gweler ein cyrsiau ar-lein yma.

Rydym yn cynnig amrywiaeth o ddosbarthiadau Mandarin un i un ar gyfer unigolion sydd angen mwy o hyblygrwydd wrth ddysgu. Gallwn addasu’r gwersi i weddu i’ch anghenion penodol a gallwn hefyd eich paratoi i sefyll arholiad iaith Mandarin HSK a gydnabyddir yn rhyngwladol. Gellir cyflwyno’r gwersi fel bo’n gyfleus i chi yn ein swyddfeydd  neu fel cwrs dysgu o bell dros Zoom..

Rydym yn cynnig gwersi iaith ar gyfer myfyrwyr/staff a’r cyhoedd sydd eisiau dysgu Mandarin fel hobi, sy’n gweithio tuag at arholiad, sydd angen yr iaith ar gyfer gwaith, neu sy’n meddwl am deithio i Tsieina. Mae eich sesiwn ymgynghori gyntaf yn rhad ac am ddim, ac ar ôl hynny mae’r Sefydliad yn codi £ 25 yr awr ar y cyhoedd, £ 20 yr awr ar gyfer staff Prifysgol Bangor a £ 15 yr awr ar gyfer myfyrwyr Prifysgol Bangor.

Os oes gennych ddiddordeb mewn cymryd gwersi un i un, llenwch y ffurflen ymholi a bydd un o’n staff yn cysylltu â chi’n fuan.

Telerau ac amodau

• Mae Sefydliad Confucius (CI) yn codi sesiwn £ 25 yr awr ar y cyhoedd, sesiwn £ 20 yr awr i staff Prifysgol Bangor a sesiwn £ 15 yr awr i fyfyrwyr Prifysgol Bangor (gyda’r awr gyntaf yn rhad ac am ddim).
• Gellir talu yma
• Cytunir ar dyddiadau’r gwersi rhwng yr athro/athrawes yn Sefydliad Confucius a’r cleient.
• Darperir y deunyddiau dysgu gan Sefydliad Confucius (ac eithrio’r gwerslyfrau a argymhellir).
• Sylwer fod angen o leiaf 24 awr o rybudd ar gyfer canslo neu ail-drefnu gwers.

Mae’n bleser gennym gyhoeddi ein bod yn rhedeg Arholiadau HSK papur eto!

Does angen prawf COVID ar Brifysgol Bangor bellach, ond rydym yn annog pawb i gymryd hunan-brawf i sicrhau bod popeth yn ddiogel, yn enwedig os byddwch yn teimlo’n sâl ar y diwrnod.

Manylion yr arholiad

Bydd angen i chi ddod â'ch tocyn mynediad prawf HSK ac ID ffotograffig (pasbort, trwydded gyrrwr car ac yn y blaen) gyda chi pan fyddwch yn dod i sefyll y prawf HSK. Bydd angen pensiliau a rhwbiwr arnoch hefyd ar gyfer y prawf. Ni chaniateir defnyddio geiriaduron na deunyddiau ysgrifenedig eraill yn yr ystafell arholi.

Cofiwch fod y Ganolfan Brawf yn cynnal gwahanol fathau o arholiadau ar rai dyddiadau. Ar rai o ddyddiadau'r arholiadau, byddech yn gallu archebu profion ysgrifenedig a/neu lafar, ac ar ddyddiadau eraill, dim ond prawf ysgrifenedig y cewch chi ei archebu. Gweler y tabl isod am ragor o wybodaeth am y math o arholiad sydd ar gyfer pob dyddiad.

Cofiwch, i sefyll rhifyn papur o arholiadau HSK 3-6, y gall yr ymgeiswyr archebu a sefyll arholiadau HSK a HSKK ar wahân, ac nid yr un pryd fel sydd raid ar gyfer fersiwn Cartref y prawf.

Dyddiadau ac amseroedd

Dyddiadau arholiadau HSK a HSKK

Hyfedredd Tsieinëeg - Prawf Ysgrifenedig a Phrawf Llafar

Ffioedd yr arholiadau papur

Gwybodaeth am gofrestru at yr arholiadau

Llanwch y ffurflen gofrestru yn y fan yma. Cofiwch e-bostio copïau o'r dogfennau canlynol i’r: confucinsitute@bangor.ac.uk

1. Eich llun yn unol â gofynion llun pasbort y Deyrnas Unedig

2. Copi o'ch ID (e.e., pasbort, trwydded yrru)

3. ID Myfyriwr (os yw'n berthnasol)

Gwybodaeth am dalu

Ar ôl gorffen cofrestru, dilynwch ycyswllt hwn i dalu'r ffi gywir am yr arholiad.

Mi gysylltwn i gadarnhau eich cofrestriad a byddwn yn rhoi cyfarwyddiadau i chi at y ganolfan brawf ddeng niwrnod cyn dyddiad yr arholiad.

Pob lwc yn yr arholiad!

Agorodd yr Ystafell Ddosbarth Confucius yn Friars yn 2017. Fodd bynnag, mae Sefydliad Confucius ym Mhrifysgol Bangor wedi bod yn cynnig dosbarthiadau a gweithgareddau Mandarin yn yr ysgol ers  2013. Mae'r ysgol yn gweithredu fel canolbwynt rhanbarthol i ddysgu iaith a diwylliant Tsieineaidd ac ar hyn o bryd rydym yn gweithio gyda'r ysgol ar ehangu nifer y gwersi Mandarin a datblygu gweithgareddau diwylliannol newydd a chyffrous i bawb.

Am fwy o wybodaeth am bob ystafell ddosbarth, ewch i wefan yr ysgol.

Ysgol Uwchradd Friars

Lôn Y Bryn, Bangor LL57 2LN

E-bost :pennaeth@friars.gwynedd.sch.uk

Ffôn: 01248 364905

Cyswllt Ystafell Ddosbarth Confucius: Mr David Healey

Gwefan yr ysgol: http://moodletest.friars.gwynedd.sch.uk

Agorwyd Ystafell Ddosbarth Confucius Ysgol Uwchradd Caergybi yn 2017. Fodd bynnag, mae Sefydliad Confucius ym Mhrifysgol Bangor wedi bod yn cynnig dosbarthiadau a gweithgareddau Mandarin yn yr ysgol ers 2014. Yr ysgol yw canolbwynt rhanbarthol Ynys Môn ac ar hyn o bryd rydym yn darparu dau ddiwrnod o ddosbarthiadau Mandarin bob wythnos. Mae'r ysgol hefyd yn derbyn disgyblion o ysgolion cynradd lleol sy'n dod i wersi Mandarin a gweithgareddau diwylliannol yn yr ystafell ddosbarth Confucius. Ar hyn o bryd rydym yn gweithio ar ddatblygu gweithgareddau diwylliannol ychwanegol gyda'r ysgol ac yn edrych ymlaen at weld myfyrwyr yn sefyll arholiad HSK yn y dyfodol agos.

Am fwy o wybodaeth am bob ystafell ddosbarth, ewch i wefan yr ysgol.

Ysgol Uwchradd Caergybi

Teras Alderley, Caergybi Ynys Môn, LL65 1NP

E-bost: yucoffice@ynysmon.gov.uk

Ffôn: 01407 762219

Cyswllt Ystafell Ddosbarth Confucius: Ms. Gill Mortlock

Gwefan yr ysgol:  http://www.ysgoluwchraddcaergybi.cymru/

Agorodd yr Ystafell Ddosbarth Confucius yn Ysgol Ein Harglwyddes yn 2017. Dechreuodd y Sefydliad Confucius ym Mhrifysgol Bangor gynnig dosbarthiadau Mandarin a gwahanol weithgareddau fel Tai qi yn yr ysgol yn 2015.  Ar hyn o bryd mae gennym ddosbarthiadau Mandarin ar ddydd Mawrth a dydd Iau yn ogystal â chlwb ar ôl ysgol a dosbarthiadau Tai qi. Mae'r ysgol yn gefnogol iawn ac yn annog y disgyblion i ddysgu bod yn Ddinasyddion Byd-eang - bod yn ymwybodol o'r byd, eu swyddogaeth ynddo a chymryd rhan mewn cymunedau ar lefel leol a byd-eang.

Am fwy o wybodaeth am bob ystafell ddosbarth, ewch i wefan yr ysgol.

Ysgol Ein Harglwyddes

Ffordd Caernarfon, Bangor, LL57 2UT

E-bost: pennaeth@ourladys.gwynedd.sch.uk

Ffôn: 01248 352463

Cyswllt Ystafell Ddosbarth Confucius: Ms. Kay O'Hanlon

Gwefan yr ysgol: http://www.ourladys.gwynedd.sch.uk/