Deall Diwylliant: Sut mae’i ddathlu, nid ei ddilorni - Mynediad yn

Mewn byd sy’n fwyfwy rhyng-gysylltiedig, nid yw deall y llinell denau rhwng meddiant diwylliannol a gwerthfawrogiad diwylliannol yn rheidrwydd moesegol yn unig, mae’n sgíl hanfodol ar gyfer llywio tirweddau proffesiynol, academaidd a chymdeithasol amrywiol. Mae’r cwrs pedair wythnos deinamig hwn a fydd yn procio’r meddwl yn cynnig archwiliad manwl o gyfnewid diwylliannol, deinameg pŵer, ac ymgysylltiad parchus â thraddodiadau byd-eang. P'un a ydych chi'n addysgwr, artist, arweinydd busnes, actifydd, neu'n syml yn rhywun sy'n angerddol am gydraddoldeb ac amrywiaeth, mae'r cwrs hwn yn rhoi'r gallu hanfodol i chi feithrin parch diwylliannol gwirioneddol mewn cyd-destunau personol a phroffesiynol.

Perthnasedd y cwrs

Mae meddiant diwylliannol yn fwy nag ymadrodd dyrys; mae'n fater cymhleth sy'n croestorri hanes, hunaniaeth, economeg, a strwythurau pŵer systemig. Gall camsyniadau arwain at niwed, camddealltwriaeth, ac anghydraddoldeb barhaus. Mewn cyferbyniad, gall gwerthfawrogiad diwylliannol dilys gyfoethogi perthnasoedd, ysbrydoli creadigrwydd, a chodi pontydd ar draws cymunedau. Nid yw'r cwrs hwn yn ymwneud â gosod rheolau anhyblyg; mae'n ymwneud â meithrin ymwybyddiaeth, empathi, a gwneud penderfyniadau gwybodus sy'n parchu cyfoeth diwylliannau byd-eang tra'n cydnabod y cyd-destunau hanesyddol sy'n eu siapio.

Ar gyfer pwy?

• Addysgwyr ac academyddion sy'n ceisio arferion pedagogaidd cynhwysol.
• Artistiaid, ysgrifenwyr a phobl greadigol.
• Gweithwyr proffesiynol corfforaethol a marchnatwyr sy'n anelu at gynrychiolaeth foesegol.
• Gweithredwyr ac arweinwyr cymunedol sy’n eiriol dros gyfiawnder cymdeithasol.
• Unrhyw un sydd wedi ymrwymo i dwf personol mewn amrywiaeth a chynhwysiant.

Dyddiadau ac amseroedd y cwrs

Mae’r amser yr un peth ar gyfer pob un o’r dyddiadau, 6.00YP – 8.00YP

• Dydd Iau 16/10/2025
• Dydd Iau 23/10/2025
• Dydd Iau 30/10/2025
• Dydd Iau 06/11/2025

Lleoliad

The R.T.Jenkins (Ystafell Darlithfa 3),

Prifysgol Bangor,
Ffordd y Coleg,
Bangor
LL57 2DG

Nodweddion Cwrs

• Darlithoedd difyr wedi'u cyfuno â thrafodaethau rhyngweithiol.
• Gweithgareddau ymarferol wedi'u teilwra i gyd-destunau proffesiynol a phersonol amrywiol.
• Astudiaethau achos yn rhychwantu celf, addysg, busnes, y cyfryngau a gweithredu.
• Dysgu cyfoedion a chan gyfoedion mewn amgylchedd cefnogol, adfyfyriol.

Arwyddocâd ar gyfer amryw ddisgyblaethau

Mae'r cwrs hwn yn berthnasol i unrhyw un sy'n llywio amgylcheddau amlddiwylliannol –  boed yn dylunio ymgyrchoedd marchnata, yn curadu arddangosfeydd celf, yn arwain ystafelloedd dosbarth, yn datblygu polisi, neu’n cymryd rhan mewn actifiaeth fyd-eang. Mae deall deinameg diwylliannol yn fwy nag osgoi camgymeriadau yn unig; mae'n ymwneud â meithrin cysylltiadau dyfnach, meithrin mannau cynhwysol, a chyfrannu at fyd tecach.

Beth fyddwch chi’n ei astudio ar y cwrs yma?

Wythnos 1: Deall Meddiant Diwylliannol – Gwreiddiau, Gwirionedd a Goblygiadau

• Diffinio meddiant diwylliannol mewn cyferbyniad â gwerthfawrogiad.
• Cyd-destun hanesyddol: coloneiddio, deinameg pŵer, ac ecsbloetio diwylliannol.
• Astudiaethau achos o’r byd ffasiwn, cerddoriaeth, y cyfryngau a bywyd bob dydd.
• Trafodaeth grŵp: Myfyrio ar brofiadau personol gyda diwylliant.

Wythnos 2: Moeseg Cyfnewid Diwylliannol – Grym, Braint a Lleoliad

• Pwy sydd â'r hawl i gynrychioli pwy? Archwilio materion llais ac asiantaeth.
• Rôl braint mewn treuliant a chynrychiolaeth diwylliannol.
• Pryd mae cyfnewid diwylliannol yn dod yn manteisio niweidiol?
• Gweithgaredd ryngweithiol: Dadansoddi sefyllfaoedd o’r byd go iawn o wahanol ddiwydiannau.

Wythnos 3: Hyrwyddo Gwerthfawrogiad Diwylliannol Gwirioneddol – Ymwneud yn Ymarferol â Pharch

• Egwyddorion gostyngeiddrwydd diwylliannol a gwrando gweithredol.
• Cydweithio â chymunedau diwylliannol: Caniatâd, credyd, a chyd-destun.
• Llywio sefyllfaoedd cymhleth: Meysydd llwyd dylanwad ac addasu.
• Gweithdy: Datblygu canllawiau ar gyfer ymgysylltu diwylliannol moesegol yn eich maes.

Wythnos 4: O Ymwybyddiaeth i Weithredu – Sefydlu Mannau Cynhwysol a Pharchus

• Creu fframweithiau cymhwysedd diwylliannol mewn gweithleoedd, ystafelloedd dosbarth, a phrosiectau creadigol.
• Strategaethau ar gyfer cymdeithion (allies): Herio meddiant diwylliannol pan fyddwch chi'n ei weld.
• Ymarfer myfyriol: Cynlluniau gweithredu personol ar gyfer dysgu parhaus ac eiriolaeth.
• Tasg olaf: Cyflwyno astudiaeth achos neu fenter gan ddefnyddio egwyddorion y cwrs.

Canlyniadau Dysgu

Erbyn diwedd y cwrs, bydd cyfranogwyr wedi:

• Cydnabod y cymhlethdodau sy'n ymwneud â meddiannu a gwerthfawrogi diwylliannol.
• Datblygu sgiliau meddwl beirniadol i ddadansoddi deinameg diwylliannol mewn cyd-destunau amrywiol.
• Meddu ar y sgiliau i wneud penderfyniadau moesegol mewn cyd-destunau creadigol, proffesiynol a chymdeithasol.
• Meithrin meddylfryd o ostyngeiddrwydd diwylliannol, dysgu parhaus, a deialog barchus.

Does dim cost i'r cwrs.

I gofrestru ar gyfer y cwrs hwn, cliciwch ar y ddolen:

Cofrestrwch eich diddordeb ar gyfer Deall Diwylliant: Sut mae’i ddathlu, nid ei ddilorni: