Ynglŷn â’r Cwrs Yma
Mae'r rhaglen hon wedi'i hachredu gan y Sefydliad Rheolaeth Siartredig (CMI). Bydd myfyrwyr yn graddio gyda chymhwyster deuol sef gradd Meistr Prifysgol Bangor a chymhwyster Lefel 7 CMI mewn Rheolaeth Strategol ac Arweinyddiaeth.
ddeall gofynion a chyfyngiadau penodol cynnal a rheoli busnesau'n fyd-eang. Bydd myfyrwyr yn datblygu gwybodaeth arbenigol a sgiliau uwch mewn ystod eang o bynciau busnes a rheolaeth, gan ddatblygu gwybodaeth a dealltwriaeth am sefydliadau rhyngwladol, sut y cânt eu rheoli a'r amgylchedd allanol byd-eang cyfnewidiol y maent yn gweithredu o'i fewn; a datblygu trosolwg strategol o faterion busnes a materion sefydliadol.
Bydd myfyrwyr hefyd yn datblygu gwybodaeth ddamcaniaethol uwch o bynciau busnes a rheolaeth rhyngwladol gan gynnwys cyllid, marchnata ac entrepreneuriaeth, a sut mae diwylliant yn effeithio ar y rhain.
Hyd y Cwrs
MBA: blwyddyn yn llawn amser; (2 flynedd rhan-amser. Derbynnir myfyrwyr i'r cwrs hwn ym mis Ionawr a mis Medi.
Cynnwys y Cwrs
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modwilau Busnes Rhyngwladol .
Mae cynnwys y cwrs wedi'i nodi i’ch arwain yn unig ac fe all newid.
Gofynion Mynediad
Dylai fod gan ymgeiswyr radd gyntaf dda (2:ii neu uwch) neu gymhwyster cyfatebol gan brifysgol neu gorff cymeradwy arall sy'n dyfarnu graddau. Gellir ystyried hefyd gymhwyster ac eithrio gradd y bernir ei fod o safon foddhaol at ddiben derbyn i gwrs ôl-radd.
Gyrfaoedd
Mae rhagolygon ein graddedigion yn rhagorol os ydynt am ddilyn gyrfa mewn ystod eang o swyddogaethau yn sectorau'r economi fyd-eang gan gynnwys cyfrifeg, busnes, bancio a chyllid. Mae pwyslais y rhaglenni ar sicrhau dealltwriaeth ymarferol yn gwella cyflogadwyedd myfyrwyr ac yn eu galluogi i ddatblygu ystod o sgiliau trosglwyddadwy y mae galw mawr amdanynt yn y sectorau uchod. Er enghraifft, mae myfyrwyr yn datblygu sgiliau technegol wrth gynnal ymchwil annibynnol ac wrth weithio mewn tîm.
Mae gan raddedigion Ysgol Busnes Bangor record lwyddiannus o ran cyflogadwyedd ac mae rhai o'n cyn-fyfyrwyr bellach yn cael eu cyflogi mewn swyddi uwch ledled y byd, o Stryd Downing a'r Deutsche Bank i Accenture Luxembourg ac Awdurdod Ariannol Ynysoedd y Caiman.
