Ymgysylltu — darlithoedd ym meysydd peirianneg, cyfrifiadura a dylunio
Croeso i bawb.
Ymunwch â ni ddydd Dydd Gwener 3 Mai am 2pm yn MLT, Stryd y Deon. Bydd gennym ddarlith arbennig gan yr Athro Osvaldo Novais de Oliveira Junior (Prifysgol Sao Paulo, Brasil).
Ymgysylltu – cyfres o ddarlithoedd am amrywiol bynciau sy’n ymwneud â Pheirianneg, Cyfrifiadura a Dylunio, a drefnir gan Gangen Myfyrwyr Sefydliad y Peirianwyr Trydanol ac Electronig ac Ysgol Cyfrifiadureg a Pheirianneg Prifysgol Bangor.
Deallusrwydd Artiffisial ar gyfer Dadansoddi Data a Thu Hwnt
Arweiniodd y defnydd ar ddysgu peirianyddol i brosesu data, yn enwedig tasgau dosbarthu, at ddatblygu systemau diagnosis a gwyliadwriaeth gyda chymorth cyfrifiadur. Yn y sgwrs, bydd y pwyslais ar ddiagnosis clinigol sy’n deillio o ddata synhwyro a biosynhwyro, sy’n cael eu dadansoddi gyda modelau delweddu gwybodaeth a dysgu peirianyddol. Hefyd, trafodir integreiddio dysgu peirianyddol â methodolegau deallusrwydd artiffisial (AI) eraill, yn enwedig o ran y newidiadau trawsnewidiol posibl yn y dull gwyddonol a alluogir gan offer sy'n seiliedig ar fodelau iaith mawr. Gall y datblygiadau hynny mewn deallusrwydd artiffisial esgor ar batrwm newydd lle mae peiriannau'n cynhyrchu gwybodaeth yn annibynnol, gan effeithio ar gymdeithas yn ddirfawr.
Derbyniodd yr Athro Osvaldo N. Oliveira Jr. PhD gan Brifysgol Bangor ym 1990. Fo bellach yw Cyfarwyddwr Sefydliad Ffiseg Sao Carlos ym Mhrifysgol Sao Paulo, Brasil, Llywydd yr Undeb Rhyngwladol Cymdeithas Ymchwil Deunyddiau, a Golygydd Gweithredol ACS Deunyddiau a Rhyngwynebau Cymwysedig. Ymhlith ei ddiddordebau ymchwil mae deunyddiau uwch i synwyryddion a biosynwyryddion, a'r defnydd o Ddeallusrwydd Artiffisial i ddadansoddi data a phrosesu iaith naturiol.