Elin Mai Davies Gwyddor Biofeddygol

Swydd bresennol

Rheolwr Gwasanaeth Arbenigol Imiwnoleg.

Pryd ddechreuoch chi yn y Gwasanaeth Iechyd Gwladol?

2012.

Pam ddewisoch chi weithio yn y Gwasanaeth Iechyd?

Gallu cyfrannu at ofal iechyd.

Disgrifiwch yr hyn rydych chi'n ei wneud

Rwy'n rheoli'r gwasanaeth Imiwnoleg yng Ngogledd Cymru. Rydym yn cynnig profion labordy sy'n helpu gwneud diagnosis o Glefydau Awtoimiwn, alergeddau ac anaffylacsis, anhwylderau’r celloedd plasma a diffyg imiwnedd. Rwyf hefyd yn ceisio cofrestru fel Gwyddonydd Clinigol ar hyn o bryd, gyda'r bwriad o symud ymlaen i rôl Gwyddonydd Clinigol Ymgynghorol, sy'n gweithredu fel pont rhwng gwasanaethau labordai a gwasanaethau clinigol.

Beth ydych yn ei fwynhau fwyaf am eich rôl?

Y cyflymder a'r heriau cyson sy'n ein hwynebu. Hefyd amrywiaeth y bobl rydyn ni'n gweithio gyda nhw.

Beth fyddech chi'n ei ddweud wrth rywun sy'n meddwl am yrfa yn y Gwasanaeth Iechyd?

Peidiwch â gwrando ar bopeth a welwch ac a glywch ar y newyddion. Mae gweithlu'r Gwasanaeth Iechyd Gwladol yn LLU, yn llawn pobl anhygoel sy'n mynd y tu hwnt bob dydd er mwyn iechyd a lles y cleifion. Mae rhywbeth i bawb, ac mae cyfleoedd yn codi’n aml.

Sut byddech chi’n disgrifio’r Gwasanaeth Iechyd mewn gair?

Anhepgor.