Os derbynnir eich cais i astudio, byddwn yn eich gwahodd i ddod am gyfweliad. Bydd cynnig i astudio gyda ni yn cael ei wneud i chi dim ond ar ôl cyfweliad llwyddiannus.
Rhoddir pob gwahoddiad i ddod am gyfweliad trwy UCAS. Ceir gwybodaeth bwysig am y cyfweliad isod.
Bydd y cyfweliadau ar gyfer ein rhaglen Baglor mewn Nyrsio yn cael eu cynnal bob prynhawn Mercher a bore Gwener o'r 13eg o Dachwedd 2024 hyd at fis Mai 2025. Yn ystod cyfnodau brig o geisiadau, bydd cyfweliadau'n cael eu cynnal drwy gydol yr wythnos am gyfnod byr, gan ddechrau wythnosau'r 6ed o Ionawr 2025 a'r 17eg o Chwefror 2025.
- Dyddiadau: Dydd Mercher 12:30pm a Dydd Gwener 9:00am
- Lleoliad: Ysgol Gwyddorau Iechyd, Fron Heulog, Bangor, LL57 2EF
Bydd angen i chi gyrraedd am 12:30pm yn brydlon ar gyfer y cyfweliadau prynhawn, a 9:00am ar gyfer y cyfweliadau bore. Byddwn yn anfon y wybodaeth am y dyddiad a'r amser atoch trwy UCAS.
Ymatebwch i'ch gwahoddiad am gyfweliad trwy UCAS o fewn pythefnos trwy un o'r opsiynau canlynol:
- Cofrestrwch i fynd i'r cyfweliad
- Dewiswch "Ni allaf ddod" ac aros am ddyddiadau eraill
- Cysylltwch â ni ar ceisiadau.iechyd@bangor.ac.uk i drafod opsiynau eraill.
Gall methu ag ymateb o fewn pythefnos i dderbyn y gwahoddiad am gyfweliad olygu bod eich cais yn aflwyddiannus.
Os nad yw'r un o'r dyddiadau sydd ar gael yn gweithio i chi, dewiswch "Ni allaf ddod ar y dyddiadau hyn". Byddwn yn gwneud pob ymdrech i gynnig slot arall, fodd bynnag ni ellir gwarantu y bydd un ar gael. Gall methu'r holl ddyddiadau sydd ar gael olygu na fydd eich cais yn llwyddiannus - mae dod am gyfweliad yn ofynnol ar gyfer y broses ddewis.
Beth fydd yn digwydd ar ôl y cyfweliad?
Byddwn yn cysylltu â chi drwy UCAS gyda chanlyniad eich cyfweliad. Er ein bod yn ymdrechu i gysylltu ag ymgeiswyr cyn gynted â phosibl, byddwn yn cynnal nifer fawr o gyfweliadau a gall penderfyniadau gymryd 2-3 wythnos. Os byddwch yn llwyddiannus yn y cyfweliad, mae’n bwysig eich bod yn darllen unrhyw amodau’r cynnig a chyfarwyddiadau ar beth i’w wneud nesaf yn ofalus. Mae'n bwysig eich bod yn ymateb i unrhyw geisiadau am wybodaeth o fewn terfynau amser penodedig. Bydd pob cynnig yn amodol ar wiriadau DBS ac iechyd boddhaol.
Gofynnir i ymgeiswyr sydd wedi bod yn llwyddiannus yn y cyfweliad ddarllen y wybodaeth bwysig sy'n egluro'r camau nesaf yn y broses dderbyn ar gyfer y cwrs hwn. Bydd ymgeiswyr yn cael gwybod trwy UCAS.
Cliciwch yma am ragor o wybodaeth.
Sylwer: rhoddir pob cynnig trwy UCAS.
Os yw eich cais wedi bod yn aflwyddiannus ac yr hoffech gael adborth, mae croeso i chi gysylltu â ni i wneud cais am hyn. Gallwch ofyn am adborth ar eich cais a/neu eich cyfweliad o fewn 6 wythnos i'r penderfyniad. I wneud hyn, anfonwch e-bost atom, gan sicrhau eich bod yn cynnwys y wybodaeth ganlynol:
- Enw llawn (fel y mae'n ymddangos ar eich cais)
- Rhif Adnabod Personol UCAS (os gwnaethoch gais drwy UCAS)
- Dyddiad geni
- Enw'r cwrs a wnaethoch gais amdano
- Dyddiad y cyfweliad
Anfonwch eich cais i ceisiadau.iechyd@bangor.ac.uk
Cysylltu â ni:
Os oes gennych unrhyw gwestiynau am y cyfweliad neu'ch cais, cysylltwch â'r Tîm Derbyniadau ar ceisiadau.iechyd@bangor.ac.uk