Nawr mae myfyrwyr Cyfrifeg a Chyllid Ysgol Busnes Bangor wedi eu heithrio o wyth o arholiadau proffesiynol ACCA

Mae Ysgol Busnes Bangor wedi llwyddo i ymuno â nifer fach o ysgolion busnes yn y Deyrnas Unedig sydd nawr yn cynnig i fyfyrwyr ar eu cwrs BSc Cyfrifeg a Chyllid gael eu heithrio o wyth o arholiadau proffesiynol Cymdeithas y Cyfrifwyr Ardystiedig Siartredig (ACCA). 

Cymdeithas y Cyfrifwyr Ardystiedig Siartredig (ACCA) yw'r corff byd-eang ar gyfer cyfrifwyr proffesiynol, gyda dros 219,000 o aelodau mewn 179 o wledydd. Mae cymhwyster ACCA, a gydnabyddir yn rhyngwladol, yn un uchel ei barch ac mae galw mawr amdano gan gyflogwyr ledled y byd.

Mae ein cyrsiau sydd wedi'u hachredu gan yr ACCA (a restrir isod) wedi cael eu hasesu ac, oherwydd bod rhannau o'u maes llafur yn cyfateb i gymhwyster yr ACCA, mae ein myfyrwyr yn cael ei heithrio rhag sefyll rhai o arholiadau'r ACCA.  Oherwydd hynny mae myfyrwyr sy'n gwneud y cyrsiau hyn yn cael sefyll llai o arholiadau'r ACCA i gydnabod yr hyn maent wedi'i gyflawni eisoes yn eu gradd Ysgol Busnes Bangor.  Gall hyn gwtogi'n sylweddol yr amser y mae'n ei gymryd i ennill y cymhwyster proffesiynol ar ôl graddio.

Ein cyrsiau a achredwyd gan yr ACCA: 

  • BSc Cyfrifeg a Chyllid (hyd at 8 eithriad)
  • BSc Cyfrifeg a Bancio (hyd at 6 eithriad)
  • BSc Cyfrifeg ac Economeg (hyd at 7 eithriad)
  • BSc Rheolaeth gyda Chyfrifeg (hyd at 6 eithriad)
  • BSc Bancio a Chyllid  (hyd at 4 eithriad)

Yn ogystal ag eithriadau sydd eisoes wedi'u hachredu, mae myfyrwyr ar bob un o'n cyrsiau a achredwyd gan yr ACCA bellach yn gymwys i gael eu heithrio o bapur Rheolaeth Ariannol yr ACCA, yn amodol ar basio modiwlau gofynnol.

Cliciwch yma am fanylion pellach ar sut y gall myfyrwyr Ysgol Busnes Bangor hawlio eu heithriadau o sefyll arholiadau'r ACCA.

Yn ogystal â chydnabyddiaeth gan yr ACCA, mae ein cyrsiau israddedig ac ôl-raddedig wedi'u hachredu gan lu o gyrff proffesiynol eraill.

 

 

 

 

 

Cymdeithas y Cyfrifwyr Ardystiedig Siartredig Y  corff byd-eang ar gyfer cyfrifwyr proffesiynol.

Dyddiad cyhoeddi: 19 Rhagfyr 2019