Mae fy ymchwil yn canolbwyntio ar sut mae iaith, llais a thechnoleg yn siapio profiadau pobl o berthyn mewn cymunedau ieithyddol dwyieithog a lleiafrifol.

Rwy’n arbenigo mewn seineg y Gymraeg, dwyieithrwydd a thechnolegau iaith ar gyfer ieithoedd llai eu hadnoddau. Mae fy ngwaith yn ymchwilio i sut mae pobl yn dysgu a defnyddio’r Gymraeg, gan ganolbwyntio’n benodol ar siaradwyr newydd y Gymraeg a dysgu iaith yn ail yn oedolion.

Mae gen i ddiddordeb mewn sut mae amrywio ieithyddol yn dylanwadu ar hyder pobl, eu hunaniaeth a’u teimlad o gael eu cynnwys o fewn cymunedau iaith, a sut y gall ymchwil gyfrannu at ddatblygu dulliau cynhwysol o (a)ddysgu iaith, polisi a thechnoleg.

Rwy’n Gydlynydd Cwrs ar gyfer yr MSc Technolegau Iaith ac rwy’n cyfrannu at addysgu mewn Ieithyddiaeth, Iaith Saesneg a Dwyieithrwydd. Mae fy dysgu yn cynnwys seineg a ffonoleg, dwyieithrwydd, dysgu lleferydd mewn ail iaith, a chyfathrebu a thechnoleg.

Rwy’n angerddol am (a)ddysgu yn seiliedig ar ymchwil ac addysg  gynhwysol, gan gefnogi myfyrwyr i ddatblygu sgiliau dadansoddol, hyder a’r gallu i ddefnyddio gwybodaeth ieithyddol tu allan i’r ystafell ddosbarth.

Rwy’n goruchwylio prosiectau ymchwil israddedig, ôl-raddedig a doethurol mewn seineg y Gymraeg, dwyieithrwydd, dysgu ynganu, agweddau tuag at iaith a thechnolegau iaith. Rwy hefyd yn cyfrannu at ddysgu a goruchwylio drwy gyfrwng y Gymraeg ac yn ddwyieithog o fewn yr Adran. 

Mae fy mhrif ddiddordebau ymchwil yn ymwneud â seineg y Gymraeg, dwyieithrwydd, agweddau iaith a thechnolegau iaith ar gyfer ieithoedd llai eu hadnoddau. Mae fy ymchwil yn archwilio sut mae pobl yn dysgu, cynhyrchu a chanfod lleferydd, a sut mae amrywio ieithyddol yn dylanwadu ar brofiadau pobl o hunaniaeth, cynhwysiant a pherthyn o fewn cymunedau iaith.

Mae un o brif feysydd fy ngwaith yn canolbwyntio ar sut mae oedolion yn caffael seiniau’r Gymraeg wrth ddysgu’r Gymraeg fel ail iaith. Mae gen i ddiddordeb mewn sut mae ffactorau fel profiad ieithyddol, amlygiad i’r iaith a chymhelliant yn dylanwadu ar ddatblygu ynganu, a sut mae gwrandawyr yn canfod ac yn gwerthuso gwahanol fathau o leferydd Cymraeg.

Rwy’n gweithio’n agos gyda’r Uned Technolegau Iaith yng Nghanolfan Bedwyr, Prifysgol Bangor, gan gyfrannu at ymchwil ac adnoddau ym maes technoleg iaith Gymraeg. Mae hyn yn cynnwys gwaith gyda Corpws Lleferydd Paldaruo, adnodd sy’n cefnogi ymchwil a datblygiad technolegau lleferydd Cymraeg.

’Rydwyf yn fodlon goruchwylio cwrs PhD

2026

2025

2024

  • CyhoeddwydIaith a Thechnoleg yng Nghymru: Cyfrol II
    Watkins, G. (Golygydd), Prys, D. (Cyfrannwr), Prys, G. (Cyfrannwr), Jones, D. (Cyfrannwr), Ghazzali, S. (Cyfrannwr), Vangberg, P. (Cyfrannwr), Farhat, L. (Cyfrannwr), Cooper, S. (Cyfrannwr), Williams, M. (Cyfrannwr), Gruffydd, I. (Cyfrannwr), Jouitteau , M. (Cyfrannwr), Grobol, L. (Cyfrannwr), Morris , J. (Cyfrannwr), Ezeani , I. (Cyfrannwr), Young , K. (Cyfrannwr), Davies, L. (Cyfrannwr), El-Haj , M. (Cyfrannwr), Knight , D. (Cyfrannwr), Jarvis , C. (Cyfrannwr) & Barnes, E. (Cyfrannwr), 1 Tach 2024, Bangor: Prifysgol Cymru Bangor. 74 t.
    Allbwn ymchwil: Llyfr/Adroddiad › Llyfr
  • CyhoeddwydLanguage and Technology in Wales: Volume II
    Watkins, G. (Golygydd), Prys, D. (Cyfrannwr), Prys, G. (Cyfrannwr), Jones, D. (Cyfrannwr), Cooper, S. (Cyfrannwr), Williams, M. (Cyfrannwr), Vangberg, P. (Cyfrannwr), Ghazzali, S. (Cyfrannwr), Gruffydd, I. (Cyfrannwr), Farhat, L. (Cyfrannwr), Grobol, L. (Cyfrannwr), Jouitteau , M. (Cyfrannwr), Morris, J. (Cyfrannwr), Ezeani , I. (Cyfrannwr), Young , K. (Cyfrannwr), Davies, L. (Cyfrannwr), El-Haj , M. (Cyfrannwr), Knight , D. (Cyfrannwr), Jarvis , C. (Cyfrannwr) & Barnes, E. (Cyfrannwr), 1 Tach 2024, 1 gol. Prifysgol Cymru Bangor. 72 t.
    Allbwn ymchwil: Llyfr/Adroddiad › Llyfr
  • Wedi ei Dderbyn / Yn y wasgNiwroamrywiaeth a dwyieithrwydd
    Sanoudaki, E., Awawdeh, M., Beauchamp, J., Caulfield, G., Collins, B., Cooper, S., Day, R., Maguire, L., Papastergiou, A., Parry, F., Ward, B., Williams, J. & Williams, M., 22 Gorff 2024, (Wedi ei Dderbyn / Yn y wasg) Yn: Gwerddon Fach.
    Allbwn ymchwil: Cyfraniad at gyfnodolyn › Erthygl › adolygiad gan gymheiriaid

2023

2021

  • CyhoeddwydAdult New Speakers of Welsh: Accent, Pronunciation and Language Experience in South Wales
    Williams, M. & Cooper, S., 13 Mai 2021, Yn: Languages. 6, 2, 86.
    Allbwn ymchwil: Cyfraniad at gyfnodolyn › Erthygl › adolygiad gan gymheiriaid
  • CyhoeddwydIaith a Thechnoleg yng Nghymru: Cyfrol I
    Prys, D. (Golygydd), Jones, D. (Cyfrannwr), Prys, G. (Cyfrannwr), Watkins, G. (Cyfrannwr), Cooper, S., Roberts, J. C. (Cyfrannwr), Butcher, P. (Cyfrannwr), Farhat, L. (Cyfrannwr), Teahan, W. & Prys, M. (Cyfrannwr), 5 Hyd 2021, Bangor: Prifysgol Bangor University. 120 t.
    Allbwn ymchwil: Llyfr/Adroddiad › Llyfr
  • CyhoeddwydLanguage and Technology in Wales: Volume I
    Prys, D. (Golygydd), Jones, D. (Cyfrannwr), Prys, G. (Cyfrannwr), Watkins, G. (Cyfrannwr), Cooper, S. (Cyfrannwr), Roberts, J. C. (Cyfrannwr), Butcher, P. (Cyfrannwr), Farhat, L. (Cyfrannwr), Teahan, W. (Cyfrannwr) & Prys, M. (Cyfrannwr), 5 Hyd 2021, Bangor: Prifysgol Bangor University. 120 t.
    Allbwn ymchwil: Llyfr/Adroddiad › Llyfr

2020

  • CyhoeddwydAmlieithrwydd
    Webb-Davies, P., Cooper, S. & Arman, L., Tach 2020, Cyflwyniad i Ieithyddiaeth. Cooper, S. & Arman, L. (gol.). Caerfyrddin: Coleg Cymraeg Cenedlaethol, t. 181-214
    Allbwn ymchwil: Pennod mewn Llyfr/Adroddiad/Trafodion Cynhadledd › Pennod › adolygiad gan gymheiriaid
  • CyhoeddwydCyflwyniad i Ieithyddiaeth
    Cooper, S. (Golygydd) & Arman, L. (Golygydd), Tach 2020, Caerfyrddin: Coleg Cymraeg Cenedlaethol. 273 t.
    Allbwn ymchwil: Llyfr/Adroddiad › Llyfr
  • CyhoeddwydSeiniau iaith: seineg a ffonoleg
    Cooper, S., Tach 2020, Cyflwyniad i Ieithyddiaeth. Cooper, S. & Arman, L. (gol.). Caerfyrddin: Coleg Cymraeg Cenedlaethol, t. 34-65
    Allbwn ymchwil: Pennod mewn Llyfr/Adroddiad/Trafodion Cynhadledd › Pennod › adolygiad gan gymheiriaid

2019

  • CyhoeddwydCrowdsourcing the Paldaruo Speech Corpus of Welsh for Speech Technology
    Cooper, S., Jones, D. B. & Prys, D., 25 Gorff 2019, Yn: Information. 10, 8, t. 247 12 t.
    Allbwn ymchwil: Cyfraniad at gyfnodolyn › Erthygl › adolygiad gan gymheiriaid
  • CyhoeddwydSpeech Recognition
    Cooper, S., Ebr 2019, The SAGE Encyclopedia of Human Communication Sciences and Disorders. Ball, M. J. & Damico, J. S. (gol.). Sage, Cyfrol 4.
    Allbwn ymchwil: Pennod mewn Llyfr/Adroddiad/Trafodion Cynhadledd › Cofnod mewn Gwyddoniadur/Geiriadur › adolygiad gan gymheiriaid

2018

2017

2016

2015

2014

2012

2011

2026

2025

2024

2023

2018

2017

2014

  • Paldaruo App Launch

    Launching the Paldaruo App for collecting data to develop Welsh language Speech Recognition

    7 Gorff 2014

    Gweithgaredd: Mathau o waith ymgysylltu â'r cyhoedd a gwaith maes - Erthygl neu gyfranogiad yn y cyfryngau (Cyfrannwr)

Rwy’n cydweithio ag ymchwilwyr a phartneriaid allanol ym meysydd addysg a thechnoleg i ddatblygu ymchwil ac adnoddau sy’n cefnogi dysgu’r Gymraeg, dwyieithrwydd a thechnolegau iaith.

Wnes i arwain ar brosiect Cyflwyniad i Ieithyddiaeth (Coleg Cymraeg Cenedlaethol), gan gyd-olygu gwerslyfr ieithyddiaeth modern drwy gyfrwng y Gymraeg. Daeth y prosiect ag ymchwilwyr o bob rhan o Gymru ynghyd a chefnogodd ddatblygiad terminoleg ac adnoddau ieithyddiaeth Gymraeg, gan gynnwys cyfieithu’r Wyddor Seinegol Ryngwladol i’r Gymraeg. Mae Cyflwyniad i Ieithyddiaeth bellach yn cael ei ddefnyddio mewn prifysgolion ledled Cymru i gefnogi addysg ieithyddiaeth ac iaith drwy gyfrwng y Gymraeg.

Rwyf hefyd wedi sicrhau a chefnogi ymchwil doethurol wedi’i hariannu gyda sefydliadau gan gynnwys y Coleg Cymraeg Cenedlaethol, y Ganolfan Dysgu Cymraeg Genedlaethol, a KESS II gyda Llywodraeth Cymru, gan ganolbwyntio ar ynganu’r Gymraeg, addysgu ynganu a thechnoleg adnabod lleferydd. Rwyf hefyd yn goruchwylio ymchwilwyr doethurol a ariennir drwy Phartneriaeth Hyfforddiant Doethurol DTP ESRC Cymru a Ysgol Graddedigion Gwyddorau Cymdeithasol Cymru.