Cryfhau Eich Gwreiddiau (Neu Ddarganfod Rhai Newydd)
Os ydych chi'n dod o Ogledd Cymru, mae astudio ym Mangor yn rhoi'r cyfle i chi adeiladu ar eich cysylltiadau presennol a chyfrannu at eich ardal leol.
Y Gorau O Ddau Fyd - Annibyniaeth A’r Hyn Sydd Yn Gyfarwydd i Chi (os ydych chi eu heisiau)
Gallwch fyw bywyd annibynol yn y brifysgol a dysgu byw oddi cartref (hyd yn oed os mai dim ond taith fer mewn car ydyw). Ond os ydych chi’n teimlo'n hiraethus am adref neu angen cinio dydd Sul go iawn, tydi adref ddim yn rhy bell chwaith. Mae'n gam tuag at annibyniaeth ond gyda rhwyd ddiogelwch os oes ei hangen arnoch.
Arbed Arian, Byw i’r Eithaf
Rydym yn deall bod cyllidebau myfyrwyr yn dynn. Mae byw yng Ngogledd Cymru yn rhatach na'r rhan fwyaf o ddinasoedd mawr, sy’n golgygu mwy o arian ar gyfer profiadau, llai ar gyfer rhent. Felly, mwy o gigs, mwy o deithiau, a mwy o hwyl heb orfod poeni yn ormodol am eich balans banc.
Dianc rhag y Ras
Ym Mangor, gallwch fwynhau thawelwch ardal hardd, tra hefyd yn cymyd mantais o’r dinasoedd mawr sydd o fewn ychydig oriau. Mae dinasoedd fel Manceinion, Lerpwl, a Chaer yn hawdd eu cyrraedd ar gyfer trip undydd neu noson allan os ydych chi eisiau newid cyflymder. Dyma'r gorau o'r ddau fyd.
Antur Ar Eich Stepan Drws
Ym Mangor, rydych chi funudau i ffwrdd o fynyddoedd epig, arfordiroedd godidog, a gweithgareddau awyr agored anhygoel. Mae Parc Cenedlaethol Eryri yn ddelfrydol ar gyfer cerdded, beicio mynydd, caiacio, syrffio... a llawer mwy.
Rhagolygon Swyddi
Yn aml mae cyfleoedd a chysylltiadau lleol trwy Brifysgol Bangor a all arwain at swyddi rhan-amser yn ystod eich astudiaethau neu hyd yn oed swyddi graddedig. Mae busnesau yng Ngogledd Cymru yn gwerthfawrogi talent lleol, a gall astudio yma roi mantais i chi.
Cyrsiau Unigryw, Profiad yn y Byd Go Iawn
Rydym yn cynnig cyrsiau arbenigol sy'n manteisio ar yr amgylchedd lleol - meddyliwch am fioleg forol, gwyddor amgylcheddol neu addysg awyr agored. Mae hyn yn golygu profiad ymarferol sy'n wirioneddol berthnasol i'r ardal a'i diwydiannau.
Byw Mewn Awyrgylch Dwyieithog Ac Astudio Drwy Gyfrwng Y Gymraeg
Mae Prifysgol Bangor yn cynnig mwy o fodiwlau a chyrsiau cyfrwng Cymraeg nag unrhyw brifysgol arall. Gallwch wneud eich gradd gyfan neu ran ohoni drwy gyfrwng y Gymraeg mewn sawl Ysgol academaidd. Mae galw mawr am weithwyr proffesiynol ifanc sy'n gallu gweithio'n ddwyieithog yng Nghymru felly mae hyn yn gallu gwneud gwahaniaeth mawr i'ch gyrfa.
Cyfle i Sefyll Allan
Mewn sefydliad academaidd llai, mae'n haws cymryd rhan mewn prosiectau, ymchwil, neu gymdeithasau myfyrwyr. Gall hyn roi profiad amhrisiadwy i chi a'ch helpu i adeiladu CV sy'n sefyll allan, gan eich gwneud yn fwy deniadol i gyflogwyr yn y dyfodol.
Cymorth Sy'n Eich Cefnogi Go Iawn
Mae prifysgolion llai yn aml yn golygu sylw mwy personol. Ym Mangor fe fydd y darlithwyr adnabod ac mae ffocws cryf ar les myfyrwyr. Os oes angen cymorth arnoch, fe gewch chi ef yn gyflym, a gall hyn wneud gwahaniaeth enfawr i'ch profiad.