Astudiaethau Dementia MSc Ôl-raddedig trwy Ddysgu - Mynediad: September 2025/26*

Bydd myfyrwyr ar y cwrs MSc Astudiaethau Dementia yn elwa o astudio mewn Ysgol Gwyddorau Iechyd sydd wedi'i ennill parch am ein ymchwil yn gyffredinol ac yn arbennig am ei hymchwil ar sut i gefnogi  pobl sy'n byw gyda Dementia. Mae'r ymchwil hwn wedi ei leoli yn  y Ganolfan Datblygu Gwasanaethau Dementia (CDGD) a thrwy gydol y cwrs bydd myfyrwyr yn profi datblygiadau arloesol ymarferol a damcaniaethol, gyda llawer ohonynt yn tarddu o'r CDGDym Mangor.

Mae'r rhaglen yn adeiladu ar safbwyntiau damcaniaethol a thystiolaeth ymchwil  ac yn sail i arferion iechyd a gofal cymdeithasol cymhwysol ym maes gofal dementia.

Mae'n archwilio theori, ymarfer a pholisiau cyfredol  er mwyn datblygu dulliau priodol o ymdrin â gofal dementia o ddisgyblaethau iechyd meddwl, iechyd a rheoli gofal cymdeithasol. Mae'r cwrs yn ceisio datblygu fframwaith i fyfyrwyr gynllunio a darparugofal sy'n canolbwyntio ar yr unigolyn a'r teulu sydd yn bwy efo dementia ar draws lleoliadau acíwt a chymunedol amrywiol. Mae'n ymdrin a  asesu, cynllunio gofal ac ymyriadau fel strategaethau sy'n ymateb i gymhlethdod dementia, gan gynnwys syw i bwysigrwydd cyfathrebu a diwylliant wrth ddarp[aru ymyriadau therapiwtig i sicrhau gwasanaethau rhagorol.

Gall myfyrwyr fantesio ar yr hyblygrwydd o fewn y rhaglen sy'n galluogi ir rhai sydd wedi cwrdd ar gofynion y Tystysgrif new Diploma ôl radd i adael y rhaglen  os nad ydynt yn dymuno ymgymryd â'r cwrs llawn MSc  gan roi hyblygrwydd i fyfyrwyr o ran hyd a dyfnder eu cwrs.

Beth fyddwch chi’n ei astudio ar y cwrs yma?

Modiwlau Craidd:

Lleoli Gofal Dementia: Mae'r modiwl hwn yn ceisio gwella dealltwriaeth o'r gwahanol drafodaethau ynghylch a gofal dementia ac i hyrwyddo ymwybyddiaeth o effaith trafodaethau o'r fath ar natur a fformat darparu gofal.

Rheoli Trosgwyddiadau Cymhleth: Bydd y modiwl hwn yn rhoi'r wybodaeth a'r sgiliau i fyfyrwyr weithio'n effeithiol gyda phobl â dementia a gofalwyr , yn ystod cyfnodau o argyfwng neu pan fyddant yn wynebu cymhlethdod,  newid neu bontio.

Cyfathrebu mewn Gofal Dementia: Bydd y modiwl hwn yn canolbwyntio ar ddadansoddiad beirniadol o rôl cyfathrebu mewn perthynas â deall profiad byw gyda dementia, wrth ymgysylltu â pherson sy'n byw gyda dementia ac yn yr asesiadau sy'n digwydd ym maes gofal dementia.

Gofal sy'n Sensitif i Ddiwylliant: Mae'r modiwl hwn wedi'i gynllunio i ganolbwyntio ar ddealltwriaeth o gymhlethdod cyd-destun diwylliannol unigolyn o fewn gofal dementia. Mae'n ceisio archwilio a myfyrio ar sut mae diwylliant yn effeithio ar brofiad pobl y mae dementia yn effeithio arnynt a sut mae hyn yn llywio dull sy'n canolbwyntio ar barchu yr unigolyn, gan gynnwys cysyniadau tosturi ac urddas.

Arweinyddiaeth o fewn cyd-destun: Mae'r modiwl hwn yn archwilio'r prosesau sy'n gysylltiedig ag arwain a hwyluso gweithredu newid mewn iechyd a gofal cymdeithasol. Gan ddefnyddio ystod o theori a thystiolaeth, mae'r modiwl hefyd yn archwilio rôl y sefydliad a'r cyd-destun ehangach, yn ogystal â thimau rhyng-broffesiynol wrth lunio sut mae hwyluso neu wella ac arloesi, wrth gefnogi pobl sydd yn bwy efo dementia.

Dulliau Ymchwil neu cwrs ar lein Ddulliau Ymchwil: Mae'r modiwl hwn yn gyflwyniad i ddulliau ymchwil ac mae'n darpar seilwaith ar gyfer y traethawd hir. Bydd u cwrss yn cynnwys cyflwyno dulliau ymchwil meintiol ac ansoddol a datblygu'r gallu i ddefnyddio technegau ymchwil penodol.

Traethawd Hir: Prosiect ymchwil dan oruchwyliaeth ac yn gyfle I fyfyrwyr ymestyn eu maes wrth gynnal ymchwil unigol. 

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Astudiaethau Dementia MSc.

Mae cynnwys y cwrs wedi’i nodi i’ch arwain yn unig ac fe all newid.

Gradd gyntaf dda mewn pwnc perthnasol gan sefydliad cydnabyddedig. Pynciau gradd sy'n dderbyniol ar gyfer pob rhaglen: Nyrsio, Bydwreigiaeth, Therapi Galwedigaethol/Iaith a Lleferydd, Ffisiotherapi, Meddygaeth/Deintyddiaeth, Seicoleg, Radiograffeg, Parafeddygon. Safon iaith Saesneg - gofynnwn am sgôr IELTS o 6 heb unrhyw elfen unigol yn is na 5.5 (neu gymhwyster cyfatebol). Nid yw hyn yn berthnasol i bob darpar ymgeisydd, gofynnwch am gyngor oherwydd gall eich gradd Baglor fod yn ddigonol i fodloni'r gofyniad hwn. Bydd gweithwyr proffesiynol sydd â chymwysterau ac eithrio gradd yn cael eu hystyried ar sail unigol.

Mae'r rhaglen hon yn darparu dysgu sy'n canolbwyntio ar fyfyrwyr ac yn archwilio'n feirniadol y theori a'r ymarfer sy'n fframio dulliau cyfoes o reoli iechyd a gofal cymdeithasol i bobl â dementia. Nid yw'n cynnwys unrhyw leoliadau na chymwyseddau clinigol, sy'n golygu ei fod yn addas ar gyfer ymgeiswyr lleol a rhyngwladol sydd eisiau astudio ar y lefel hon fel gofyniad gyrfa neu ar gyfer cynnydd academaidd.