Ynglŷn â Gwyddorau Iechyd
Mae Gwyddor Iechyd yn ymwneud â gwella, cynnal ac atal salwch. Mae dwy ran i wyddor iechyd: astudio, ymchwilio a gwybodaeth am iechyd a rhoi'r wybodaeth honno ar waith i wella lles a gwella gwasanaethau iechyd.
Mae gan Wyddorau Iechyd draddodiad hir o weithio mewn partneriaeth â chyflogwyr fel y Gwasanaeth Iechyd Gwladol, a chyda chynrychiolwyr cleifion a'r cyhoedd, i gynllunio cyrsiau sy'n cael effaith ar fyfyrwyr a gwasanaethau fel ei gilydd. Mae systemau gofal iechyd yn gymhleth, ac mae heriau i'w gwella fel arfer yn amlweddog. Mae adrannau academaidd gwyddor iechyd blaenllaw yn dod â phrofiad o weithio gyda gweithwyr proffesiynol a gwasanaethau iechyd, ynghyd ag ymchwil flaengar ym maes gwella gofal iechyd, i helpu rheolwyr gwasanaeth i nodi newidiadau ac atebion sy'n seiliedig ar dystiolaeth a all arwain at welliannau yn y byd go iawn wrth ddarparu gofal iechyd.
Gall pynciau gwyddor iechyd gwmpasu'r ystod gyfan o agweddau traddodiadol a modern ar ymarfer gofal iechyd ac elfennau cysylltiedig gan gynnwys meysydd fel:
- Gwella ansawdd a gweithredu
- Heneiddio a dementia
- Iechyd cyhoeddus
- Ymarfer clinigol uwch
- Gwasanaeth meddygol ar hofrenyddion
- Economeg iechyd
- Gofal cychwynnol
- Profion clinigol
- Gwerth cymdeithasol
- Iechyd gwledig
- Presgripsiynu annibynnol a presgripsiynu i fferyllwyr
- Gwaith cymdeithasol
Mae llwybrau ôl-radd yn helpu gweithwyr proffesiynol i ennill y wybodaeth a'r sgiliau sydd eu hangen ar gyfer ymarfer ar sail tystiolaeth sy'n glinigol effeithiol. Mae graddau ôl-radd hyfforddedig yn addas ar gyfer nyrsys, bydwragedd ac ymwelwyr iechyd cymwysedig, a gweithwyr iechyd proffesiynol cysylltiedig Mae llwybrau ymchwil wedi'u hanelu at y rhai sydd â diddordeb mewn ymchwil gofal iechyd. Mae yna hefyd ystod gynyddol o gyrsiau carlam ar gael i raddedigion gwyddor bywyd sydd â diddordeb mewn symud i yrfaoedd proffesiynol fel Nyrsio a Ffisiotherapi.
Pam Astudio Gwyddorau Iechyd?
Rydym yn cynnig ystod o gyrsiau meistr ôl-raddedig ar gyfer gweithwyr proffesiynol gofal iechyd, gan gynnwys nyrsys, bydwragedd, parafeddygon a'r rhai sy'n ymwneud â rheoli gwasanaethau clinigol, iechyd cyhoeddus a gwaith cymdeithasol. Mae gennym bortffolio cynyddol o fodiwlau a llwybrau dysgu o bell ar-lein sy'n galluogi i'n harbenigedd fod ar gael i rai sydd y tu allan i Ogledd Cymru.
Cyfleoedd Gyrfa mewn Gwyddorau Iechyd
Mae ein cyrsiau gwyddor iechyd ôl-raddedig ym Mangor wedi'u cynllunio i ymateb i'r newidiadau sy'n digwydd yn y gweithle a byddant yn cynyddu eich gwybodaeth ac yn gwella'ch rhagolygon gyrfa ym maes gofal iechyd yn y dyfodol, gan eich helpu i wireddu'ch potensial llawn.
Ceir cyrsiau hyfforddiant proffesiynol ôl-raddedig carlam i raddedigion gwyddor bywyd sy'n arwain at yrfaoedd mewn Nyrsio neu Ffisiotherapi.
Mae ein cyrsiau'n galluogi gweithwyr gofal iechyd proffesiynol presennol i ddatblygu eu gyrfaoedd mewn meysydd gan gynnwys Nyrsio; Bydwreigiaeth; Parafeddygaeth; Gwaith cymdeithasol; Proffesiynau perthynol i iechyd; Ymchwil i ofal iechyd; Heneiddio a dementia; Iechyd Cyhoeddus; Rheoli gwasanaethau iechyd; Iechyd a Gofal Cymdeithasol; Iechyd Galwedigaethol; Fferylliaeth; Ffisioleg Glinigol.
Ein Hymchwil o fewn Gwyddorau Iechyd
Mae ein grwpiau ymchwil i gyd yn rhan o Sefydliad Ymchwil Iechyd a Meddygol Bangor (BIHMR). Rydym yn adeiladu ar lwyddiant BIHMR yn REF 2014 i gynnal a chynyddu rhagoriaeth mewn ymchwil iechyd, meddygol a gofal cymdeithasol. Rydym yn cynnal ymchwil o'r safon uchaf sy'n cyfrannu at welliannau mewn iechyd a gofal iechyd lleol, yn ogystal â chael effaith ledled Cymru, y Deyrnas Unedig ac yn rhyngwladol.
Ein huchelgais yw gwneud cyfraniad cadarnhaol i iechyd a lles yng Nghymru, a datrys heriau'n ymwneud ag iechyd a gofal yn genedlaethol a byd-eang. Rydym yn gwneud hyn trwy:
- gyflawni ymchwil o'r ansawdd uchaf sy'n cynhyrchu atebion newydd mewn gwasanaethau iechyd a gofal
- hwyluso cynlluniau newydd i wella gwasanaethau
- ddarparu'r addysgu a'r dysgu gorau yn seiliedig ar ymchwil gyfoes er mwyn datblygu'r gweithlu iechyd a gofal ar hyn o bryd ac yn y dyfodol
- weithio mewn partneriaeth i sicrhau bod popeth a wnawn o'r safon, ansawdd a gwerth uchaf posibl i ddefnyddwyr gwasanaethau, myfyrwyr, ymarferwyr a rhanddeiliaid eraill
- gydnabod ein treftadaeth ddwyieithog yng Ngogledd Cymru
- gynnal medrusrwydd o ran iaith a diwylliant sy'n berthnasol i bartneriaid lleol, cenedlaethol a rhyngwladol.
Efallai y bydd gennych ddiddordeb yn y meysydd pwnc yma hefyd.
Efallai y bydd gennych ddiddordeb yn y meysydd pwnc yma hefyd.
