Benthyciad i Fyfyrwyr Ôl-raddedigion y DU

Os ydych yn ystyried dechrau cwrs ôl-radd, gallech fod yn gymwys i gael benthyciad cynhaliaeth, y gellir ei dalu'n uniongyrchol i chi, a byddai'r wobr y byddwch yn ei derbyn yn helpu i dalu am eich ffioedd dysgu a chostau byw. Nid yw myfyrwyr ôl-raddedig yn cael benthyciad ffioedd dysgu, a chyfrifoldeb y myfyriwr yw talu naill ai mewn un taliad neu mewn rhandaliadau, cliciwch ar y ddolen isod am ddulliau talu

https://www.bangor.ac.uk/cy/cyllidmyfyrwyr/ol-radd/talu

Darganfyddwch a ydych chi'n gymwys i gael benthyciad ôl-raddedig, a sut i wneud cais.

O 1 Awst 2023, gallai myfyrwyr sy’n preswylio fel arfer yng Nghymru (a’r rheini o’r UE sy’n astudio mewn sefydliad yng Nghymru) gael yr hawl i gyfuniad o fenthyciad a grant fel cyfraniad at gostau tra’n astudio cwrs gradd meistr ôl-radd.
Cyfanswm y cymorth sydd ar gael i fyfyriwr cymwys yw £18,770. Mae grant o hyd at £6,885 ar gael, yn dibynnu ar incwm yr cartref. Cynigir gweddill y cymorth ar ffurf benthyciad.
Cyrsiau rhan-amser – dyrennir y cymorth dros nifer y blynyddoedd y dilynir y cwrs. Caiff lefel y cymorth ei gapio ar gyfer pob blwyddyn academaidd; er enghraifft, £18,770 ar gyfer cwrs blwyddyn, £9,385 y flwyddyn ar gyfer cwrs dwy flynedd, a £4,692.50 y flwyddyn ar gyfer cwrs pedair blynedd. Mae cyrsiau amser llawn sy’n para blwyddyn a dwy flynedd yn gymwys i gael cymorth. Mae cyrsiau rhanamser sy’n para hyd at bedair blynedd yn gymwys i gael cymorth.
Dyma elfennau’r cymorth:
- Mae grant sylfaenol o £1,000 ar gael i bob myfyriwr cymwys nad yw’n seiliedig ar brawf modd i gyfrannu at eu costau.
- Mae grant ychwanegol o £6,885 ar gael i fyfyrwyr cymwys o aelwyd sydd ag incwm o hyd at £18,370 y flwyddyn, sy’n seiliedig ar brawf modd, i gyfrannu at eu costau.
- Mae grant rhannol ar gael i fyfyrwyr sydd ag incwm rhwng £18,371 a £59,200.
Mae'r porth gais ar agor: https://www.cyllidmyfyrwyrcymru.co.uk/myfyrwyr-ol-raddedig.aspx

Tabl hawl grant a benthyciad cyrsiau ôl-radd 2023/24

Incwm Trethadwy Eich Cartref	Grant	Benthyciad	Cyfanswm
£18,370 neu lai	£6,885	£11,885	£18,770
£25,000	£5,930	£12,840	£18,770
£35,000	£4,488	£14,282	£18,770
£45,000	£3,047	£15,723	£18,770
£59,200 neu fwy	£1,000	£17,770	£18,770

Manylion 2023/24 ar gael yn fuan.

Mae cynllun bwrsariaeth newydd ar gael ar gyfer blwyddyn academaidd 2022/23 i gynorthwyo myfyrwyr o Gymru i barhau â'u hastudiaethau ôl-raddedig yng Nghymru.

Bwrsari STEMM o £2,000

Nod y Cynllun Bwrsariaeth Cymhelliant Graddau Meistr Ôl-radd yw cynyddu nifer y graddedigion o Gymru sy'n aros yng Nghymru, neu'n dychwelyd i Gymru, i astudio gradd meistr ôl-raddedig yn y pynciau STEMM canlynol:

Gwyddoniaeth
Technoleg
Peirianneg
Mathemateg
Meddygaeth

Bwrsariaeth Cyfrwng Cymraeg o £1,000

Ar gael i'r rheini sydd am astudio 40 credyd neu fwy o'u gradd Meistr trwy gyfrwng Cymraeg.

Gwneud Cais

NID oes angen gwneud cais: Bydd y Brifysgol yn cysylltu'n uniongyrchol â phob myfyriwr o Gymru sy'n gymwys ar gyfer y fwrsariaeth newydd ym mis Medi, gyda'r fwrsariaeth i'w defnyddio fel hepgoriad ffioedd i leihau cost eich ffioedd dysgu yn y rhan fwyaf o achosion.

Telir dyfarniadau fel a ganlyn:

Hyd y Cwrs - Blynyddoedd	Talwyd i mewn
1	1 taliad
2	1/2 taliad bob blwyddyn academaidd
3	1/3 taliad bob blwyddyn academaidd

Bydd myfyrwyr a ddechreuodd eu hastudiaethau ym mis

Medi 2022 yn derbyn eu gwobrau o 1 Rhagfyr 2022

Ionawr 2023 yn derbyn eu gwobrau o 1 Mawrth 2023

Cymhwyster

NI fydd myfyrwyr sy'n derbyn cyllid efrydiaeth gan unrhyw un o saith Cyngor Ymchwil y DU (p'un a ydynt yn llawn neu'n ffioedd yn unig) neu'r rheini sy'n derbyn mathau uniongyrchol eraill o gefnogaeth y Llywodraeth ar gyfer costau cynnal a chadw a ffioedd, gan gynnwys unrhyw gyfraniadau cyflog neu ffioedd a ddarperir gan y GIG at ddibenion ni fydd astudiaeth ôl-raddedig, na chynllun KESS 2, yn gymwys I'r Cynllun Bwrsariaeth Cymhelliant Meistr a Addysgir Ôl-raddedig.

Am fwy o wybodaeth cysylltwch gyda’r Uned Cymorth Ariannol: cymorthariannol@bangor.ac.uk

Mae Llywodraeth Cymru yn ariannu bwrsariaeth newydd o £4,000 ar gyfer myfyrwyr ôl-raddedig 60+.

• Mae'r fwrsariaeth ar gael ar gyfer blwyddyn academaidd 2022/23 i fyfyrwyr Meistr Ôl-radd a Addysgir o Gymru a'r UE, sy'n astudio yn llawn amser.
• Bydd y Brifysgol yn cysylltu'n uniongyrchol â phob myfyriwr sy'n gymwys ar gyfer y fwrsariaeth newydd ym mis Medi, gyda'r fwrsariaeth i'w defnyddio fel hepgoriad ffioedd i leihau cost eich ffioedd dysgu yn y rhan fwyaf o achosion.