Cymhelliant Addysg Gychwynnol Athrawon ar gyfer Pynciau â Blaenoriaeth 2025-26

Mae cymhellion pwnc blaenoriaeth AGA yn grantiau sydd ar gael i fyfyrwyr cymwys sy'n dilyn rhaglen AGA ôl-raddedig yng Nghymru sy'n arwain at Statws Athro Cymwysedig (SAC). Mae Llywodraeth Cymru yn cyhoeddi argaeledd Cymhellion Hyfforddi Athrawon yn flynyddol.

Pynciau â Blaenoriaeth 2025 i 2026

I fod yn gymwys i gael grant AGA ar gyfer pynciau â blaenoriaeth, rhaid I unigolyn fod â gradd 2.2 neu’n uwch, ac mai un o’r pynciau canlynol yw’r unig bwnc y mae’n ei astudio neu mai un o’r rhain y mae’n ei astudio’n bennaf:

• Bioleg
• Cemeg
• Cymraeg
• Dylunio a Thechnoleg
  
• Ffiseg
  
• Ieithoedd Tramor Modern
  
• Mathemateg
  
• Technoleg Gwybodaeth

Pa grant sydd ar gael a phryd caiff taliadau eu gwneud

O dan y cynllun hwn, mae grant cymhelliant o £15,000 ar gael i bob myfyriwr sy’n bodloni’r meini prawf cymhwysedd.

Myfyrwyr llawn amser

Gwneir y cymelldaliadau o gyfanswm o £15,000 mewn tri rhandaliad ar yr adegau canlynol yn ystod rhaglen AGA a dechrau gyrfa myfyriwr:

• £6,000 ym mis Ionawr ar ôl cwblhau tymor cyntaf ei gwrs TAR
• £6,000 ym mis Gorffennaf/Awst* ar ôl cwblhau ei gwrs TAR yn llwyddiannus ac ar ôl dyfarnu SAC iddo
• £3,000 ar ôl cwblhau’r broses sefydlu yn llwyddiannus yng Nghymru.
  

Myfyrwyr rhan-amser

Gwneir y cymelldaliadau o gyfanswm o £15,000 mewn pedwar rhandaliad ar yr adegau canlynol yn ystod rhaglen AGA ran-amser a dechrau gyrfa myfyriwr:
• £3,000 ym mis Ionawr ar ôl cwblhau tymor cyntaf ei gwrs TAR
• £3,000 ym mis Ionawr ar ôl cwblhau blwyddyn gyntaf a thymor cyntaf ail flwyddyn ei gwrs TAR
• £6,000 ym mis Gorffennaf/Awst* ar ôl cwblhau ei gwrs TAR yn llwyddiannus ac ar ôl dyfarnu SAC iddo
• £3,000 ar ôl cwblhau’r broses sefydlu yn llwyddiannus yng Nghymru.

Bwrsariaethau i fyfyrwyr TAR nad ydynt yn gymwys ar gyfer Grantiau Hyfforddiant Cychwynnol Athrawon (HCA)

Mae Prifysgol Bangor yn darparu bwrsariaethau i fyfyrwyr TAR o'r UE a'r DU y tu allan i Gymru*, sy'n dilyn cwrs TAR ac NAD ydynt yn gymwys i dderbyn Cymhellion Hyfforddiant Addysgu. Am fwy o wybodaeth am Fwrsariaeth Bangor cliciwch yma.

Rhagor o wybodaeth am y Bwrsariaethau Bangor

*Bydd pob myfyriwr o Gymru yn derbyn Grant o £1,000 gan Llywodraeth Cymru.

Ysgoloriaeth Alumni 2025/26

Mae Prifysgol Bangor yn cynnig gostyngiad o 20% mewn ffioedd i holl gyn-fyfyrwyr Cartref a Rhyngwladol Prifysgol Bangor sy'n hunan-ariannu sydd wedi graddio gyda gradd anrhydedd.

I fod yn gymwys ar gyfer yr Ysgoloriaeth Alumni bydd rhaid i chi:

• Fod yn raddedig o raglen israddedig ym Mhrifysgol Bangor.
• Ymgeisio yn llwyddiannus ac yna cofrestru i astudio ar un o’n graddau Meistr a addysgir sy'n gymwys (h.y. TAR Cynradd neu Uwchradd, MA, MSc, MBA, LLM. Heb gynnwys graddau MRes).

Nodwch os gwelwch yn dda:

Fel arfer dim ond UN dyfarniad / ysgoloriaeth y mae myfyrwyr yn gymwys i'w derbyn - os dyfernir ysgoloriaeth gwerth uwch i chi wedyn, y dyfarniad gwerth uwch fydd yn cael blaenoriaeth a bydd y dyfarniadau gwerth is yn cael eu canslo. Nid oes angen cais ar wahân ar gyfer yr Ysgoloriaeth.

Am wybodaeth bellach, ewch i'r wefan yma.