Fy ngwlad:
Fy ngwlad:

Chwilio

Cau
Hyfforddwr yn gwirio cyfradd curiad calon myfyriwr mewn baddon trochi gyda chyfarpar anadlu

Datblygu eich Gyrfa: Gwyddor Chwaraeon ac Ymarfer ym Mhrifysgol Bangor

Profwch wyddor chwaraeon ac ymarfer corff ym Mhrifysgol Bangor, lle mae lleoliadau ymarferol a chydweithrediadau ymchwil arloesol yn darparu amgylchedd dysgu heb ei ail.

Sport Coach
Credit:guyen Thu Hoai @ Unsplash

Cychwyn eich Gyrfa Chwaraeon ac Ymarfer Corff ym Mangor!

Ydych chi eisiau dilyn gyrfa ym myd cyffrous Chwaraeon, Iechyd ac Ymarfer? Ym Mhrifysgol Bangor, byddwn yn eich helpu i gyrraedd yno. Mae ein hymagwedd at gyflogadwyedd yn ymwneud â rhoi mantais i chi:

Cysylltiadau â’r Diwydiant: Rydym yn gweithio'n agos gyda’r cyflogwyr gorau yn y sector chwaraeon, iechyd ac ymarfer corff i wneud yn siŵr eich bod yn dysgu'r sgiliau y maent yn chwilio amdanynt.

  • Sgiliau sydd eu Hangen arnoch: Rydym yn plethu'r sgiliau allweddol hyn yn uniongyrchol i'ch cwrs, felly byddwch yn graddio gyda'r cymwysterau a'r galluoedd ymarferol i lwyddo.
  • Profiadau Byd Go Iawn: Byddwch yn ennill profiad ymarferol trwy leoliadau gwaith a gwirfoddoli, gan droi eich gwybodaeth yn effaith yn y byd go iawn.
  • Cefnogaeth Barhaus: Rydym yma i chi, yn ystod eich astudiaethau a thu hwnt! Bydd ein staff academaidd ymroddedig, Gwasanaeth Gyrfaoedd a Chyflogadwyedd, a rhwydwaith o gyn-fyfyrwyr yn eich cefnogi bob cam o'r ffordd.

O'r Ystafell Ddosbarth i'ch Gyrfa: Cyn-fyfyrwyr Gwyddor Chwaraeon ac Ymarfer

Libby Steele

Libby Steele - Cydlynydd Cynhwysiant ac Ymgysylltu yn Athletau Cymru

"Mae Prifysgol Bangor yn lle gwych i wneud eich gradd (neu dri, yn fy achos i!)"

Darllenwch y proffil llawn

A professional head and shoulder shot of Lewis Thompson on a yellow backgroun with his name and job title, North Wales development manager beside him

Lewis Thompson - Rheolwr Datblygu Gogledd Cymru - Beicio Cymru

"Roedd yr amgylchedd a grëwyd gan y darlithwyr i allu dysgu ac astudio yn fudd enfawr a ganiataodd i mi gyrraedd fy mhotensial, ac a'm gosododd ar gyfer cyflogaeth yn y dyfodol."

Darllenwch y proffil llawn

Seren Evans mewn gwisg graddio gyda chap

Seren Evans - Ffisiotherapydd

"Chwaraeodd fy ngradd ran enfawr yn llunio fy ngyrfa, nid yn unig o ran gwybodaeth academaidd ond hefyd drwy'r profiadau ymarferol a'r cyfleoedd rhwydweithio a ddarparwyd ganddi."

Darllenwch y proffil llawn

Glenn Swain yn sefyll ar gae pêl-droed dan do mewn cit du gyda phêl-droed melyn

Glenn Swain -Prif Hyfforddwr Yr Academi Yn Adran Futsal Y Bloomsbury Football Foundation

"Llwyddais i gael profiadau anhygoel o ganlyniad i’m hamser ym Mhrifysgol Bangor"

Darllenwch y proffil llawn

orange kayaks on a river, person paddling

Lleoliadau Myfyrwyr Barod am y Byd Go Iawn: Ennill Profiad Ymarferol:

Ym Mhrifysgol Bangor, rydym yn credu mewn dysgu trwy wneud. Dyna pam ein bod yn cynnig amrywiaeth o gyfleoedd lleoliadau cyffrous gyda sefydliadau blaenllaw yn y sector chwaraeon ac ymarfer corff. Yn ddiweddar, mae ein myfyrwyr wedi cwblhau lleoliadau yn Sefydliad Gwyddorau Perfformio Cymru, gan ennill profiad amhrisiadwy mewn dadansoddi perfformiad chwaraeon. Mae eraill wedi hogi eu sgiliau cryfder a chyflyru yn RGC (Rygbi Gogledd Cymru). Rydym hefyd yn cydweithio â chanolfannau hamdden lleol megis Plas Menai a Chanolfannau Conwy, ac yn cynnig lleoliadau mewn meysydd gan gynnwys datblygu chwaraeon ac arweinyddiaeth antur awyr agored. Yn ogystal â gwella'ch CV, mae’r lleoliadau hyn hefyd yn rhoi mantais hollbwysig i chi wrth ymuno â'r farchnad swyddi gystadleuol. Mae llawer o'n lleoliadau’n arwain yn uniongyrchol at gyflogaeth i raddedigion, gan roi dechrau da i chi yn eich gyrfa.

Lleoliadau ac Interniaethau - Clywch gan ein myfyrwyr

Llun pen ac ysgwydd o Mike Morris yn edrych ar gamera yn gwisgo siaced ddu Prifysgol Bangor

Mike Morris

Lleoliad gyda Chymdeithas Bêl-droed Cymru (CBC)

Hannah Price, myfyrwraig, yn gwisgo top beicio proffesiynol y llynges, yn plygu ei breichiau ac yn edrych ar y camera.

Hannah Price

Lleoliad gyda 'Beicio Cymru'

George Lowe in rugby tshirt, smiling at camera, with a tripod and a green pitch behind him

George Lowe

Lleoliad yn Nhîm Datblygu Rygbi Gogledd Cymru (RGC)

Joseph mewn dillad rhedeg yn eistedd o flaen y môr gyda photel o ddŵr

Joseph Varga

Mewn cydweithrediad â Chlwb Pêl-droed Dinas Manceinion

Female Rugby Players on the field.
Credit:Quino Al @ unsplash

Cydweithrediadau Ymchwil Ymchwil Arloesol, Effaith Go Iawn yn y Byd

Mae Prifysgol Bangor yn ganolbwynt ymchwil o'r radd flaenaf ym maes gwyddorau chwaraeon ac ymarfer. Rydym yn gweithio'n agos gyda phartneriaid yn y diwydiant i fynd i'r afael â heriau'r byd go iawn a gwthio ffiniau gwybodaeth. Er enghraifft, mae ein hymchwilwyr wedi cydweithio â Rygbi Gogledd Cymru (RGC) i ymchwilio i sut y gall deallusrwydd artiffisial ragfynegi anafiadau. Mae ein partneriaeth ag UK Sport wedi arwain at ddatblygiadau arloesol o ran adnabod a datblygu talent Rydym hefyd yn gweithio gyda Bwrdd Iechyd Prifysgol Betsi Cadwaladr ar brojectau ymchwil sy'n canolbwyntio ar hyrwyddo gweithgarwch corfforol mewn cymunedau. Mae’r dull cydweithredol hwn yn sicrhau bod ein hymchwil yn drylwyr yn academaidd yn ogystal â chael effaith sylweddol ar y diwydiant chwaraeon ac ymarfer corff. Bydd astudio ym Mhrifysgol Bangor yn rhoi’r cyfle ichi ddysgu o'r gwaith arloesol hwn, a hyd yn oed gyfrannu ato.