Datblygu Athletwyr Elît gyda Rhithrealiti
Mae Hyfforddiant ac Adferiad yn agweddau pwysig ar chwaraeon proffesiynol, o lawr gwlad i'r lefel ryngwladol. Mae modd defnyddio rhithrealiti i gynorthwyo gyda hyfforddiant ac adferiad chwaraewyr mewn gwahanol feysydd o'u gyrfaoedd chwaraeon. Mae Rezzil yn dylunio ac yn datblygu rhaglenni sy'n defnyddio Rhithrealiti i gynorthwyo gyda hyfforddiant ac adferiad mewn amrywiol feysydd a gwahanol chwaraeon, gan gynnwys ennill sgiliau Pêl-droed, hyfforddi dyfarnwyr Pêl-fasged, a hyfforddiant adwaith i yrwyr Fformiwla un. Cafodd ymchwil ei wneud gyda’n meddalwedd ni. Er enghreifft yr ymchwil a wnaed gan Brifysgol Fetropolitan Manceinion i negyddu effeithiau hirdymor penio peli pêl-droed, ac ymchwil a wnaed yn Aspetar yn Qatar ynghylch trin cyfergyd a dyletswydd gofal ar ôl cyfergyd.
Cwblhaodd Dr Thomas W Day B.Sc. Cyfrifiadureg (Anrh) ym Mhrifysgol Bangor yn 2015. Aeth rhagddo i wneud Ph.D. mewn cymwysiadau Rhithrealiti a Realiti Cymysg mewn Adferiad a Hyfforddiant ym Mhrifysgol Caer. Aeth rhagddo â’i ymchwil fel Ymchwilydd Ôl-ddoethurol ym Mhrifysgol Caer, yn ogystal â gwneud rhywfaint o waith llawrydd yn y cyfnod hwnnw. Mae bellach yn beiriannydd meddalwedd gyda Rezzil, cwmni i XR Sports gyda chleientiaid mewn amrywiol chwaraeon ledled y byd, ym Manceinion.