Mae'n ddrwg gennyf eich hysbysu y bydd yn rhaid gohirio'r ddarlith nos yfory yn anffodus, ymddiheurwn am unrhyw anghyfleustra y gall hyn ei achosi.
Bydd rhagor o wybodaeth am ddyddiad newydd yn cael ei ddosbarthu maes o law.
Mae gwirfoddoli’n cael effaith bwerus ar unigolion, cymunedau, a’r gymdeithas ehangach. Gellir gwirfoddoli gyda mudiad mawr, neu gyda chymuned anffurfiol o bobl sy'n dod at ei gilydd trwy ddiddordeb cyffredin, neu gall gwirfoddoli hyd yn oed fod yn awydd ar lefel bersonol i wneud gwahaniaeth. Gall yr awydd i wirfoddoli fod wedi’i wreiddio mewn allgaredd, i fynegi ymrwymiad moesol, i ddilyn diddordeb cyffredin, i fynd i’r afael â diffyg canfyddedig yn y sefydliad, i ysgogi newid cymdeithasol neu hyd yn oed er budd personol. Beth bynnag fo'r cymhellion cymhleth a niferus, mae ystod a graddfa gyfunol gwirfoddoli’n rym pwerus ym Mhrydain heddiw. Mae tystiolaeth gadarn hefyd o'r manteision cadarnhaol i iechyd a lles y gwirfoddolwr unigol. Ac eto, mae cwymp wedi bod yn y niferoedd sy’n gwirfoddoli dros y blynyddoedd diwethaf. Beth fydd goblygiadau hynny, beth yw'r bygythiadau, a sut y gellir mynd i'r afael â nhw?
Prif Swyddog Gweithredol, ymddiriedolwr ac ymgynghorydd elusennol yw Derek Milton Twine CBE FRSA, a wasanaethodd fel Prif Weithredwr Cymdeithas y Sgowtiaid rhwng 1996 a 2013 (a bu’n arweinydd sgowtio gwirfoddol rhwng 1968 ac 1976).
Mae Derek yn Ganon Lleyg Mygedol yn Esgobaeth Leeds, ac ef oedd Cadeirydd Cyngor Cadeirlan Bradford 2013-2023, ac ers 2023, mae Derek yn aelod o Gyngor Ymgynghorol Cadeirlan Ripon. Mae wedi bod yn is-gadeirydd Cronfa Drefol yr Eglwys, ac yn aelod o Gyngor yr Ymddiriedolaeth Genedlaethol. Yn 2020 fe’i penodwyd gan yr Ysgrifennydd Gwladol yn aelod o Awdurdod Parc Cenedlaethol yr Yorkshire Dales, ac ef yw Dirprwy Gadeirydd yr Awdurdod.
Mae Derek yn gyn-fyfyriwr o Brifysgol Bangor, a graddiodd yn 1973.
Traddodir y ddarlith hon yn Saesneg.
Bydd lluniaeth ar gael ar ôl y ddarlith.
