Llongyfarchiadau ar eich cynnig i astudio yn Ysgol Busnes Bangor
Llongyfarchiadau ar eich cynnig i astudio un o’n rhaglenni Economeg yma yn Ysgol Busnes Bangor. Rydym yn edrych ymlaen at eich croesawu chi i'n cymuned. Er mwyn eich helpu chi ddod yn gyfarwydd â ni cyn mis Medi, rydym wedi llunio rhai adnoddau i roi mwy o wybodaeth i chi.
Mae ein cyrsiau yn cael eu haddysgu gan academyddion sydd gyda'r gorau yn y byd, ac yn angerddol am eu pynciau. Byddwch yn dysgu gan arbenigwyr sydd ar flaen y gad yn eu meysydd, a bydd gennych fynediad at gyfoeth o adnoddau i gefnogi eich astudiaethau. Mae ein tîm ymroddedig o academyddion nid yn unig yn wybodus ond hefyd yn angerdd.
Rydym wedi ymrwymo i ddarparu amgylchedd cefnogol a chynhwysol i'n holl fyfyrwyr. Mae gennym dîm ymroddedig o staff sydd yma i'ch helpu gyda'ch astudiaethau ac i sicrhau eich bod yn cael profiad cadarnhaol ym Mangor.
Yma yn Ysgol Busnes Bangor, mae gennym fynediad i rai o'r cronfeydd data gorau gan gynnwys Bloomberg. Mae caniatáu i fyfyrwyr ddefnyddio'r cronfeydd data hyn fel rhan o'u cwrs nid yn unig yn gwella eu profiad dysgu ond hefyd yn eu paratoi'n well ar gyfer gyrfa yn y diwydiant.
Llongyfarchiadau ar eich cynnig i ddod i Brifysgol Bangor i astudio Economeg. Rhys ap Gwilym ydw i ac rwy'n ddarlithydd mewn Economeg.
Rwy'n edrych ymlaen yn fawr iawn at gael cwrdd â chi pryd da chi yn cyrraedd yma yn y ddinas odidog, dwi'n siŵr fydd y tywydd fel yma am yr holl dair blynedd rydych chi efo ni.
Dwi'n edrych ymlaen yn fawr iawn at eich dysgu chi yn y flwyddyn gyntaf rhai o elfennau sylfaenol Economeg a wedyn datblygu eich dealltwriaeth o'r pwnc yn ystod y tair blynedd.
Edrych ymlaen yn fawr iawn at eich gweld chi a gobeithio eich bod yn gyffrous am y cyfle sydd o'ch blaen.
Peidiwch â Methu - Digwyddiadau Holi ac Ateb Byw
Croeso, Cofrestru a Chefnogi Myfyrwyr – Sesiwn Holi ac Ateb Byw
Ddydd Llun 8 Medi am 2pm
Ymunwch â ni yn y digwyddiad arbennig hwn sy'n canolbwyntio ar Groeso, Cofrestru a Chefnogi Myfyrwyr ym Mangor. Mae'r sesiwn Cwestiwn ac Ateb byw hwn yn gyfle i chi ofyn unrhyw gwestiynau sydd gennych i staff a myfyrwyr cyfredol am ddechrau yn y brifysgol, y broses gofrestru a pha gefnogaeth sydd ar gael i chi fel myfyriwr ym Mhrifysgol Bangor. Gwnewch yn siŵr eich bod yn mewngofnodi am 2yp ddydd Llun, 8 Medi i gymryd rhan.
Gynllun Cefnogi Dysgu Personol – Sesiwn Holi ac Ateb Byw
Dydd Mercher 17 Medi am 3pm
Os oedd gennych addasiadau yn yr ysgol neu'r coleg (e.e. amser ychwanegol mewn arholiadau, neu EHCP) gallwn eich helpu i drefnu eich addasiadau rhesymol yn y Brifysgol. Bydd staff wrth law i ateb unrhyw gwestiynau sydd gennych am drefnu Gynllun Cefnogi Dysgu Personol (CCDP) ym Mhrifysgol Bangor. Gwnewch yn siŵr eich bod yn mewngofnodi bryd hynny i gymryd rhan – dydd Mercher 17 Medi am 3pm.
Ymunwch â Chyswllt Campws
Dewch i ymuno ag ymgeiswyr eraill a dod yn rhan o'n cymuned myfyrwyr ym Mangor cyn cyrraedd hyd yn oed! Cofrestrwch i gael yr ap Cyswllt Campws lle gallwch ofyn cwestiynau, sgwrsio gyda myfyrwyr presennol a gwneud ffrindiau ag ymgeiswyr eraill ar eich cwrs ac yn y llety o'ch dewis. Edrychwch ar eich e-byst am eich rhif adnabod Prifysgol Bangor, byddwch ei angen wrth i chi gofrestru.
Cwrdd rhai o'ch darlithwyr
Dr Edward Jones
Bod safbwyntiau gwahanol o hyd ynghylch y ffordd orau o ddatblygu’r economi a sicrhau ei bod o fudd i bawb.
Bu gennyf ddiddordeb erioed mewn marchnadoedd. Pan oeddwn i'n blentyn byddwn yn mynd i'r farchnad da byw leol gyda fy nhad ac yn rhyfeddu at y ffordd y cai prisiau eu pennu gan gyflenwad a galw. Yna dechreuais ymddiddori mewn mathau eraill o farchnadoedd (e.e. stociau, bondiau) ac roedd economeg yn bwnc naturiol i mi ei astudio.
Fy hoff beth am economeg yw ei fod wastad yn y newyddion ac yn effeithio ar bob agwedd ar ein bywydau. Mae hyn yn caniatáu i mi gael trafodaeth wych gyda fy myfyrwyr ynghylch sut mae'r gwaith damcaniaethol rydym ni'n ei ddysgu yn y dosbarth yn ymwneud â digwyddiadau cyfoes.
Y cyfle i ddysgu gan fy nghydweithwyr (a myfyrwyr!) ac amgylchedd sy'n annog datblygu dysg newydd sy'n berthnasol i'r byd go iawn.
