Croeso i'ch Hyb Ymgeiswyr
Archwiliwch beth sy'n gwneud Prifysgol Bangor yn arbennig, o'n lleoliad godidog i'n cymuned gefnogol; mae dewis Gwleidyddiaeth ym Mangor yn ddechrau taith gyffrous. Mae astudio ym Mangor yn golygu dysgu gan arbenigwyr angerddol sy'n rhoi eich llwyddiant chi yn gyntaf. Yma, byddwch yn ennill y wybodaeth a'r sgiliau i lunio'ch gyrfa gyda hyder.
Eich Hyb Ymgeiswyr yw eich lle i fynd ar gyfer popeth sydd ei angen arnoch i baratoi ar gyfer y cam nesaf. Archwiliwch beth sy'n aros amdanoch chi a dechreuwch gynllunio'ch dyfodol heddiw.
Beth i'w ddisgwyl fel myfyriwr Gwleidyddiaeth
Mae ein cyrsiau yn cael eu haddysgu gan academyddion sydd gyda'r gorau yn y byd, ac yn angerddol am eu pynciau. Byddwch yn dysgu gan arbenigwyr sydd ar flaen y gad yn eu meysydd, a bydd gennych fynediad at gyfoeth o adnoddau i gefnogi eich astudiaethau. Mae ein tîm ymroddedig o academyddion nid yn unig yn wybodus ond hefyd yn angerdd.
Rydym wedi ymrwymo i ddarparu amgylchedd cefnogol a chynhwysol i'n holl fyfyrwyr. Mae gennym dîm ymroddedig o staff sydd yma i'ch helpu gyda'ch astudiaethau ac i sicrhau eich bod yn cael profiad cadarnhaol ym Mangor.
Gwyliwch ein fideo
Fy enw i ydi Dr Mari Wiliam ac rwy'n ddarlithydd Hanes Modern yma ym Mhrifysgol Bangor.
Fel rhan o hyn rwy'n cyfrannu at nifer o fodiwlau Gwleidyddiaeth ni'r modiwlau sydd ar gael ar ein cwrs gradd Gwleidyddiaeth, a dwi'n meddwl rhan nodedig o'n cwrs gradd Gwleidyddiaeth ni ydi pa mor rhyngddisgyblaethol ydi o, rydym ni'n ffeindio synthesis rhwng gwahanol feysydd fel Hanes, Cymdeithaseg, Athroniaeth, Astudiaethau Cyfryngau a'r Gyfraith.
Felly mae yna ddarpariaeth eang iawn i chi sydd yn eich gwreiddio chi mewn dealltwriaeth o wahanol fathau o Wleidyddiaeth, achos mae Gwleidyddiaeth yn derm eang mae o yn gallu golygu lot o bethau ond beth sydd yn bwysig ydi eich bod yn cael eich yn y cwrs Gwleidyddiaeth yma ym Mangor efo dealltwriaeth o gymdeithas gyfredol a digwyddiadau cyfredol yn y newyddion ac mewn Gwleidyddiaeth byd eang.
Wedi Cael Cynnig Clirio? Dyma Eich Camau Nesaf
Derbyn Eich Cynnig Clirio
Byddwn yn anfon e-bost atoch gyda’ch cynnig Clirio swyddogol a chyfarwyddiadau ar sut i dderbyn y cynnig drwy ddewis Prifysgol Bangor fel eich dewis Clirio ar UCAS Hub.
Gwneud Ffrindiau Cyn Cyrraedd
Ymunwch â’r ap Campus Connect lle gallwch ofyn cwestiynau, sgwrsio â myfyrwyr presennol a gwneud ffrindiau gyda darpar fyfyrwyr eraill ar eich cwrs ac yn eich llety. Cewch wahoddiad i ymuno drwy e-bost.
Cwestiynau Cyffredin
Bydd wythnos arferol yn cynnwys mynychu’r darlithoedd a’r seminarau ar gyfer pob un o’r 3 modiwl y byddwch yn eu hastudio ym mhob semester. Bydd darlithoedd yn cyflwyno pynciau tra bod seminarau’n rhoi cyfle i fyfyrwyr drafod gwaith darllen gosod a gweithgareddau ymchwil. Byddwch hefyd yn treulio amser yn y llyfrgell neu fannau astudio, yn paratoi at ddosbarth neu'n gweithio ar aseiniadau.
Tua 6-10 awr yr wythnos yn dibynnu ar y modiwl a ddewiswch. Mae rhai wedi eu strwythuro'n wahanol felly efallai y bydd dosbarthiadau’n wythnosol.
Byddwch yn siapio'ch gradd trwy'r modiwlau a ddewiswch. Mae modd canolbwyntio ar hanes gwleidyddol, athroniaeth wleidyddol a syniadau, neu gymryd diddordeb penodol mewn materion polisi cymdeithasol.
Byddwch hefyd yn datblygu nifer o sgiliau yn y modiwlau y byddwch yn eu hastudio. Byddwch yn datblygu sgiliau ymchwil a sgiliau dadansoddi ffynonellau’n feirniadol, ochr yn ochr â chyfathrebu ysgrifenedig a chyfathrebu llafar trwy gyflwyno asesiadau a chymryd rhan mewn gweithgareddau yn yr ystafell ddosbarth. Yn bwysicach na dim, byddwch yn datblygu eich gwybodaeth a'ch ymwybyddiaeth o faterion gwleidyddol ac yn gwerthuso'n feirniadol sut mae'r llywodraeth a sefydliadau eraill yn gweithredu.
Cwrdd â rhai o'ch darlithwyr
Dr Marc Collinson
Dwi wedi bod â diddordeb mewn hanes a gwleidyddiaeth erioed, a hanes gwleidyddol oedd fy mhrif ddiddordeb. Gall rhai pobl droi eu trwynau ar y cymysgedd o uchelgais bonheddig a thwyll isel, ond i unigolion sydd â diddordeb, mae'n bell o fod yn sych.
Y gallu i edrych ar y newyddion a meddwl: Pam ddigwyddodd hynny? Pwy wnaeth hynny? Pam?
Mae fy ngwaith diweddar ar isetholiadau ac etholiadau cyffredinol wir wedi gwneud i mi gwestiynu sut mae system wleidyddol y Deyrnas Unedig yn gweithio, pwy sydd â phŵer, a pham mae'r byd fel y mae.
Peidiwch â gadael i berffeithrwydd fod yn elyn i’r da. Rydym yn gallu gosod nodau anghyraeddadwy i'n hunain.
Sicrwydd o Lety i Ymgeiswyr Clirio
Os ydych ym ymgeisio drwy Clirio am gwrs sydd wedi ei lleoli ar ein campws ym Mangor, rydym yn sicrhau y cewch chi ystafell yn ein neuaddau preswyl cyn belled a'ch bod chi'n dewis Prifysgol Bangor ar UCAS erbyn Dydd Iau, 29 Awst ac yn archebu eich ystafell erbyn Dydd Llun, 2 Medi 2024. Yn anffodus, oherwydd y nifer cyfyngedig o ystafelloedd, nid ydym yn gallu sicrhau lle yn ein llety ar y campws yn Wrecsam.
Cyfleoedd i Ymweld  Phrifysgol Bangor Yn Ystod Clirio 2026
Os ydych wedi cael cynnig i astudio yma, rydym yn eich hannog i ymweld â ni. Wrth ymweld â'r campws, cewch flas go iawn o fywyd myfyriwr yma a chael cyfle i ymgyfarwyddo ag adeiladau’r Brifysgol a dinas Bangor. Rydym yn edrych ymlaen at eich gweld.
Sut i wneud ffrindiau cyn cychwyn yn y Brifysgol?
Ymunwch ag ymgeiswyr eraill a dod yn rhan o gymuned Bangor cyn cyrraedd hyd yn oed! Cofrestrwch i ymuno â'r ap - 'Campus Connect' a bydd modd gofyn cwestiynau, sgwrsio gyda myfyrwyr presennol a gwneud ffrindiau ag ymgeiswyr eraill ar eich cwrs ac yn y llety o'ch dewis. Cewch wahoddiad i ymuno â'r ap dros e-bost, a chewch hefyd rif adnabod Prifysgol Bangor, y byddwch ei angen i gofrestru.
Wedi newid eich meddwl? Nid chi yw’r unig un
Os ydych wedi bodloni’r amodau ar gyfer eich dewisiadau UCAS presennol ond yn teimlo nad yw’n iawn i chi, gallwch ddewis mynd drwy'r system Glirio. Archwiliwch eich opsiynau ym Mangor a llenwch y ffurflen ar-lein i gofrestru eich diddordeb yn y broses Glirio neu i wneud cais drwy Clirio os oes gennych eich canlyniadau eisoes.
Eisoes yn bwriadu ymuno â Bangor ond yn ystyried cwrs gwahanol? Rydym yma i helpu - llenwch y ffurflen ar-lein!
