Rydym Ni'n Bobol Go Iawn
Rydym wrth ein bodd eich croesawu i'n cymuned. Ym Mangor rydym yn gwneud pethau'n wahanol. Y tu ôl i bopeth a wnawn mae tîm o bobl go iawn sydd yma i wrando, rhoi arweiniad i chi a'ch cefnogi, os oes gennych gwestiwn, rydym wir eisiau i chi gysylltu â ni.
Gallwch gysylltu â'n timau cyfeillgar derbyniadau a phynciau drwy e-bostio neu ffonio, a byddwn yn ymateb yn gyflym. Mae croeso i rieni, gofalwyr a chefnogwyr gysylltu â ni hefyd.
Ydi’n well gennych chi edrych ar bethau yn eich amser eich hun? Mae gennym hefyd adran Cwestiynau Cyffredin glir a chyfredol lle gallwch ddod o hyd i atebion i gwestiynau cyffredin.
Sut bynnag y byddwch chi'n dewis cysylltu, mi gewch chi hyd i bobl go iawn ym Mangor sydd wir eisiau eich helpu chi i wneud penderfyniadau hyderus am eich dyfodol. Siaradwch efo ni nawr!
Wedi Cael Cynnig Clirio? Dyma Eich Camau Nesaf
Derbyn Eich Cynnig Clirio
Byddwn yn anfon e-bost atoch gyda’ch cynnig Clirio swyddogol a chyfarwyddiadau ar sut i dderbyn y cynnig drwy ddewis Prifysgol Bangor fel eich dewis Clirio ar UCAS Hub.
Gwneud Ffrindiau Cyn Cyrraedd
Ymunwch â’r ap Campus Connect lle gallwch ofyn cwestiynau, sgwrsio â myfyrwyr presennol a gwneud ffrindiau gyda darpar fyfyrwyr eraill ar eich cwrs ac yn eich llety. Cewch wahoddiad i ymuno drwy e-bost.
Cwrdd â'ch Darlithwyr
Helo pawb, enw fi ydi Dr Daniel Roberts, a dwi’n ddarlithydd yma mewn Electroneg ym Mhrifysgol Bangor.
Dwi jest eisiau gadael i chi wybod am y bartneriaeth sydd gennym ni efo’r UKESF, sef yr UK Electronics Skills Foundation, a beth sydd yn agor drws i chi fel myfyrwyr ydi mynediad i’r cynllun ysgoloriaethau sydd ganddyn nhw. Mae hyn yn rhoid mynediad i £1,000 o bunnoedd bob blwyddyn i chi, a hefyd yn agor drysau i lefydd gwaith neu ‘Summer Placements’ i chi.
Peidiwch â phoeni am wneud cais cyn i chi ddod, mi fyddwn yn gallu help efo’ch cais pan rydych chi yma efo ni.
Edrych ymlaen at gyfarfod chi i gyd.
Dyma ni ein Hystafell Glân Mil
Dyma ni ein Hystafell Glân Mil, neu Ystafell Glân ISO 6; beth mae hynny’n golygu ydi bod dim ond mil gronyn o aer per cubic foot yn cael mynd i mewn i’r ystafell. Os ydym yn meddwl amdanom ni fel person, ‘da ni, mwy neu lai, yn colli can-mil o ronynnau bob tro ‘da ni jest yn eistedd. Mae o yn bwysig ein bod yn ffiltro allan y gronynnau yma gan fod nhw yn gallu effeithio dyfeisiadau electroneg.
Rydych hefyd yn gallu gweld fod y golau yn fwy melyn a dim yn wyn; mae hynny oherwydd rydym yn ffiltro allan y UV allan o’r golau hefyd sydd yn gallu effeithio ar y dyfeisiadau electroneg.
Fel myfyriwr israddedig, byddwch yn cael mynediad i’r ystafell yma, rhywbeth tydi Prifysgolion ddim yn gadael i chi ei wneud. Byddwch yn gallu dod am tour o’r ystafell yn eich blwyddyn gyntaf chi, ac yn eich trydedd flwyddyn chi, fyddwch chi yn gallu gwneud prosiect efo un o’r darlithwyr.
Os ydych eisoes wedi cael cynnig i astudio gyda ni, dyma neges gan aelod o'n tîm dysgu.
cse@bangor.ac.uk +44 (0) 1248 382400
Sicrwydd o Lety i Ymgeiswyr Clirio
Os ydych ym ymgeisio drwy Clirio am gwrs sydd wedi ei lleoli ar ein campws ym Mangor, rydym yn sicrhau y cewch chi ystafell yn ein neuaddau preswyl cyn belled a'ch bod chi'n dewis Prifysgol Bangor ar UCAS erbyn Dydd Iau, 29 Awst ac yn archebu eich ystafell erbyn Dydd Llun, 2 Medi 2024. Yn anffodus, oherwydd y nifer cyfyngedig o ystafelloedd, nid ydym yn gallu sicrhau lle yn ein llety ar y campws yn Wrecsam.
Cyfleoedd i Ymweld  Phrifysgol Bangor Yn Ystod Clirio 2026
Os ydych wedi cael cynnig i astudio yma, rydym yn eich hannog i ymweld â ni. Wrth ymweld â'r campws, cewch flas go iawn o fywyd myfyriwr yma a chael cyfle i ymgyfarwyddo ag adeiladau’r Brifysgol a dinas Bangor. Rydym yn edrych ymlaen at eich gweld.
Sut i wneud ffrindiau cyn cychwyn yn y Brifysgol?
Ymunwch ag ymgeiswyr eraill a dod yn rhan o gymuned Bangor cyn cyrraedd hyd yn oed! Cofrestrwch i ymuno â'r ap - 'Campus Connect' a bydd modd gofyn cwestiynau, sgwrsio gyda myfyrwyr presennol a gwneud ffrindiau ag ymgeiswyr eraill ar eich cwrs ac yn y llety o'ch dewis. Cewch wahoddiad i ymuno â'r ap dros e-bost, a chewch hefyd rif adnabod Prifysgol Bangor, y byddwch ei angen i gofrestru.
Wedi newid eich meddwl? Nid chi yw’r unig un
Os ydych wedi bodloni’r amodau ar gyfer eich dewisiadau UCAS presennol ond yn teimlo nad yw’n iawn i chi, gallwch ddewis mynd drwy'r system Glirio. Archwiliwch eich opsiynau ym Mangor a llenwch y ffurflen ar-lein i gofrestru eich diddordeb yn y broses Glirio neu i wneud cais drwy Clirio os oes gennych eich canlyniadau eisoes.
Eisoes yn bwriadu ymuno â Bangor ond yn ystyried cwrs gwahanol? Rydym yma i helpu - llenwch y ffurflen ar-lein!
