Croeso i'ch Hyb Ymgeiswyr
Dy Hyb Ymgeiswyr yw'r lle i fynd ar gyfer popeth sydd dy angen arnat ti i baratoi ar gyfer y cam nesaf. Archwilia beth sy'n gwneud Prifysgol Bangor yn arbennig, o'n lleoliad godidog i'n cymuned gefnogol; mae dewis Troseddeg a Chyfiawnder Troseddol ym Mangor yn ddechrau taith gyffrou
Helo, croeso cynnes iawn i chi. Rydym yn falch iawn eich bod wedi penderfynu gwneud cais i Brifysgol Bangor.
Mae astudio Troseddeg ym Mangor yn brofiad cyffrous iawn. Mae'r ddisgyblaeth yn cyflwyno damcaniaethau cymdeithasol gyda dealltwriaeth o system cyfiawnder troseddol, gan roi sgiliau i chi archwilio pam mae trosedd yn digwydd.
Mae ein darlithwyr sydd yn rhedeg y ffordd o fewn y maes, a'r dosbarthiad bach yn golygu y cewch gefnogaeth bersonol.
Mae lleoliad Bangor hefyd yn rhoi cynnig i chi ymchwilio a chyfleodd lleol, a phrosiectau ymchwil sydd yn gwneud gwahaniaeth go iawn.
Ar yr hafan hon, fe gewch lawer o wybodaeth am y cwrs ei hun, am bethau sydd yn mynd ymlaen ym Mhrifysgol Bangor, profiadau myfyrwyr, a chyfleoedd gwaith a lleoliadau.
Gobeithio nawn weld chi ar y campws yn y fuan.
Pam dewis Troseddeg ym Mhrifysgol Bangor?
- Amgylchedd astudio cefnogol – Ymuna â chymuned gyfeillgar a chroesawgar lle bydd gen ti diwtor personol o'r diwrnod cyntaf ac mae ein diwylliant drws agored yn golygu bod cefnogaeth bob amser gerllaw.
- Cyd-destun y byd go iawn - Archwilia faterion trosedd a chyfiawnder byd go iawn, ac adeilada dy ddealltwriaeth o sut mae cymdeithas yn mynd i'r afael â throseddu.
- Gwellwch dy gyflogadwyedd – Cyfle i dyfu dy hyder a datblyga sgiliau ymarferol trwy gyfleoedd lleoliadau gwaith.
- Gwneud gwahaniaeth go iawn – Cei ddatblygu dy ddealltwriaeth o sut mae trosedd yn effeithio ar gymdeithas gyda chyfleoedd i gymryd rhan mewn prosiectau ystyrlon sy'n cefnogi pobl a chymunedau.
- Paratoi ar gyfer dy yrfa – Graddio yn barod ar gyfer gyrfaoedd ystyrlon mewn gwasanaethau prawf, cyfiawnder ieuenctid, elusennau, gwasanaethau cyhoeddus, a mwy.
5 Awgrym da ar gyfer y Diwrnod Ymgeisydd!
Helo, fy enw i yw Lisa Suzanne Sparks, a dwi’n un o’r darlithydd yma ym Mhrifysgol Bangor mewn troseddeg a chyfiawnder troseddol. Fedrai ddim disgwyl i'ch croesawu i un o'n diwrnodau ymgeisio nesaf yma ym Mangor. Felly dyma fy mhum awgrym i wneud y gorau o'ch diwrnod.
Felly awgrym rhif un, gwnewch yn siŵr eich bod chi'n cwrdd â'ch darlithwyr, dewch i un o'n sgyrsiau. Dw i wrth fy modd yn siarad am lofruddion cyfresol. Felly dyma beth fyddwch chi'n ei ddysgu gyda fi. I gyd am lofruddion cyfresol gwrywaidd a benywaidd... pam maen nhw'n gwneud yr hyn maen nhw'n ei wneud ac edrych ar y dioddefwyr a'r hyn sy'n digwydd wedyn.
Awgrym rhif dau yw peidiwch ag anghofio mynd ar y bysiau. Ewch ar daith o amgylch ein hadeiladau, edrychwch ar ein llety myfyrwyr. Rydych chi fel myfyrwyr wedi'ch gwarantu llety yn y flwyddyn gyntaf, felly cymerwch yr amser i gael golwg ar ble byddwch chi'n aros yn ystod eich gradd.
Awgrym rhif tri yw cymerwch yr amser i fynd ar goll yn yr adeilad hardd hwn. Crwydrwch o gwmpas. Peidiwch â phoeni am ble rydych chi'n mynd. Cymerwch yr amser i fynd ar goll. Mae digon o bobl o gwmpas y gallwch chi ofyn am help.
Ond mae hyn yn arwain at brif awgrym rhif pedwar, y bobl yn y crysau coch, stopiwch a gofynnwch gwestiynau iddyn nhw. Nhw yw ein myfyrwyr presennol. Bydd ganddyn nhw gyfoeth o wybodaeth i chi o gwmpas y byd academaidd, yr ochr gymdeithasol, hyd yn oed clybiau'r gymdeithas chwaraeon yn undeb y myfyrwyr.Felly cymerwch yr amser i gael sgwrs gyda nhw hefyd.
A fy awgrym olaf rhif pump yw edrychwch o gwmpas yr ardal. Mae gennych chi'r mynyddoedd prydferth o Eryri ar un ochr a thraethau hardd Ynys Môn ar yr ochor arall. Mae rhywbeth i bawb i’w wneud. Felly tra byddwch chi yma ym Mangor, edrychwch o gwmpas ein lleoliad prydferth, y Coleg ar y Bryn,
Prifysgol Bangor, Gogledd Cymru.
Methu disgwyl i'ch gweld chi.
Aeron Dafydd Dwi'n Caru Byw Bywyd Myfyriwr Trwy Gyfrwng y Gymraeg
Yn astudio: Cymdeithaseg a Throseddeg a Chyfiawnder Troseddol
Sut fyddech chi’n disgrifio’r arddull addysgu ar y cwrs?
"Mae’r arddull addysgu’n gefnogol iawn. Mae’r darlithwyr yn annog trafodaeth agored a meddwl yn feirniadol, nid jest dysgu ffeithiau. Mae hyn yn gwneud y sesiynau’n fwy bywiog ac yn helpu fi deimlo’n hyderus i ofyn cwestiynau ac ymuno yn y drafodaeth."
Beth fu eich hoff ran o’r cwrs hyd yn hyn?
"Fy hoff ran yw astudio drwy’r Gymraeg, gan fod y dosbarthiadau’n llai ac yn fwy personol. Mae’n hawdd cymryd rhan ac mae pawb yn adnabod ei gilydd. Rwyf hefyd wedi mwynhau'r ochr gymdeithasol drwy’r gymdeithas Gymraeg, sydd wedi gwneud fy amser ym Mangor yn llawer mwy pleserus."
Cwestiynau Cyffredin
Yn ogystal â darlithoedd ac amser dysgu personol gallwch ddatblygu eich sgiliau ymhellach trwy sesiynau sgiliau astudio a gweithgareddau allgyrsiol.
Efallai hoffwch ymuno â chlybiau a chymdeithasau amrywiol ar gael trwy undeb y myfyrwyr, mae prynhawniau dydd Mercher wedi ei chadw'n benodol i chi gymryd rhan mewn chwaraeon a gweithgareddau clwb. Trwy gydol y flwyddyn rydym yn trefnu digwyddiadau yn yr ysgol megis nosweithiau cwis sy'n rhoi'r cyfle i chi gwrdd â chymysgu â myfyrwyr eraill a'r gymuned academaidd ehangach.
Yn gyffredinol, bydd gennych 9 i 12 awr o amser cyswllt yr wythnos, all hyn gynnwys darlithoedd, seminarau neu weithdai. Yn ogystal, fe'ch anogir i ennill profiad ychwanegol trwy gyfleoedd fel ymweliadau carchar, diwrnodau hyfforddi gyda gweithwyr proffesiynol y diwydiant, a digwyddiadau eraill sy'n gysylltiedig â'r ddisgyblaeth. Byddai disgwyl i chi hefyd wneud hunan-astudio.
Oes, allwch ddewis modiwl profiad gwaith neu ddewis gwneud blwyddyn o brofiad gwaith rhwng blwyddyn 2 a 3.
Mae yna lawer o yrfaoedd y gallwch eu dilyn gyda gradd mewn troseddeg. Mae astudio troseddeg a chyfiawnder troseddol yn cynnig cyfle i fyfyrwyr ddeall troseddwyr a’u hymddygiad troseddol, a gall hyn arwain at yrfaoedd gwerth chweil a all wneud newid cadarnhaol mewn cymdeithas. Er enghraifft, gallech fynd ymlaen i weithio yn un o'r asiantaethau cyfiawnder troseddol fel yr heddlu, carchardai a gwasanaethau prawf. Mae graddedigion hefyd yn dilyn gyrfaoedd sy'n gweithio i fynd ar afael â throseddau ac ymddygiad gwrthgymdeithasol mewn cymunedau lleol, megis troseddau ieuenctid a gwasanaethau cymorth i ddioddefwyr, gyda rolau mewn awdurdodau lleol fel y gwasanaethau brys, awdurdodau iechyd a sefydliadau cymdeithasau tai.
Sut i wneud ffrindiau cyn cychwyn yn y Brifysgol?
Ymunwcb ag ymgeiswyr eraill a dod yn rhan o gymuned Bangor cyn cyrraedd hyd yn oed! Cofrestrwch i ymuno â'r ap - 'Campus Connect' a bydd modd gofyn cwestiynau, sgwrsio gyda myfyrwyr presennol a gwneud ffrindiau ag ymgeiswyr eraill ar eich cwrs ac yn y llety o'ch dewis. Cewch wahoddiad i ymuno â'r ap dros e-bost, a chewch hefyd rif adnabod Prifysgol Bangor, y byddwch ei angen i gofrestru.
Neidiwch i mewn â'ch holl galon. Trawsnewidiodd y brifysgol hon fi o fam sengl oedd yn ei chael hi'n anodd i rywun a raddiodd gydag Anrhydedd Dosbarth Cyntaf. Nid yw Bangor yn unig yn eich addysgu, mae'n eich meithrin, yn eich herio ac yn eich helpu i ailddarganfod hyder nad oeddech chi'n gwybod ei fod gennych chi.
Cwrdd â rhai o dy ddarlithwyr
Dr Tim Holmes
Rydw i wedi bod â diddordeb mewn ymddygiad dynol erioed, a'r hyn sy'n digwydd pan fydd angen i grwpiau weithio gyda'i gilydd. Cynigiodd troseddeg lwybr uniongyrchol i astudio ymddygiad dynol gyda ffocws ar rai o’r materion a’r heriau diddorol mewn cymdeithas.
Dangos i bobl y gellir gweld llawer o ddamcaniaethau a syniadau cymhleth mewn ymddygiad a gweithgareddau pobl mewn cymdeithas bob dydd. Rydw i’n credu bod troseddeg yn un o'r meysydd mwyaf hygyrch yn y byd academaidd, rydym i gyd yn asesu bygythiadau ac yn cyfrifo risgiau a manteision yn ymwneud ag ymddygiad, ac mae gennym ni i gyd syniadau am yr hyn y dylai fod yn gywir ac yn anghywir. Rydw i'n hoffi trafod y pethau hynny gyda myfyrwyr.
Rydw i’n astudio twyllwyr ac mae byd dichell a thwyll yn ddiddorol iawn. Dangosodd y ffordd y mae pobl yn twyllo eraill, yn ffugio eu marwolaethau eu hunain, yn cymryd hunaniaeth rhywun arall lawer i mi am sut mae cymdeithas yn gweithio. Roedd dysgu am sgiliau manipiwleiddio a'r hyn y mae rhai o'r twyllwyr mwy drwg-enwog wedi llwyddo i'w gyflawni yn wirioneddol ddiddorol.
Defnyddiol, hygyrch, pwysig.
Ms Lisa Suzanne Sparkes
Dwi wedi bod â diddordeb mewn trosedd erioed, a dechreuodd y cyfan oherwydd mai heddwas oedd fy nhad cyn iddo ymddeol. Penderfynais pan oeddwn yn 34 fy mod eisiau dysgu mwy am y pwnc, a dyna sut y dechreuodd y cyfan, wel, yn academaidd.
Mae cymaint o wahanol feysydd y gallwch ganolbwyntio arnynt, boed hynny’r System Cyfiawnder Troseddol ei hun, yr asiantaethau amrywiol, y gwahanol fathau o droseddau a throseddwyr, y damcaniaethau y tu ôl i pam mae rhywun yn dod yn droseddwr. Mae’r rhestr yn ddiddiwedd…
Y rhan orau i mi, yw graddio! Dwi bob amser yn mynd mor emosiynol yn gwylio ein myfyrwyr yn graddio, dwi’n llawn balchder ohonynt. Byddwn hefyd yn dweud bod y System Cyfiawnder Troseddol bob amser yn esblygu ac mae cymaint o achosion y gallwn eu cysylltu â’n dysgu.
Cyn dod yn ddarlithydd ym Mhrifysgol Bangor, roeddwn yn fyfyriwr yma. Y cyngor gorau i mi ei dderbyn oedd bod y staff yma i helpu, eu bod eisiau ichi lwyddo, ac mae ganddynt bolisi drws agored. Ymunwch â chlybiau a chymdeithasau hefyd.
