Croeso i wefan y Ganolfan Ymchwil ac Ymarfer Meddylgarwch.
Rydym yn sefydliad blaenllaw sy'n ymroddedig i astudio a chymhwyso ymwybyddiaeth ofalgar mewn amrywiaeth o gyd-destunau. Ein cenhadaeth yw datblygu dealltwriaeth o ymwybyddiaeth ofalgar trwy ymchwil a darparu hyfforddiant ac adnoddau sy'n seiliedig ar dystiolaeth i hyrwyddo lles ac iechyd meddwl. Mae ein tîm yn darparu gwybodaeth ac adnoddau blaengar i gefnogi pobl trwy ymwybyddiaeth ofalgar. Os yn fyfyriwr, ymchwilydd, neu’n ymarferydd, rydym yn eich gwahodd i archwilio ein gwefan a dysgu mwy am y gwaith a wnawn a’r hyfforddiant a gynigiwn.
Beth Yw Ymwybyddiaeth Ofalgar?
Trawsgrifiad fideo
Ystyr ymwybyddiaeth ofalgar ydi dwyn ein sylw yn fwriadol at y foment bresennol, fel y mae, heb geisio ei newid na'i farnu. Mae'n sylwi ar feddyliau, emosiynau, teimladau'r corff, a'r amgylchoedd gyda chwilfrydedd a charedigrwydd. Yn hytrach na chael ein dal mewn pryderon am yfory neu edifeirwch am ddoe, mae ymwybyddiaeth ofalgar yn ein helpu i aros yn gysylltiedig efo'r hyn sy'n digwydd ar hyn o bryd.
Dydi hyn ddim yn golygu gwagio'r meddwl na chyflawni rhyw gyflwr arbennig. Yn syml, mae’n golygu dod yn fwy ymwybodol o brofiad uniongyrchol a bod yn agored i’r profiad hwnnw, yn amyneddgar efo’r profiad a’i dderbyn.
Dydi ymwybyddiaeth ofalgar ddim yn dalent arbennig sydd gan rai pobl a ddim gan eraill. Mae'n allu naturiol sydd ar gael i bob un ohonom - yn un y gallwn ni ei gryfhau trwy ymarfer.
Trwy fyfyrdod, rydan ni’n hyfforddi ein sylw'n raddol i aros efo'r foment bresennol. Dros amser, mae'r ymarfer hwn yn cryfhau ein gallu o ran ymwybyddiaeth ofalgar, fel bod modd i ni ei gynnwys ym mhob agwedd ar ein bywydau beunyddiol.
Meistr mewn Ymwybyddiaeth Ofalgar: Gradd dysgu cyfunol
Ymarfer ymwybyddiaeth ofalgar personol wrth astudio'n rhan-amser.
Hyfforddiant i Addysgu
Darganfyddwch gyfleoedd dysgu hyblyg ar draws ein cyrsiau byr, CPD a hyfforddiant arbenigol. Mae ein rhaglenni’n cefnogi datblygiad personol, uwchsgilio proffesiynol a dysgu gydol oes, gyda dewisiadau’n amrywio o gyrsiau cyflwyniadol i lwybrau hyfforddiant uwch.
Canolfan Ymchwil ac Ymarfer Meddylgarwch, Adeilad Brigantia, Bangor, Gwynedd, LL57 2AS