Wedi’i gynhyrchu gan TIME mewn partneriaeth â Statista R, mae’r rhestr yn tynnu sylw at sefydliadau sy’n gyrru rhagoriaeth ar raddfa fyd-eang. I fod yn gymwys, roedd yn rhaid i brifysgolion fod yn fwy na thair blwyddyn oed, cynnig graddau baglor, a chofrestru o leiaf 2,000 o fyfyrwyr.
Gwerthuswyd sefydliadau ar draws tair maes craidd:
- Gallu a Pherfformiad Academaidd
- Arloesedd ac Effaith Economaidd
- Ymgysylltu Byd-eang
Mae’r maes Ymgysylltu Byd-eang yn mesur pa mor dda y mae prifysgolion yn denu myfyrwyr a staff rhyngwladol a faint o sylw rhyngwladol y cânt. Ar gyfer y mesur hwn, mae Bangor yn rhestru’n 52fed o 500, sef y 10% uchaf, gan wneud hwn yn ei faes gorau, er bod hwn y meini prawf gyda’r dylanwad lleiaf ar y sgôr gyffredinol.
Mae’r fethodoleg hefyd yn rhoi pwyslais arbennig ar arloesedd a chyfraniad economaidd, gan gynnwys datblygiadau mewn gwyddoniaeth a thechnoleg, lledaeniad gwybodaeth, a’r graddau mae graddedigion yn cyflawni llwyddiant nodedig, megis gweithredu dyfeisiadau newydd neu ddatblygu i rolau arweinyddiaeth dylanwadol. Mae safle Bangor yn atgyfnerthu ei phroffil rhyngwladol cynyddol a’i safle fel un o brifysgolion blaenllaw Cymru.
Mae’r gydnabyddiaeth hon yn adlewyrchu ymdrech barhaus ar draws y Brifysgol i ddarparu addysg o ansawdd uchel ac ymchwil effeithiol, tra’n cryfhau partneriaethau rhyngwladol a henw da byd-eang y Brifysgol.
