Dringodd y Brifysgol chwe safle hefyd yn y tabl cynghrair cyffredinol, gan godi o’r 59fed safle i’r 53ain yn y Deyrnas Unedig. Symudodd Bangor i’r trydydd safle yng Nghymru, y tu ôl i Brifysgol Caerdydd a Phrifysgol Abertawe yn unig.
Dywedodd yr Is-ganghellor, yr Athro Edmund Burke: “Mae cael ein henwi'n Brifysgol y Flwyddyn yng Nghymru ac yn Brifysgol Gynaliadwy'r Flwyddyn 2027 gan The Times a The Sunday Times yn gyflawniad eithriadol i gymuned gyfan ein Prifysgol. Mae'r gydnabyddiaeth hon yn dangos cryfder ein cymuned a dylanwad y gwaith sy'n digwydd ar draws y sefydliad bob dydd”.