Project Wystrys Gwyllt Bae Conwy: #NNF3 Cysylltu Conwy

Ymdrech ar y cyd yw Cysylltu Conwy i osod sylfeini er mwyn gwneud gwaith adfer hirdymor ar gynefinoedd morol ar draws y Fenai a Bae Conwy.

Beth Rydyn Ni’n Ei Wneud?

Project ar y cyd rhwng Prifysgol Bangor a Chymdeithas Sŵolegol Llundain (ZSL) yw #NNF3 Cysylltu Conwy. Mae’r prosiect, sy’n rhedeg rhwng mis Awst 2024 a mis Mawrth 2026, yn cael ei ariannu gan y Rhaglen Rhwydweithiau Natur (Rownd 3), a ddarperir gan y Gronfa Dreftadaeth ar ran Llywodraeth Cymru.

Nod y project hwn yw asesu'r potensial yn y dyfodol i wneud gwaith adfer ar raddfa morweddau yn Ardal Cadwraeth Arbennig y Fenai a Bae Conwy, ac o’i hamgylch.

Drwy gydweithio â rheoleiddwyr amgylcheddol, partneriaethau arfordirol ac amrywiaeth o randdeiliaid, rydym yn mynd ati i adeiladu’r sylfeini ar gyfer cynllun adfer cynefinoedd morol hirdymor sydd o fudd i fioamrywiaeth a chymunedau arfordirol.

Project staff helping collect seagrass seeds in Porthdinllaen — Credit:Rhianna Parry

Clo agos o law person yn dal wystrys brodorol yn dyner, gan dynnu sylw at ei sialc garw, gweadog a’i siâp naturiol — Credit:Rhianna Parry

AI generated image of saltmarsh — Credit:Rhianna Parry

Seagrass seeds in a collection bag — Credit:Rhianna Parry

Wild Oysters volunteers group photo at Conwy Marina, supporting oyster nursery monitoring activities — Credit:ZSL

Children holding magnifying glasses while inspecting marine biodiversity in white trays containing samples from the oyster nurseries.jpg — Wild Oysters education session with children at Conwy Marina during an Oyster Safari school visit.
Credit:Rhianna Parry

Wild Oysters volunteer at Conwy Marina, supporting oyster nursery monitoring activities
Credit:Rhianna Parry

Ein Nodau a'n Gweithgareddau

Rydym yn gwella ein dealltwriaeth o bresenoldeb a dosbarthiad cynefinoedd morol allweddol yn lleol – morwellt, wystrys brodorol, morfeydd heli a chregyn gleision – ac yn nodi rhwystrau i'w hadferiad. Mae’r gweithgareddau’n cynnwys:

Astudiaeth ddesg yn cydgrynhoi data presennol am gynefinoedd
Diweddaru asesiadau o addasrwydd cynefinoedd
Arolygon maes wedi'u targedu i wirio mapiau cynefinoedd ar lawr gwlad
Arolygon o rywogaethau anfrodorol goresgynnol
Gweithdy cyfnewid gwybodaeth gyda phartneriaid ac ymarferwyr i edrych ar ehangu'r gwaith adfer

Rydym yn parhau i ddefnyddio’r gwaith adfer wystrys brodorol ym Mae Conwy fel astudiaeth achos i ddeall dichonoldeb ac effaith, gan archwilio'r potensial i ehangu'r gwaith adfer yn y Fenai ar yr un pryd. Mae’r gweithgareddau’n cynnwys:

Monitro meithrinfeydd wystrys ac adferiad yn barhaus ym Mae Conwy
Gwirio allbynnau’r gwaith modelu addasrwydd cynefinoedd wystrys ar lawr gwlad
Nodi lleoliadau ar gyfer treialon adfer
Astudiaeth ddichonoldeb ar oroesiad wystrys yn y Fenai

Nod Cysylltu Conwy yw cynnwys cymunedau arfordirol mewn adferiad morol. Drwy godi ymwybyddiaeth, darparu hyfforddiant a chynnig dysgu ymarferol, rydym yn adeiladu rhwydwaith o stiwardiaid môr gwybodus. Mae’r gweithgareddau’n cynnwys:

Cynnig cyfleoedd hyfforddi â thâl i ymchwilwyr ar ddechrau eu gyrfa
Darparu cyfleoedd gwyddoniaeth i ddinasyddion a datblygu dulliau monitro cost isel
Cymryd rhan mewn digwyddiadau lleol i godi ymwybyddiaeth a chysylltu â chymunedau

Gwirfoddoli Gyda Ni!

Monitro Meithrinfeydd Wystrys

Mae ein meithrinfeydd wystrys wedi’u lleoli ym Marinas Conwy a Deganwy, ac maen nhw’n darparu amgylcheddau diogel a reolir, lle gall wystrys brodorol dyfu a rhyddhau larfâu i’r dyfroedd o’u cwmpas. Mae’r meithrinfeydd hyn yn cefnogi adferiad poblogaethau o wystrys a gallant hefyd weithredu fel canolbwynt i wyddoniaeth gymunedol ac ymgysylltu â’r gymuned.

Rydym yn croesawu gwirfoddolwyr i’n helpu i fonitro’r safleoedd hyn. Fel gwyddonydd-ddinesydd, byddwch yn:

Casglu data am iechyd a thwf wystrys
Cofnodi’r rhywogaethau morol sy’n byw o amgylch y meithrinfeydd
Helpu i fonitro amodau amgylcheddol fel tymheredd a halwynedd y dŵr

Nid oes angen profiad blaenorol - darperir hyfforddiant llawn, a chroesewir pobl o bob cefndir (18+ oed). Mae’n ffordd wych o ddysgu am fywyd morol lleol, cyfarfod pobl sy’n rhannu’r un diddordebau, a gwneud gwahaniaeth ymarferol drwy adfer riffiau wystrys

Cysylltwch i gael rhagor o wybodaeth ac ymuno â’r grŵp o wirfoddolwyr.

E-bostio'r tîm

A common prawn on an oyster nursery
Credit:ZSL

Cyfarfod y Tîm

Maria Hayden-Hughes

Arweinydd Projectau Ymchwil ym Mhrifysgol Bangor, yn arwain y gwaith monitro ac ymchwil maes.

Rhianna Parry

Swyddog Ymgysylltu ac Ymchwil ym Mhrifysgol Bangor, yn arwain y gwaith addysg ac ymgysylltu â'r cyhoedd.

Project manager posing with oyster nurseries above the pontoon at the marina

Celine Gamble

Rheolwr Prosiectau Adfer yng Nghymdeithas Sŵolegol Llundain, yn goruchwylio’r gwaith o gyflawni prosiectau a chyfleu gwyddoniaeth.

Dr Sophie-Berenice Wilmes

Ymchwilydd Ôl-ddoethurol ym Mhrifysgol Bangor, yn canolbwyntio ar fodelu addasrwydd cynefinoedd.

Professor Stuart Jenkins

Athro ac Ecolegydd Morol ym Mhrifysgol Bangor, yn darparu arweinyddiaeth strategol ar gyfer y prosiect.

Anna Cucknell

Rheolwr y Rhaglen Adfer Morweddau yng Nghymdeithas Sŵolegol Llundain, yn darparu arweinyddiaeth strategol.

Ein Partner

Ein Harianwyr

Caiff #NNF3 Cysylltu Conwy ei ariannu gan y Gronfa Rhwydweithiau Natur (Rownd 3), a ddarperir gan y Gronfa Dreftadaeth mewn partneriaeth â Llywodraeth Cymru.