Uchafbwyntiau o'r Ysgol Cyfrifiadureg a Pheirianneg Graddio Haf 2023

Gyda thywydd ffafriol a chyffro llawen, dathlodd myfyrwyr, staff a rhieni gyda'i gilydd yn seremoni raddio 2023 Ysgol Cyfrifiadureg a Pheirianneg Electronig a gynhaliwyd ar 12 Gorffennaf 2023.

Graddio Haf 2023

Summer Graduation at the School of Computer Science and Electronic Engineering, Bangor University

Fideo: School of Computer Science and Electronic Engineering Summer Graduation 2023

Roedd seremoni raddio 2023 ar gyfer yr Ysgol Cyfrifiadureg a Pheirianneg Electronig a gynhaliwyd ar y 12fed o Orffennaf, yn achlysur cofiadwy. Dechreuodd y diwrnod gyda chinio dathlu'r ysgol a seremoni wobrwyo. Dr Iestyn Pierce, pennaeth yr ysgol, oedd yn arwain y digwyddiad. Meddai

Roedd yn bleser cynnal ein seremoni raddio yn 2023. Roedd yr haul yn gwenu, y glaw yn dal i ffwrdd, a chawsom i gyd ddiwrnod gwych. Mae'r digwyddiadau hyn yn rhoi cyfle i gydnabod ymroddiad, dyfalbarhad a llwyddiannau'r myfyrwyr sy'n graddio. Mae’n amser gwych i fyfyrwyr adfyfyrio ar eu taith academaidd a dathlu eu llwyddiannau ochr yn ochr â’u cyfoedion, eu teuluoedd a’u staff

Dr Iestyn Pierce (Head of School) welcoming people to the celebratory graduation lunch
Credit:J.C.Roberts

Academics relaxing at the celebratory lunch
Credit:J.C.Roberts

Graduates, family, friends and staff at the celebratory graduation lunch
Credit:J.C.Roberts

Roedd y seremoni brynhawn Mercher yn un o ddeg o seremonïau haf 2023 a gynhaliwyd gan y Brifysgol. Dyfarnwyd eu cymwysterau i bob myfyriwr a oedd yn graddio mewn arbenigeddau ym meysydd Cyfrifiadureg, Peirianneg Electronig a Dylunio Cynnyrch, ynghyd â phob myfyriwr ôl-radd ac ymchwil o'r Gwyddorau Naturiol. Ar ddechrau'r seremoni ffurfiol, ymgasglodd myfyrwyr, rhieni a ffrindiau yn y neuadd fawr. Neuadd Prichard-Jones yw prif neuadd y Brifysgol ac mae’n lleoliad ar gyfer rhai darlithoedd a digwyddiadau eithriadol megis cyngherddau, Dawns yr Haf a Graddio. Ymgasglodd yr Is-ganghellor, y Canghellor, gwesteion nodedig, a staff academaidd yn yr ystafell wisgoedd cyn gorymdeithio i lawr canol y neuadd.

Yn y seremoni, dyfarnwyd dwy radd er anrhydedd. Derbyniodd Dr Tina Barsby OBE radd er anrhydedd am wasanaeth cyhoeddus. Genetegydd planhigion a chyn fyfyrwraig Prifysgol Bangor ydyw, ac mae'n enwog am ei llwyddiannau gwyddonol a'i phrofiad yn y sector cnydau amaethyddol. Derbyniodd Dr Salamatu Jidda-Fada radd er anrhydedd am wasanaethau i addysg. Roedd yn gymrawd ymchwil yn y Ganolfan Cadwraeth ar Sail Tystiolaeth, ac yn ymchwilydd gwadd yn yr Ysgol Gwyddorau Naturiol.

Yn y seremoni raddio hefyd dyfarnodd y brifysgol gymrodoriaeth addysgu prifysgol o fri i'r Athro Jonathan C. Roberts yn yr ysgol, gan gydnabod ei ragoriaeth mewn addysgu a dysgu yn yr ysgol. Dywedodd Jonathan,

Mae’n anrhydedd mawr i mi dderbyn y gymrodoriaeth addysgu llawn bri hon. Yn fy ngwaith mae gennyf y cyfle rhyfeddol bob dydd i uno fy angerdd am addysgu ac ymchwil, yn benodol ym mhwnc cyfareddol cyfrifiadura gweledol a delweddu. Mae’n anrhydedd i mi gael y cyfleoedd anhygoel hyn, a llwyfan anhygoel i gael effaith ystyrlon ym myd addysg, ac rwy’n edrych ymlaen at arloesi ymhellach mewn addysgu ac ymchwil.

Academics waiting for the photograph
Credit:J.C.Roberts

Ar ôl y seremoni ffurfiol ymgasglodd staff a myfyrwyr ar gyfer y llun swyddogol. Dywedodd Dr Iestyn Pierce “Mae bob amser yn wych cael y llun swyddogol. Mae’n dod â’r holl raddedigion a staff ynghyd, ac mae’n wych gweld y gwisgoedd lliwgar y mae pawb yn eu gwisgo. Cafwyd bwrlwm go iawn, wrth i bawb ymgasglu ar gyfer y llun. Unwaith eto, dymunaf bob llwyddiant i’n graddedigion yn eu camau nesaf.”

Rydym yn llongyfarch ein holl fyfyrwyr ar eu llwyddiant ac yn dymuno'n dda iddyn nhw at y dyfodol. Bydd yn wych cadw mewn cysylltiad, a chlywed beth maen nhw'n ei wneud, a sut maen nhw'n dod ymlaen â'u gyrfaoedd.