Rhedir gan School of Arts, Culture and Language

40.000 Credyd neu 20.000 Credyd ECTS

Trefnydd: Prof Gerwyn Wiliams

1. Gallu dirnad a diffinio'n glir y defnydd o gywair, arddull, idiom ac ieithwedd
2. Gallu dirnad a diffinio'n glir y gwahanol dechnegau a strategaethau a roddir ar waith mewn gweithiau llenyddol
3. Gallu dirnad a diffinio'n glir brif strwythurau gwahanol weithiau llenyddol
4. Meithrin agwedd ymholgar wrth ystyried y defnydd o gywair, arddull, idiom ac ieithwedd o fewn gweithiau llenyddol
5. Cyflwyno'r hyn a ystyriwyd ar ffurf traethawd academaidd a luniwyd yn unol â'r confensiynau priodol a'r medrau technegol perthnasol
6. Cynyddu a dwysáu ymwybyddiaeth o'r posibiliadau ar gyfer ysgrifennu creadigol.

Mae ‘Technegau Cyfansoddi’ yn un o fodiwlau craidd MA: Ysgrifennu Creadigol, ac ynddo bydd cyfle i drafod ystod o weithiau llenyddol gan amryfal awduron. Teilwrir yr union destunau llenyddol a drafodir at ofynion y myfyriwr unigol. Yn ei hanfod, ymholi a wna’r modiwl hwn ynghylch yr iaith lenyddol a’r technegau a fabwysiedir fel rhan o’r broses gyfansoddi. Sylwir yn fanwl ar faterion fel y berthynas rhwng cynnwys a thema gwaith llenyddol a’i gywair a’i dechnegau, ei idiom a’i ieithwedd. Y nod yn y pen draw yw cynllunio rhaglen gydgysylltiol ac ynddi berthynas glòs rhwng darllen ar y naill law ac ysgrifennu ar y llall. Bydd cysylltiad tryloyw felly rhwng y traethawd a osodir a’r portffolio creadigol. Rhoddir sylw i hyfforddiant ymchwil o fewn y modiwlau unigol. At hynny, mewn cyfres o seminarau pwnc-benodol, trafodir amryw faterion sy’n berthnasol i’r broses o ymchwilio ar gyfer gwaith ôl-radd, e.e. cywair priodol ar gyfer traethodau academaidd, llên-ladrad, cywain ffynonellau, trefnu nodiadau, sefydlu llyfryddiaethau. Trwy gyfrwng ymweliadau â llyfrgelloedd ac archifdy PB, tynnir sylw at yr ystod o gronfeydd gwybodaeth sydd ar gael a’u defnyddioldeb i’r ymchwilydd unigol. Yn ogystal â sylw i’r agweddau ymarferol a thechnegol hyn ar weithgaredd ymchwil, bydd cyfle mewn seminarau i gyfranogi o amgylchedd ymchwil Ysgol y Gymraeg ac elwa ar y cyfle i drafod rhaglenni unigol yng nghwmni myfyrwyr ôl-radd ac ymchwil eraill.

ardderchog

A- i A* - cyfetyb i ganlyniad terfynol: Rhagoriaeth

1. dangos gallu datblygedig i adnabod, gwerthfawrogi ac arfer grym mynegiannol iaith
2. dangos gallu datblygedig i ddeall priod nodweddion gwahanol gyweiriau ieithyddol a thechnegau cyfansoddi
3. dangos gallu datblygedig i ysgrifennu'n feirniadol
4. dangos gallu datblygedig i ymateb i farn, i fynegi barn bersonol aeddfed ac annibynnol, ac i gyflwyno a datblygu dadl estynedig, yn glir, yn rhesymegol ac yn gydlynus
5. dangos gallu datblygedig i grynhoi syniadau a dadleuon pobl eraill yn deg ac yn gytbwys
6. dangos gallu datblygedig i strwythuro trafodaeth a'i chynllunio'n rhesymegol
7. dangos gallu datblygedig i drefnu data ar ffurf nodiadau a llyfryddiaeth
8. dangos gafael sicr ar dermau technegol a geirfa'r ddisgyblaeth
9. dangos gafael sicr ar gystrawen a theithi'r Gymraeg.

C- i C+

C- i C+ - cyfetyb i ganlyniad terfynol: Pasio

1. dangos gallu i adnabod a gwerthfawrogi grym mynegiannol iaith
2. dangos gallu i ddeall priod nodweddion gwahanol gyweiriau ieithyddol a thechnegau cyfansoddi
3. dangos gallu i ysgrifennu'n feirniadol
4. dangos gallu i ymateb i farn ac i fynegi barn bersonol
5. dangos gallu i grynhoi syniadau a dadleuon pobl eraill
6. dangos gallu i strwythuro trafodaeth a'i chynllunio'n rhesymegol
7. dangos gallu i drefnu data ar ffurf nodiadau a llyfryddiaeth
8. dangos gafael ar dermau technegol a geirfa'r ddisgyblaeth
9. dangos gafael ar gystrawen a theithi'r Gymraeg.

da

B- i B+ - cyfetyb i ganlyniad terfynol: Teilyngdod

1. dangos gallu da i adnabod, gwerthfawrogi ac arfer grym mynegiannol iaith
2. dangos gallu da i ddeall priod nodweddion gwahanol gyweiriau ieithyddol a thechnegau cyfansoddi
3. dangos gallu da i ysgrifennu¿n feirniadol
4. dangos gallu i ymateb i farn, i fynegi barn bersonol gytbwys, ac i gyflwyno a datblygu dadl, yn glir ac yn rhesymegol
5. dangos gallu i grynhoi syniadau a dadleuon pobl eraill yn deg ac yn gytbwys
6. dangos gallu da i strwythuro trafodaeth a'i chynllunio'n rhesymegol
7. dangos gallu da i drefnu data ar ffurf nodiadau a llyfryddiaeth
8. dangos gafael dda ar dermau technegol a geirfa'r ddisgyblaeth
9. dangos gafael dda ar gystrawen a theithi'r Gymraeg.

1. Adnabod amryfal enghreifftiau o gyweiriau, arddulliau, idiomau ac ieithweddau o fewn amrediad o weithiau llenyddol, e.e. ffurfiol ac anffurfiol, llafar a thafodieithol, arwrol a ffugarwrol, beiblaidd, mabinogaidd, rhyddieithol blaen a barddonol flodeuog, ffwythiannol a ffeithiol, amlgymalog, sathredig, bratiog ac `ansafonol'

2. Gwerthfawrogi a gwerthuso priod nodweddion cyweiriau, arddulliau, idiomau ac ieithweddau

3. Cloriannu ymatebion beirniadol i amryfal enghreifftiau o gyweiriau, arddulliau, idiomau ac ieithweddau o fewn detholiad o weithiau llenyddol

4. Datblygu gwell dealltwriaeth o'r gwahanol dechnegau sy'n rhan o'r broses gyfansoddi

5. Cyfleu'r hyn y buwyd yn ei drafod ar ffurf traethawd academaidd safonol a strwythuredig.

6. Ymelwa'n greadigol o'r amryfal enghreifftiau o dechnegau a strategaethau y buwyd yn eu hystyried wrth fynd ati i gynllunio eu portffolio creadigol eu hunain.

Math	Enw	Disgrifiad	Pwysau
	Traethawd		100.00

		Oriau
Seminar	Seminarau	12
Tutorial	Tiwtorialau	12
Private study	Astudio annibynnol	376

• Llythrennedd - Medrusrwydd mewn darllen ac ysgrifennu drwy amrywiaeth o gyfryngau
• Defnyddio cyfrifiaduron - Medrusrwydd wrth ddefnyddio ystod o feddalwedd cyfrifiadurol
• Hunanreolaeth - Gallu gweithio mewn ffordd effeithlon, prydlon a threfnus. Gallu edrych ar ganlyniadau tasgau a digwyddiadau, a barnu lefelau o ansawdd a phwysigrwydd
• Archwilio - Gallu ymchwilio ac ystyried dewisiadau eraill
• Adalw gwybodaeth - Gallu mynd at wahanol ac amrywiol ffynonellau gwybodaeth
• Sgiliau Rhyngbersonol - Gallu gofyn cwestiynau, gwrando'n astud ar atebion a'u harchwilio
• Dadansoddi Beirniadol & Datrys Problem - Gallu dadelfennu a dadansoddi problemau neu sefyllfaoedd cymhleth. Gallu canfod atebion i broblemau drwy ddadansoddiadau ac archwilio posibiliadau
• Cyflwyniad - Gallu cyflwyno gwybodaeth ac esboniadau yn glir i gynulleidfa. Trwy gyfryngau ysgrifenedig neu ar lafar yn glir a hyderus.
• Rheloaeth - Gallu defnyddio, cydlynu a rheoli adnoddau (dynol, ffisegol ac/neu ariannol)
• Dadl - Gallu cyflwyno, trafod a chyfiawnhau barn neu lwybr gweithredu, naill ai gydag unigolyn neu mewn grwˆp ehangach
• Hunanymwybyddiaeth & Ystyried - Bod yn ymwybodol o'ch cryfderau, gwendidau, nodau ac amcanion eich hun. Gallu adolygu ,cloriannu a myfyrio'n rheolaidd ar eich perfformiad eich hun ac eraill.

Gorfodol mewn cyrsiau:

• Q5AN: Diploma Ysgrifennu Creadigol year 1 (DIP/YSGCRE)
• Q5AO: MA Ysgrifennu Creadigol year 1 (MA/YSGCRE)