Overview

Mae 'Astudiaeth Unigol: 3' yn un o fodiwlau craidd MA: Iaith a Llenyddiaeth Gymraeg. Bydd union gynnwys a chyfeiriad y modiwl yn dibynnu ar raglen unigol y myfyriwr. Bydd y tri modiwl 'Astudiaeth Unigol' sy'n 40 credyd yr un yn ymffurfio rhyngddynt yn rhaglen gydlynus a chydgysylltiol a fydd yn paratoi'r myfyriwr ar gyfer y traethawd hir 60 credyd dilynol. Rhoddir sylw i hyfforddiant ymchwil o fewn y modiwlau unigol. At hynny, mewn cyfres seminarau pwnc-benodol, trafodir amryw faterion sy¿n berthnasol i¿r broses o ymchwilio ar gyfer gwaith ôl-radd, e.e. cywair priodol ar gyfer traethodau academaidd, llên-ladrad, cywain ffynonellau, trefnu nodiadau, sefydlu llyfryddiaethau. Trwy gyfrwng ymweliadau â llyfrgelloedd ac archifdy PCB, tynnir sylw at yr ystod o gronfeydd gwybodaeth sydd ar gael a¿u defnyddioldeb i¿r ymchwilydd unigol. Yn ogystal â sylw i¿r agweddau ymarferol a thechnegol hyn ar weithgaredd ymchwil, bydd cyfle mewn seminarau i gyfranogi o amgylchedd ymchwil Ysgol y Gymraeg ac elwa ar y cyfle i drafod rhaglenni unigol yng nghwmni myfyrwyr ôl-radd ac ymchwil eraill.

Learning Outcomes

• Gallu cwblhau traethawd academaidd yn unol â'r confensiynau addas a chan ddefnyddio'r aparatws technegol priodol.

• Gallu cywain deunyddiau perthnasol ar gyfer maes llenyddol neu/ac ieithyddol penodol

• Gallu pwyso a mesur deunyddiau o wahanol ffynonellau'n feirniadol.

• Gallu trin a thrafod deunyddiau perthnasol mewn modd academaidd priodol ar lafar

• Gallu trin a thrafod deunyddiau perthnasol mewn modd academaidd priodol yn ysgrifenedig